انا ام عندي 37 عام ولدي 3 اطفال أعمارهم 3 سنوات و6 سنوات قبل الزواج كانت ذاكرتي جيده وأستطيع إنجاز كل ما أريد إنجازه من عمل أو حاجات شخصيه وكان تركيزي جيد جدا ، اما بعد الزواج وخاصة بعد وجود الاطفال أصبحت أنسى كثيرا ولا استطيع التركيز حتى في أبسط المهم اليوميه ولا اشعر بأي إنجاز جديد في حياتي وهذا يؤثر عليَّ نفسيا بشكل سلبي مع العلم بأن زوجي كثيرا ما يشتكي من تقصيري وعدم تركيزي.
كيف اساعد نفسي على تحسين ذاكرتي وتركيزي ؟
السلام عليكم، هو طبيعي مع رتم الحياة والانشغال بالبيت والأطفال والمسؤوليات الكتير إن يحصل كده خاصة إذا مفيش اهتمام بنفسك وصحتك وإن كل تركيزك وانشغالك بشغل البيت والأولاد. فالأول يا ريت تكشفي باطنة وتعملي تحاليل زي صورة دم كاملة ونسب الفيتامينات والحديد عشان تطمئني إن مفيش أي مشاكل تكون سبب عضوي للنسيان وعدم التركيز. ولو فيه أي حاجة امشي على العلاج والمكملات اللي هيكتبها الطبيب وظبطي نظامك الغذائي. ** بعد كده، ابدئي اعملي نظام لحياتك يكون فيه جزء لنفسك وبس، تهتمي فيه بصحتك وجسمك ويكون فيه وقت خاص بك أنتِ. عشان يكون فيه توازن في حياتك وتربيتك لأطفالك لازم انتِ الأول تكوني مستقرة نفسيًا وبدنيًا. طول مفيش توازن وحياتك كأنك دايرة في ساقية هيكون فيه تشتت وتقصير وهتحسي طول الوقت إنك مقصرة ومفيش إنجاز حتى لو في الحقيقة أنتِ فعلا بتنجزي. ** اقعدي مع نفسك وهاتي ورقة وقلم واكتبي كل اللي مضايقك وكل اللي شاغلك واللي حاسة إنك مقصرة فيه واللي حاسة إنه عاوز يتصلح في حياتك. كل حاجة اكتبيها وفرغي عقلك من الدوشة واللخبطة اللي جواه. بعد كده في فترة تانية وانت لسه صاحية وفي أول تركيزك اقعدي ورتبي الأفكار اللي فرغتها وحددي الأولويات اللي لازم تبدئي بها عشان يبدأ يكون فيه توازن وصحة في حياتك. *** حاولي تتابعي قنوات مفيدة لتنظيم الحياة الأسرية وإزاي تكون متوازنة. هقترح لك بعض القنوات وإن شاء الله تستفيدي منها https://www.youtube.com/@OsloobModern https://www.youtube.com/@salmarashwan اقترح لك برضه تطلعي على نموذج عجلة الحياة المتوازنة عشان يساعدك ترتبي أولوياتك وخطط حياتك بطريقة متوازنة ومتدرجة من غير ضغط. https://www.youtube.com/watch?v=PUkyzZ_PtJQ&t=212s&pp=ygUo2LnYrNmE2Kkg2KfZhNit2YrYp9ipINin2YTZhdiq2YjYp9iy2YbYqQ%3D%3D وربنا يوفقك.
تم النشر الأربعاء، ١٧ ديسمبر ٢٠٢٥
النسيان أمر طبيعي يفندم مع تقدم العمر ربنا يطول في عمر حضرتك بس بشرط انه ميكونش لدرجة نسيان الحاجات الأساسية الي في حيانا اليومية يعني مثلا أطفالك وأسماءهم... ده هيتطلب زيارة طبيب... أما النسيان الي معظمنا بنتعرضله فهو نسيان طبيعي بسبب المهام الكتير والمشتتات الأكتر وخصوصا كونك أم ل 3 أطفال.... فدايما يفندم اعملي To do list أو بمعنى تخلي معاكي نوته كده سواء ورقيه أو على الفون المهام الي المفروض حضرتك تعمليها وتنجزيها دي عاده بسيطة بس مع الوقت بتساعد على تحسين التركيز.... نيجي لنقطه تانيه وهي منع التشتت وده سببه الأول الأيام دي هو السوشيال ميديا والتقليب بلا هدف لأن ده بيأثر على الذاكرة قصيرة الأمد وبالتالي بتقلل القدرة على الاحتفاظ بالمعلومه وبالتالي النسيان...عشان كده نقلل عدد ساعات التعرض للشاشات ونستبدلها بهوايات تانية... وأخيرا من الجانب الطبي ممكن نمشي على مكمل غذائي يكون فيه أوميجا 3 ونهتم بالتغذية طبعا ولو فيه أنيميا أو مشاكل صحية أخرى نهتم بيها... بالمناسبة يفندم حضرتك لو بتاخدي أدوية ممكن يكون النسيان الطفيف من الآثار الحانبية ليها فيفضل دايما استشارة طبيب في الحالة دي... وبس كده يفندم دمتي سالمه ❤️
تم النشر الاثنين، ١٥ ديسمبر ٢٠٢٥
اهم حاجة تهتمي بصحتك لا نك انتي ووالدهم اساس كل حاجة في حياتهم من تربية لدعم وغيره كتير ثانيا الموضوع بيبدا بالتدرج مش من يوم وليلة وغير كدا علي طول ورقة وقلم معاكي نوت علي الهاتف واكتبي اي حاجة عاوزة تعمليها أو هتخططي ليها وممكن علي التلاجة من الليل تضفي خطط بكرا بحيث انك امك ماشاء لثلاث اطفال واكيد تعرفي شغل البيت والأطفال واتاقلمتي بس متزعليش نفسك تذكري انك قوية بحيث بتهمتي بأربعة والخامس البيت والله يعينك
تم النشر الاثنين، ١٥ ديسمبر ٢٠٢٥
تم النشر الاثنين، ١٥ ديسمبر ٢٠٢٥
ممكن يكون نقص فيتامين بسبب تربيه الأطفال لان ده امر مرهق جدا ف ربنا يساعدك
تم النشر الاثنين، ١٥ ديسمبر ٢٠٢٥
لعرض السؤال في فدني اضغط هنا