السلام عليكم، محدش يقدر يجبرك على حاجة مش حاباها أو علاقة مش عاوزاها في حياتك، ومش عشان فيه علاقة بين أهلك وأهلها يبقى لازم أنتِ كمان تصاحبيها. طالما مش مرتاحة لها وبتتأذي منها فخلاص تجنبيها واتكلمي مع مامتك بصراحة إنها بتحرجك مع الناس وبتضايقك بتصرفاتها وأنتِ مش شايفة إنكم تنفعوا أصحاب. لو زي ما بتقولي مضطرة تحتكي بها فإما تعامليها زي ما بتعاملك أو تخليكِ أحسن زي ما قلتِ بس تحتسبي مساعدتها حاجة بتعمليها لوجه الله واللي عند ربنا مش بيضيع وكده مش هتحسي بخذلان أو ضيق. لو مش هتقدري تعملي كده فخلاص ارفضي عادي المساعدة بأدب وحاولي تقللي الاحتكاك ده قد ما تقدري. وربنا يرزقك بأصدقاء يقدروكِ وتساعدوا بعض على الخير إن شاء الله.
لعرض الإجابة في فدني اضغط هنا