السلام عليكم ورحمه الله وبركاته
مبدئيا كده قبل اي حاجه مش عاوزة كلام يجرحني عاوزة نصيحه منكم اتعاملوا معايا كأني بنتكم أو اختكم الصغيره
انا عندي 20 سنه بقالي كام سنه بدخل في علاقات عاطفيه وأخرج منها لاني خايفه أو بكتشف أنه مش مناسب أو بفتكر أنه حرام عارفه أن كل ده غلط وعارفه اني غلطانه وروحت أتعالج عند دكتور نفسي بسبب اني جتلي فتره بتحصلي حالات عياط هيستيري من غير سبب ومن ضمن كلامي معاه حكيتله عن الموضوع ده
هو كل اللي قاله أن ده نقص عاطفي انا معرفش فعلا بعمل كده ممكن علشان حابه الاهتمام لاني مليش صحاب تقريبا هي واحده بس ولسه يادوب مع بعض بقالنا سنه انا كان ممكن ادخل في اكتر من علاقه عاطفيه في نفس الوقت من غير ما استوعب اصلا
عارفه اني كده انا انسانه وحشه بس والله بحس اني اتحطيت في الموقف فجأة ومش بيتاخد رأيي اصلا والاقي اني ارتبطت بالشخص ده من غير ما اتكلم ومبحبش أجرحه مش عارفه لحد امتى بجد
أنا دلوقتي عاوزة اركز على حياتي ومستقبلي انا حاطه اهداف كتير عاوزة اوصلها فوجود الأشخاص دول في حياتي هيبعدني عن الهدف ده وعاوزة ربنا يسامحني انا مش عاوزة اعمل حاجه غلط وفي كمان معلومه انا ماما دايما تقولي اني ضعيفه الشخصيه وهو انا فعلا كده مبعرفش اعمل حاجه لنفسي يعني لو في ورق لازم يخلص في الكليه معرفش اعمله لنفسي ولو عاوزة اشتري حاجه ببقى مرتبكه جدا وانا بشتري بحاول اتغلب على الموضوع ده بأني احط نفسي قدام الأمر الواقع بس ببقى خايفه جدا مش عارفه اعمل اي او اتصرف ازاي ساعدوني 🥺
السلام عليكم ورحمه الله وبركاته من اجابتك على التعليق اللي انا علقته السؤال اللي سالتهولك عن والدك خليني اقول لك انه الوضع اللي انتي بتعشيه ده هو بحثا عن رمز ذكوري في حياتك رغم ان والدك ربنا يبارك لك فيه موجود لكن مفيش علاقه ما بينكم ودي نقطه بتكون مهمه جدا عند البنت ان يكون في علاقه ليها برمز ذكوري فطبعا هنا علاقتك بوالدك مش موجوده فانت طول الوقت بتحاولي تسدي الاحتياج ده هو مش احتياج عاطفي هو احتياج للرمز ده ان يكون في علاقه برمز ذكوري بتشوفي نفسك فيه ان هو يشوفك حلوه انه يكون فخور بيكي ان هو يكون بيهتم بك بشكل ما إن هو يكون بيخاف عليك بيحافظ عليك فانك مش لامسة العلاقه دي. ما بينك وما بين باباكي لانه الخوف ده عامل لك حاجز عامل لك زي حائط ما بينك وما بين باباك كأنك مش شايفاه مش بتتعاملي معاه مش لمساه فطول الوقت بتدوري على ده انك تديه من الاحتياجات دي من من بره قربي من باباك ما تخافيش منه. وطدي علاقتك بيه وان شاء الله هتلاقي الامور اتحسنت معك كثير وما بقتيش بتدوري على ده ولا بتقعي في مساله العلاقات الخارجيه دي خالص ان شاء الله.
تم النشر السبت، ٣ مايو ٢٠٢٥
وعليكم السلام ورحمة الله وبركاته. أختي العزيزة، أولاً أود أن أؤكد لك أنك لست وحدك في ما تمرين به، فالكثير من الفتيات والشباب يشعرون بالضياع في فترة من حياتهم، ومن الجيد أنك تسعين للحصول على الدعم والنصيحة. إن ما تشعرين به من نقص عاطفي هو حالة طبيعية تنشأ أحيانًا نتيجة لعدم وجود دائرة دعم قوية حولنا. ولكن من المهم أن نفهم كيف يمكننا توجيه هذه المشاعر بطريقة إيجابية. تحديد الأهداف : من الجميل أنكِ وضعتِ أهدافًا لحياتكِ المستقبلية. حاولي تخصيص وقت يومي أو أسبوعي لتفكري في خطوات صغيرة يمكنك اتخاذها لتحقيق هذه الأهداف. ابدئي بخطة بسيطة وواقعية. التطوير الشخصي : انظري إلى فرص تطوير ذاتِك سواء كان ذلك عن طريق الدراسة أو الالتحاق بدورات تهمك. يمكنك أيضًا قراءة كتب عن تطوير الذات والثقة بالنفس. بناء علاقات صحية : حاولي تعزيز صداقتكِ مع الأشخاص الإيجابيين الذين يدعمونك ويساعدوك على النمو. العلاقات العاطفية يجب أن تكون بناءً على الاحترام المتبادل والتفاهم. العمل على الثقة بالنفس : تقبلي نفسك كما أنتِ، لأن قبول الذات هو بداية ترسيخ الثقة. يمكنكِ تسجيل إنجازاتك اليومية الصغيرة ومراجعتها لتشعري بالرضا عن نفسك. طلب المساعدة عند الحاجة : إذا شعرتِ بالضغوط أو الحزن، لا تترددي في استشارة مختص للتحدث عن مشاعرك. هذا أمر مهم ويدل على قوتك. تحلي بالصبر مع نفسك، فالتغيير يحتاج إلى وقت. واحتسبي كل هذه التجارب عند الله، وكوني واثقة من أن الله معكِ، يسدد خطاكِ ويوفقكِ لكل خير. وفقك الله وأعانك في طموحاتك.
تم النشر السبت، ٣ مايو ٢٠٢٥
علاقتي بوالدي مش مفهومه بالنسبالي انا بحبه مش هنكر بس بترعب منه بخاف اتكلم معاه في اي حاجه يفهمني وقتها غلط في بعض الاحيان بحس اني بكرهه بس مجرد احساس كاذب لانه طيب والله بس عصبي وعصبيته تخوف
تم النشر السبت، ٣ مايو ٢٠٢٥
علاقتك بوالدك عامله ازاى ؟
تم النشر السبت، ٣ مايو ٢٠٢٥
لعرض السؤال في فدني اضغط هنا