انا لأول مرة اتوجع اوى لدرجة انى النهاردة و انا قائمة اتوضى أقسم بالله قلبى واجعنى و بعد الصلاة مقدرتش ألمس القرأن من القهر بعد حلقة الداعي وليد اسماعيل و مش بسببه بس لأ ده علشان بعمل بحث بقالى يومين و حرفياً اغلب الآراء موافقة و مفسرة أنه ضرب الزوجة صحيح و أمر الفكرة أنه حتى بشروط و غير مبرح أو بسواك ده قمة الإهانة الفكرة مش فى الألم الجسدي لأ فى النفسى و الاهانه
فى الاول لما عرفت الذكر ضعف البنت فى الميراث اقتنعت علشان هو بيصرف المفروض و التعدد له شروط و يتامى و كده اتوجعت بس اقتنعت و الطاعة و التحكم بس حاولت اقتنع لكن حتى الضرب دى صعبة عليا اوى مش قادرة اتقبلها والله اللمسة إهانة
الوجع أن أغلب الذكور مقيدين و مبسوطين اوى و لما نقول العكس كمان زى ايه "ولهن مثل الذي عليهن" يقولوا لا الراجل قوام و هى بس اللى تضرب و هو حر ميسمعش الكلام إنما هى لازم تسمع انا كرهت الجواز اوى بس مش دى المشكلة المشكلة انى بقيت اشك فى كل حاجة فين وصية الرسول و المودة و الرحمه ؟! بس اللى متأكدة منه أن ربنا عادل
السلام عليكم، إجابتي هتكون طويلة شوية، فأرجو تقرأيها للآخر وإن شاء الله تفيدك. أولا، مش عاوزاكِ تضايقي ولا تزعلي خالص... أنا فاهمة إحساسكِ جدا بس أنتِ المفروض طالما عارفة ربنا ومؤمنة بدينك ومتعلماه كويس مفيش أي كلام يهزك أو يشككك. ** الحوارات دي كلها بتبقى معمولة لإثارة الجدل، كل شوية هتلاقي حوار منها وخناقات على السوشيال ميديا وللأسف الشباب والبنات بيقعوا ضحيتها والفجوة بين الجنسين وكره الزواج وكره الدين نفسه زادت بسببها. ** أي شخص دلوقتي قرأ كتابين في الدين بيفتكر نفسه عالم وبيتجرأ على الكلام في الدين وإثارة الجدل وبيتكلم دون فهم للدين ولا إدراك لفقه الواقع. وبسبب الحوارات اللي ملهاش داعي دي، بنات كتير للأسف ألحدت أو ركنت أحكام الدين على جنب أو حتى انضمت للنسوية المتطرفة. *** حقوق المرأة في الإسلام موضوع كبير جدا وفيه تفاصيل، مينفعش تتلخص ولا تتاخد من جانب واحد، الإسلام مش بيحابي طرف على حساب طرف. ربنا لما أعطى الذكور امتيازات فعشان هدف ومسؤولية مش عشان هم جنس أعلى ولا أفضل مننا. الجنسين لهم حقوق وعليهم واجبات، أي خلل في المنظومة هينتج عنه مشاكل، واللي متمثلة في الواقع اللي عايشينه حاليا. *** بالنسبة لنقطة الضرب، فاهمة تفكيرك ومشاعرك ناحيتها، بس خلينا نفهم الآية أصلا نازلة في مين وتطبيق الآية إيه. الآية مش لكل النساء، دي للمرأة الناشز فقط، والناشز مش كلمة تتقال على أي واحدة تناقش زوجها ولا تقاطعه في كلامه ولا تتجرأ على إنها ترفض له طلب.. زي ما الشباب بيستهبلوا ويطلقوها على أي سلوك من المرأة لا يرضيهم حتى لو كان ضمن حقوقها الشرعية. ** لو جينا نبص على السيرة، فأمهات المؤمنين كانوا بيناقشوا الرسول عادي وبيخاصموه حتى إن السيدة عائشة لما غارت ورمت صحن الطعام وكسرته الرسول قال للصحابة "غارت أمكم" لا عنفّها ولا اتهمها بالنشوز ولا ضربها. الرسول زي ما قالت السيدة عائشة رضي الله عنها (ما ضرب رسول الله صلى الله عليه وسلم خادمًا له ولا امرأة ولا ضرب بيده شيئًا" والرسول المفروض قدوتنا، فمينفعش الرجال دلوقتي يتحججوا بالقوامة عشان يضربوا النساء... والرجل الحقيقي أصلا عمره ما هيمد إيده على أضعف منه. *** لكن للأسف، فيه نوع صعب وسيئ من النساء، سليطة اللسان ولا بتحترم زوجها ولا بتؤدي واجباتها تجاهه وممكن تتطاول وتهينه (خلينا واقعيين ونعترف إن النوعيات دي موجودة فعلا) ربنا قال للزوج يتعامل إزاي في الحالة دي، الأولوية بتبقى الحفاظ على البيت فبيلجأ لثلاث خطوات كإنذار للمرأة، الأول، يوعظها وينبهها لتصرفاتها، منفعش يلجأ للهجر في الفراش، والهجر مقتصر على العلاقة مش هجر الكلام... مجرد الرفض بيؤلم المرأة. وكل مرحلة من دول المفروض لها مدة، الإسلام مقالش اضربها على طول. منفعش كل دول، آخر مرحلة الضرب... ومش المقصود خالص الضرب القصد الإنذار. الرسول حدد إن الضرب المقصود في الآية، لا يسبب ألم ولا يترك أثر ولا يسبب عاهة وممنوع وحرام ضرب الوجه... يبقى إيه اللي فاضل من معنى الضرب؟ السواك خفيف، وضربة خفيفة منه على كفها مجرد إشارة إن ده إنذار أخير بعده هيحصل الطلاق. كأنك ضربتِ بسبابتك على يد طفل صغير وقلتِ له "كخ"... هل أنتِ قاصدة تألميه أو تضربيه أو كده فيه ألم نفسي أو إهانة؟ **** إساءة استخدام الآية أو لوي أحكام الدين عشان تخدمهم، مش غلطة الدين، دي غلطة اللي بيعمل كده وحسابهم في الآخر عند ربنا. ** بالنسبة للميراث، فمين قال إن الذكر بيرث دائما ضعف الأنثى. أحكام الميراث ملهاش دعوة بالجنس، الأحكام محددة بدرجة القرابة. فيه حالات كتير المرأة بترث فيها مثل الرجل وحالات تانية بترث أكبر منه وفيه حالات ممكن المرأة ترث والرجل لا يرث. فلازم ناخد الدين ككل ونفهم قبل ما نصدر أحكامنا. *** ملكيش دعوة بكلام الشباب وتعليقاتهم لأن أغلبهم بيتكلم من وجهة نظر ذكورية سامة، من غير علم ولا فهم، لدرجة إن لو شيخ تكلم في حقوق المرأة ودافع عن حقوقها الشرعية وتكلم بأدلة من القرآن والسنة بيهاجموه ويشتموه في التعليقات. فتجاهليهم خالص وركزي بس إنك تتعلمي دينك وتفهمي كويس حقوقك وواجباتك في الإسلام. *** ممكن أرشح لك تتابعي، د. عابدة المؤيد https://www.facebook.com/abida.alazem/?locale=ar_AR https://www.youtube.com/user/abidaazem وقناة كلمة نور https://www.youtube.com/@kalima.nour.ashqar وإن شاء الله تلاقي في دروسهم اللي يظهر لك الصورة الوسطية بعيدا عن الذكورية والنسوية السامة المنتشرة حاليا. وربنا يوفقك.
تم النشر الأحد، ١ فبراير ٢٠٢٦
في عقيدة كل مسلم ودي لازم تتعلميها أي شبهة في الأسلام مش على طول اول ما تجيلك او تفكري فيها تسيئ الظن عقيدة كل مسلم أن دينه كامل ليس فيه خلل ولا نقص ولا اي شيء غلط طبيعي الانسان المسلم العامي ليس بطالب علم او بعالم طبيعي يجيله شبهة بس الأكيد والي لازم يثق فيه إن دينه كامل وإن اكيد الشبهة دي ليها تفسيرها وحكمتها والإجابة عنها بس انا طبيعي عشان معنديش من العلم فانا جاهل عن هذه الشبهة الي جتلي والحمد لله علماء المسلمين كثار جدا ولا ويردوا على جميع الشبه حرفيا فشبه الي عندك دي اكيد ليه حكمتها او ردها وانا اصلا معرفش ردها بس واثق فلي بقوله ومش قلقان خالص لاني واثق لو روحت دلوقتي لأي عالم او طالب علم متقن في هذه المسألة هيريحني وهقتنع بكلامه لأن ديني كامل وإن فطرة الله هي الإسلام ولو انا مقتنعتش كمان يبقا الغلط فيا انا مش في ديني زي مثلا مسألة اللحية او تعدد الزوجة ممكن حد ميرتحلهاش اوي من نشأة بيئته او زمنه بس مؤمن بيها طبعا بس المشكلة تبقا فيه مش في الدين خالص
تم النشر الأحد، ١ فبراير ٢٠٢٦
يا حبيبتي، أول حاجة أقولها: أنا معاكِ قلباً وقالباً ، وده الوجع اللي بتحسيه دلوقتي طبيعي جداً لأي بنت بتبحث بصدق وبتلاقي آراء متطرفة أو مش مفهومة صح. أنتِ مش لوحدك، ومشاعرك دي دليل على قلب حي وإيمان قوي. ربنا عادل زي ما قلتِ، وده أساس كل حاجة. خليني أرد عليكِ خطوة بخطوة باختصار، من منظور إسلامي متوازن وعلمي، علشان نريح قلبك شوية. 1. الضرب؟ مش إهانة، ولا حتى حل أساسي الآية في سورة النساء (34) مش أمر عام بالضرب، بل خيار أخير جداً بعد نصيحة وهجر في الفراش، وبشروط صارمة: غير مبرح، ولا يترك أثراً، ولا في الوجه (زي بسواك خفيف رمزي). بس الرسول ﷺ نفسه لم يضرب وقال: "خيركم خيركم لنسائه" . اللي بيفتي بالضرب بسهولة ده مش فهم صحيح. 2. الميراث، التعدد، الطاعة؟ كله عدل مش إهانة الميراث : أحكامه كتيرة ومش دايما الذكر يرث أكثر من الأنثى. التعدد : مش حرية مطلقة، بل شروط قاسية (عدل تام، يتامى أولاً، موافقة الزوجة الأولى في كتير آراء). الطاعة : مقابل قوامة الرجل بالعدل والرحمة لو الراجل مش رحيم، مفيش طاعة مطلقة – والرسول قال: "استوصوا بالنساء خيراً". الإسلام رفع مكانة المرأة ، وآية الروم (21): "وجعل بينكم مودة ورحمة" – ده جوهر الزواج، مش قهر! 3. الشك ده هيروح إزاي؟ نصائح عملية اقري بنفسك : تعلمي الدين وأحكامه من مصادر وسطية واقرأي في حقوق المرأة في الإسلام. تذكري السنة : الرسول ﷺ كان أحن على نساء ، عاش مع زوجاته برحمة وأحسن معاملتهن، وقال: "الدنيا متاع وخير متاع الدنيا المرأة الصالحة". الجواز مش كره : الزواج في الإسلام سكينة ومودة ، مش سيطرة. دوري على راجل يخاف ربنا، وابدئي بصلاة الاستخارة. للقلب : اكتبي 3 أشياء الإسلام عملها لكِ يومياً (زي الصلاة اللي بتريحك)، وكرري: "ربنا عادل، وأنا هفهم كل حاجة بالوقت". يا قمر، الإسلام مش أهان المرأة ، بل حماها في مجتمع كان بيدفن البنات! اللي بيوجعك آراء بشرية مش النص الصحيح. أنتِ قوية، وربنا هيفتح قلبك على الفهم الصح.💕. الله يريح قلبك ويثبت إيمانك.
تم النشر الأحد، ١ فبراير ٢٠٢٦
اسمعي محاضرة الضرب بين التأصيل والتطبيق للشيخ محمد الغليظ وممكن تسمعي دكتور إياد قنيبي عن ضرب المرأة، وإن شاء الله تلاقي إجابة وبالنسبة للداعية وليد إسماعيل ناس كتير حذرت منه.
تم النشر الاثنين، ٢ فبراير ٢٠٢٦
ليه هي القوامه للرجل ولا للمرأه ؟! وبعدين الزوجه لو محترمه ومابتعملش حاجه غلط ومطيعه إيه اللي هيخلي الزوج يضربها يعني ، أما لو إنتي بتتكلمي عن مثال لرجل مريض إنتي شوفتيه بيضرب بدون أسباب يبقى المثال ده بس هو اللي سئ ماتعمميش علشان ما تفسديش نساء كتير معاكي .ولو مفيش حاجه من دي و إنتي المقصد من كلامك الدفاع عن المرأه بشكل عام يبقى الأفضل ليكي تنصحي النساء بالاعتدال والطاعه واللين وده الأولى لإن معظم النماذج اللي بنشوفها في قمة الجهل والتطاول وعدم طاعة الزوج وفي الحاله دي اللي هي (الدفاع عن المرأه يعني وحقها) مع إن ده ولا دفاع ولا بتاع ،،الإسلام أكتر دين أعز المرأه أصلًا، فحضرتك بتسقطي النظر على النتيجه من غير ماتشوفي السبب، وآخر الآيه *فإن أطعنكم فلا تبغوا عليهن سبيلًا إن الله كان عليًّا كبيرًا*
تم النشر الاثنين، ٢ فبراير ٢٠٢٦
الآن الزاني الغير محصن عقوبته الجلد والزاني المحصن عقوبته الرجم حتى الموت (هذا إن لم يتوب فإذا تاب لا يعاقب) ..... نحن هنا نتكلم على موت وليس مجرد إهانة وضرب بالسواك ... فإذا أشفقنا عليه ولم نعاقبه سيزيد الزنى ويزيد أبناء الزنى الذين يتم تركهم عند باب المسجد .... فيعيش ابن الزنى بلا أب ولا أم واذا لم يسلك الطريق الصحيح فاحتمال ان يصبح مجرم أو قاتل .... فهل نشفق على الزاني ونمتنع عن إهانته؟.... وهكذا فالإسلام دين عادل للجميع فإذا منع العقاب كانت العواقب وخيمة
تم النشر الاثنين، ٢ فبراير ٢٠٢٦
انا بطلت اسمع فتاوى الشيوخ عن النساء خلاص بجد عشان متفتنش في ديني. انا اصلا ماشيه بالعافية وبحاول أقرب من ربنا ولما بسمع كلام الشيوخ عن النساء بحس بيجيلي صدمة كده شويه وبعدها اتضايق فتره واحس اني بعدت عن ربنا عشان كده بطلت والله وعايشة الحمد لله احسن كده وانا مش متجوزه فمش متضطره اسمع الكلام ده. وان شاء الله اتجوز شخص صالح علي دين وعارف ربنا بجد مش بيدعي التدين
تم النشر الاثنين، ٢ فبراير ٢٠٢٦
هوضحلك حاجه ، المقصود بالضرب هنا مختلف فيه ، في بعض الفقهاء قالوا إن كلمه واضربوهن هنا مش مقصود بيها الضرب بالمعني الحرفي ، بل الزجز المعنوي ، لان كلمه الضرب في القرآن استخدمت في مواضع كتيره وكل مره بمعني مختلف وبما أنه في خلاف في تفسير القرآن أو في وضوح المعني ف احنا بنبص لسيدنا النبي عمل ايه؟او قال ايه؟ يعني النبي قال (خيركم خيركم لأهله)وقال (ما اكرمهن الا كريم ولا اهانهن الا لئيم) وقال (المسلم من سلم الناس من لسانه ويده)وقال (ليس أولئك بخياركم)عن اللي بيضربوا زوجاتهم ، وفي امثله واحاديث لو قعدت اذكرها حرفياً مش هخلص ، ف سيبك من كلام بعض الشيوخ اللي بقا بيكره الستات في دينهم لان الحوار بقا يخنق وانا حاسه بيكي بصراحه🫠
تم النشر الأحد، ١ فبراير ٢٠٢٦
ماهو ده اللى بتكلم فيه أنه ربنا كرم المرأة و حرم ضرب الحيوانات و الاطفال و الكل متفق إنما الست يبقى فى خلاف و تبرير أنه خفيف و مش مؤذى كلام صعب يتصدق على دين الرحمة و المودة
تم النشر الأحد، ١ فبراير ٢٠٢٦
المشكلة في أن أغلب الشيوخ بينحازوا لنفسهم ، سواء في حوار الطاعه أو التعدد أو غيره ، ف مش اي شيخ تسمعيله ربنا قال لسيدنا محمد (ويستفتونك في النساء قل الله يفتيكن فيهن)يعني ربنا قال لسيدنا محمد محدش يفتي في النساء غيري ، ف طبيعي اي شيخ ممكن يغلط ف متاخديش كلامهم من غير تفكير او تحري ، دي اول نقطه ، تاني حاجه الضرب حرام في الاسلام ، سواء راجل أو ست أو حتي كلب ، سيدنا محمد. قال(لا تضربوا اماء الله) والاماء هنا مش العبيد بس ، قصده النساء لأن كلنا عباد الله ، وبرده نُقل عن سيدنا النبي أنه عمره ما ضرب امرأه ولا عبد ، ف معقول الدين اللي بيحرم ضرب العبيد والحيوانات هيبيح ضرب الزوجه؟
تم النشر الأحد، ١ فبراير ٢٠٢٦
مش لازم سواك، ده مجرد مثال عن إيه الضرب غير المبرح المقصود من الآية ومن كلام الرسول... هتلاقي في شروحات الآية يعني إيه ضرب غير مبرح بيقولوا بالسواك ونحوه أو منديل ملفوف (أظن المنديل مفيهوش قوة أصلا عشان يوجع) ومش شرط يعني على كف اليد😅.. ما هو ممكن يضرب كتفها ولا دراعها نفس الشيء... موضوع السواك وكف اليد ده تشبيه مش أكتر فمتدققيش فيه. يعني من الآخر مفيش ضرب أصلا. المشكلة كلها زي ما قلت تلاكيك الذكور في مجتمعنا وفهمهم الخطأ لمعنى القوامة.. الرسول لما قال للصحابة (لا تضربوا إماء الله) فيه نساء تجرأت على أزواجهن بصورة سيئة فعمر رضي الله عنه اشتكى للرسول فرخص الرسول بالضرب غير المبرح زي ما في الآية فرجعت النساء اشتكوا لأمهات المؤمنين من أزواجهن عشان يبلغوا الرسول وقتها الرسول عليه الصلاة والسلام قال (لقد أطاف بآل محمد نساء كثير يشكون أزواجهن ليس أولئك بخياركم) يعني مع الترخيص كإنذار نهائي الرسول قال إن اللي بيلجأ للضرب ليسوا بخيار المسلمين بل الخِيار من لا يضربون نساءهم وقال كمان "خيركم خيركم لأهله وأنا خيركم لأهلي" والرسول عمره ما ضرب زوجة من زوجاته يبقى الأولى يعملوا زي الرسول. المشكلة في المجتمع، هو اللي حول الزواج والحياة نفسها، لكابوس وسجن ظالم للمرأة وبقى ياخد من الدين اللي يمشي مع عاداته ويردم على الأحكام اللي في صف المرأة.. من الآخر المجتمع عمل خلطة كده من العادات والتقاليد وبعض أحكام الدين المقتطعة وقال للمرأة ده الإسلام فاقبليه.
تم النشر الأحد، ١ فبراير ٢٠٢٦
كلامك حلو و انا مش بعترض على شرع الله انا عايزة افهم بس يعنى مثلا المسواك ده ايه دليله يعنى اشمعنى هو ماهو مش مكتوب بالمسواك و بيقولوا على كف أيدها حسسونى أن احنا فى الفصل بس لو العكس كمان يبقى تمام ابقى اشترى مسواك فى جهازى علشان لو بقى ناشز ولا حاجة علشان المجتمع يرتاح بس عموماً انا مش بمد ايدى و الله حتى لو قادرة و هو اللى غلطان علشان عيب و حرام يعنى مش تحيز خالص
تم النشر الأحد، ١ فبراير ٢٠٢٦
بصي هقولك وجهة نظري ف الموضوع ده اولا بطلي تسمعي اي حاجة تضايقك انا مسمعتش المقابلة و مش محتاجة اسمعها انا حفظت سورة النساء و جيت عند الاية المذكور فيها الضرب تنحت شوية وكنت هضايق جدا و بعدين قولت لنفسي يعني ربنا انزل سورة لينا مخصوص سمها باسمنا و من اطول سور القران كلها ايات عن حقوقنا و واجبتنا و كل حاجة تخصنا ف انا اقوم اسيب السورة كلها و اضايق من كلمة واحدة فقط وهي هنا عقاب للست الناشذ يعني ست ناشز مش بتخاف من ربنا و لا بتتقي الله ف اي حاجة ما اكيد لازم تتعاقب الاول طبعا لازم ننصحها بالحسنى فعظهن لو مستجبتش فاهجروهن في المضاجع مستجابتش و مخلتش عندها دم لازم يكون في رادع قوي و زي ما انتي بتقولي الالم بيكون نفسي اكتر من جسدي ايوا لانها لازم تفوق بقى م الي هي فيه و تتقي الله ف زوجها كل دي حاجات مش المفروض تخافي منها لو انتي مش هتكوني ناشز و هتختاري حد يتقي الله فيكي
تم النشر الأحد، ١ فبراير ٢٠٢٦
يعني الاسلام اللي جه عظم المراه جدااا ازاى يعني؟ وأد البنات دا مثلا بعيدا عن اللقاء اللي أنا معرفش عنه حاجه صراحه بس عاوزه تعرفي الاسلام عمل اي للمرأة بص ع المرأة قبل الإسلام وانتي تعرفي الفرق. فين بقا المشكله؟ ان فيه نسبه مش صغيره بتاخد الكلام دا زي ماهو يعني مثلا ماهو فيه ايه ف القرآن بتقول ولا تقربو الصلاه. ماهو لسه ليها باقي ولا نقف لحد هنا ؟! علشان نفهم القران صح لازم نكون عارفين السيره لأن كلو بيخدم ع كله .علفكره اللي بيتكلم دا اللي هوا أنا يعني 😂 لسه بادئ أسمع في السيره واد اي بجد حاجه حلوه بسمعها مع أحمد عامر علشان لما نفهم الدين صح مش اي حد يقول حاجه نصدقه حتى لو كان شكلها مقنع.لان فيه كتير لسانهم حلو وممكن يقنعك بحاجه ملهاش وجود ؟بيحصل كتير . علشان اتفادي دا لازم اكون فاهم الدين صح وحياه الصحابة وغيره وغيره لأن كلو بيربط بكله. حاسس اني طولت بس أنا بجد خصوصا آخر شويه بكلم نفسي وبذكر نفسي كمان.
تم النشر الثلاثاء، ٣ فبراير ٢٠٢٦
انا مش معترضة على شرع الله انا بسأل و بفهم علشان العقيدة اقتناع و كمان زى ما قولتى عقوبة السارق و التانى ست أو راجل واحدة علشان كده انا مقتنعة إنما فى الناشز الست تضرب و الراجل الناشز ايه ؟ عرفت أنه بيتضرب هو كمان بس من قاضى و محكمة و موال كبير و انا فاهمة أن ده علشان الست أضعف جسديا بس هل لو هى تقدر عادى تضربه على خفيف من باب الإصلاح بعد الموعظة و الهجر؟!
تم النشر الاثنين، ٢ فبراير ٢٠٢٦
أنا معنديش مشكلة في سؤالك، سؤال طبيعي ولكن الفكرة أن أغلب اللي ردوا عليكِ، بيقولوا دا للست الناشز وبيكون آخر حل ومش شرط بالمسواك يعني ودا مثال على خفة الضربة ليس إلا !، لكن أنتِ مُصرة على فين الرحمة في كدا ومضايقك أن المرأة بكونها مرأة هتتعرض للضرب حتى لو بخفة ! ، لاحظي أنك بتتكلمي في شرع الله، وأنك معترضة على شيء اللي شرعه هو الله سبحانه وتعالى اللي خلقنا وأعلم بماهيتنا وهو أقرب إلينا من حبل الوريد يعني أعلم حبيبتي بما هو أصلح لنا واي لا ! ، حبيبتي الفكرة هنا أنه فيه أشخاص جدًا سيئين وفي شيء اسمه حدود لو حد تعداها بيُعاقب عادي جدًا، يعني هو أنتِ لفت نظرك أنه المرأة تُضرب ولو حتى بمِسواك (كمثال زي ما الأخ وضح فوق) ولم يلفت نظرك أن السارق والسارقة (ولاحظي يعني هنا برضو ذكر كان أو أنثى) تُقطع أيديهم ! ، مش مجرد ضربة !، وافتكري أن الدين نقل وليس عقل !، يعني هو ما نُقل عن الرسول صلى الله عليهِ وسلم وبلاش تخلي عقلك يفكر كتير في أمور زي دي، لأن محدودية عقلك مش هيستوعبها، ودا من رحمة ربنا بينا على فكرة هو إقامة الحد على السارق أو الزاني أو حتى شيء بسيط زي الضرب الخفيف للمرأة الناشر ! ، عشان المجتمع لو لم تُقام فيه الحدود أو غيرها هيفسد، الموضوع بالضبط زي مثلًا القوانين اللي بتُقيمها الدولة للقاتل أو السارق أو المرتشي أو غيرهم عشان لما حد يشوف القوانين دي واي اللي بيحصل فيهم وأنهم بيُسلبوا حريتهم المفروض يعني أنهم يتعظوا وميكرروش أخطاءهم !، يعني الأمر بسيط جدًا، واحنا طبيعتنا كنساء عاطفيات جدًا، ف الحاجات دي بتؤثر فينا طبيعي، بس لما تعرفي أنها من رب رحيم وهي أشياء بس عشان الناس تتعظ ليس إلا، ف متخافيش، صِدقًا الموضوع أيسر من كدا، وأهون من كدا، متفكريش بعاطفتك أو عقليتك بس، فكري أن اللي أجاز شيء زي دا هو اللي خلقنا وأقرب إلينا من حبل الوريد وأعلم بنا منا .
تم النشر الاثنين، ٢ فبراير ٢٠٢٦
الإسلام عادل .. فالمرأة لو اتظلمت ظلم واضح وكان زوجها على اصرار على الظلم ومستمر فعليها بالدعاء والأخذ بالأسباب للجوء إلى أهلها للوصول إلى حل فإن لم يوجد حل فبالإنفصال عنه ..
تم النشر الاثنين، ٢ فبراير ٢٠٢٦
هوني عليك الموضوع بسيط الضرب المذكور في الآية للست الناشز وبيبقى حل أخير وما هو إلا عقوبة على فعل هي استحقت عليه الضرب مثله مثل أي عقوبة في الإسلام فالقاتل يقتل والزاني يجلد أو يرجم والعين بالعين والسن بالسن لكن المشكلة انك نظرت للموضوع من حيث الجنس يعني ذكر وأنثى
تم النشر الاثنين، ٢ فبراير ٢٠٢٦
أيوة ده اللى أقصده و هنا بسأل العكس برضو صح؟ و على فكرة حتى لو العكس صح انا عمرى ما هعمله اكيد مش همد ايدى على جوزى حتى لو غلطت كلنا بنغلط هنصحه و هصبر عليه بس بتكلم أنهم شايفين أنه الزوجة تغلط تتنصح و تتهجر و تضرب و كأنها حاجه مفروغ منها إنما الراجل يتنصح و خلاص و يغلط براحته علشان قوام فده اللى محتاجه أفهمه لأنه القوام حماية و مسئولية مش تسلط و تحكم و إلغاء للطرف التانى ( بعيدا عن كلمة الحياء اللى حضرتك قولتها انا بسأل علشان افهم)
تم النشر الاثنين، ٢ فبراير ٢٠٢٦
في رجال عندهم عقد نفسية ويستغلو ضعف المرأة ويضربوها عشان يفرغوا الغضب اللي جواهم ضرب انتقامي وبعدين بياخد الدين كمبرر لجريمته .... الدين مش بيتكلم عن ده ولكن الدين بيتكلم عن الراجل الطيب اللي بيحترم المرأة ولكن فقط بيستخدم العقاب لو هي بدأت في الخطأ
تم النشر الاثنين، ٢ فبراير ٢٠٢٦
اكثر حياء؟ حضرتك انا بسأل علشان افهم ده من حقى فى الإسلام و لو الكلام ده صح ماشى مش معترضة بس يبقى على الاتنين ست أو راجل لأنى من الكلام حضرتك بتقول فساد المرأة و الخراب و المصلحة العامة و كده طيب يعنى لو الراجل غلط كتير و اتنصح كتير و اتهجر و فى الاخر ضرب خفيف من الزوجة لمصلحة العامة يبقى يجوز طبعاً زى ما ربنا قال بسم الله الرحمن الرحيم (و لهن مثل الذي عليهم) لو قصدك للطرفين يبقى اقنعتنى فعلاً و انا كنت غلطانة
تم النشر الاثنين، ٢ فبراير ٢٠٢٦
وفي البداية والنهاية ده أمر ربنا حتى فالشخص بيسلم الأمر لله ويثق في حكمه ... مثلا رجل شايف أن الزكاة خسارة ليه لكنه هيستسلم لله ويؤدي الزكاة لأنه واثق أن حكم الله هو الصح وهو اللي هيفيده ... فنحن نقدم حكم الله على مصالحنا الشخصية.... مثلا الضرب الخفيف يضر مصلحة شخصية ويسبب الإهانة والشعور بالمذلة للمرأة المخطئة ولكن هو فيه اباحة من الله الذي فبالتأكيد هو الأفيد والأحوط ....... فلو تركت النساء على أهوائهن بدون أي ضابط لفسدت التربية وخربت البيوت ...... وعلينا أن نكون أكثر حياءً في نقاش ما اباحه الله !
تم النشر الاثنين، ٢ فبراير ٢٠٢٦
السلام عليكم... الشيطان بيخدعكم ويشككم في دينكم ..... انتي انسانة محترمة ومعملتيش شئ خاطئ فأكيد الضرب عليكي غلط وإهانة ... أما إمرأة غيرك شتمت زوجها لازم عليها الضرب الخفيف عشان تحس بالإهانة فكل ما تفكر تشتمه تفتكر الإهانة اللي هي حستها فتمتنع .. الكلام اللي أنا بقوله ممكن ميعجبكيش بس ده فيه مصلحة وإصلاح فهل الأفضل أنه لا يضربها ويتم الطلاق مثلا أو تستمر في الشتم ؟!! (وفي الحالة دي لو شتمت أهل الزوج وليس الزوج فليس له أن يضربها) ...... فكري في المصلحة على المدى البعيد وليس فقط بالعاطفة ..... الإسلام هو العفة والقيمة والهيبة والحماية للمرأة وأنها ليست مجرد جسد أو دمية كما هو حال بعض الدول الغير مسلمة الذين إذا تم الاعتداء على المرأة تذهب إلى الشرطة فيتم الاعتداء عليها في مركز الشرطة فتذهب للتعافي عند طبيب نفسي فيتم الاعتداء عليها في العيادة النفسية ....... قال صلى الله عليه وسلم :"استوصوا بالنساء خيرا" .. بعض الرجال يستغلون ضعف المرأة فلا تجعلي غضبك عليهم يضر علاقتك بدينك
تم النشر الاثنين، ٢ فبراير ٢٠٢٦
انا كاتبة انى بحثت و كتير بس لقيت اكتر الآراء أنه يجوز بس يبقى خفيف و مش مؤذى و نوادر اوى اللى قالوا لا حرام فى كل الأحوال فاهمة
تم النشر الأحد، ١ فبراير ٢٠٢٦
الموضوع مش زي ما إنتي متخيله كده أصلًا،، ابحثي واعرفي الآيه نزلت في مين وحكمها إيه علشان التشويش اللي عندك ده يروح . سورة النساء آيه٣٤
تم النشر الأحد، ١ فبراير ٢٠٢٦
يا اختي هدي من روعك طالما انتي ملتزمه ومحترمه وفهمانه هوا ليش لحتا يضطربك ترا ضرب هاد اخر خيار بعده يا هجر او طلاق وهاد مش لل بنت محترمه زيك هاد للبنت الي بتعمل اشياء غلط ما تسئلي شو اشياء الغلط عشان ما بعرف مهم انتي اذا كنتي محترمه وبتحبيه وهو محترم وبحبك مستحيل يئذيك انتي مالك يا اختي حاطه ضرب شي اساسي ولازم يصير
تم النشر الأحد، ١ فبراير ٢٠٢٦
ما هي حركة المسواك دي مش ضربة أصلا عشان نقول إنها بتنضرب كأنها عيلة، دي كناية عن إنذار أخير مش أكتر. فيه نساء بترجع عند أول خطوة فيه عند التانية، فيه ممكن يفرق معها الأخيرة، وفيه اللي مش هيفرق معها ومعناها وقتها إنها مش فارق معها الزواج أصلا. **. النساء مش نسخة واحدة وكمان الرجال... وربنا أعلم بخلقه ونفسياتهم.. ما دام أنا آمنت إن القرآن كلام ربنا فلازم أعرف إن التشريع اللي فيه، ربنا العالم بعباده هو اللي شرعه وعارف يفرق أو ميفرقش، وإلا مكنش ربنا شرعه أصلا. ** وأيوه في الإسلام موجود نشوز الرجل، والمرأة ممكن عادي ترد الضربة وتدافع عن نفسها بالقوة لو زوجها سيئ وبيضربها، بس لأن الرجل أقوى جسديا ومش مضمون رد فعله أو إنه يرد لها الضربة بأقوى منها أو الأمر يتطور وتتأذى هي في النهاية فالإسلام أعطاها الحق إنها تلجأ للقاضي (السلطات) والقاضي يحكم على الزوج الناشز ويؤدبه، ممكن يتسجن عادي أو حتى يُضرب أو يرد لها حقها بالحكم المناسب حسب حالتها... ولو استمر الزوج في نشوزه ممكن يحكم لها بالطلاق. ومن نشوز الزوج كمان إنه يحرمها حقوقها الجسدية وأي حق من حقوقها في الزواج، ومن حقها وقتها برضه تبلغ عنه عشان يتحاكم أو تطلب الانفصال أو الخلع. المشكلة إن المرأة بتخاف تبلغ لو تعرضت لعنف أو نشوز وبتخاف من الطلاق ومن كلام الناس أو بترضخ للمجتمع اللي بيمنعها من ده أو يقول عنها مش أصيلة، وستات كتير بتتعرض لعنف ولما حد يدافع عنها هي أول واحدة بتتهمهم إنهم عاوزين يخربوا بيتها. فمن الآخر، الإسلام حدد للطرفين حقوقهم وواجباتهم وعدل بينهم بس المشكلة في القراءة الذكورية للنصوص وتغليب العادات والتقاليد على أحكام الدين وعدم تعلم المرأة لدينها وده للأسف خلى المجتمع يضحك عليها باسم الدين ويظلمها ويخليها تتحمل أوضاع ربنا مأمرش بها ولا يرضاها.
تم النشر الأحد، ١ فبراير ٢٠٢٦
انا فاهمة أنه على الناشز و عارفة أن فى ستات وحشة اوى انا مش نسوية خالص انا مع الحق للجنسين و حوار الضرب الخفيف و المسواك طالما مش بيوجع أو يعلم و كأنها طفلة زى ما بيتقال ده غريب جدا يعنى واحدة عندها ٣٠ و ٤٠ سنة و اكبر تضرب كأنها عيلة؟ و بعدين اللى هتبقى سليطة و مش محترمة هيفرق معاها اللمسة دى ؟ هتغير معاها ايه دى ممكن تعند اكتر و كمان أنا بتكلم أنه لو العكس هى كمان تعمل كده؟ لو كده و نفس العدل ارتاح مع انى عمرى ما بمد ايدى حتى لو قوية و قادرة بس هحس أنه اه الكلام للكل مفيش حد فوق حد
تم النشر الأحد، ١ فبراير ٢٠٢٦
بصي بصراحة انا معرفش الداعي دا ولا اعرف هو قال ايه بس حكاية الضرب دي بتقي اخر حل لما تكون ست ناشز وقادرة ومحدش قادر عليها ودي اصلا مش بتبقي متربية في بيت اهلها - لكن لو هي ست كويسة ومحترمة جوزها وهو رغم كدا بيمد ايده عليها لاء يبقي دا واحد نرجسي ومريض وهي المفروض متقبلش بكدا وتنفصل حتي لو معاها عشر عيال + وغير كدا في رجالة كويسين جدا وبصراحة دول اللي يستاهله كلمة رجالة ان لو مراتتهم مش كويسين او ناشز يبقي بيت ابوها اولي بيها لكن انا مش بمد ايدي علي ست
تم النشر الأحد، ١ فبراير ٢٠٢٦
مفيش حرية مطلقة للطرفين قصدك بعد الجواز صح؟ لو قصدك كده انا معاكى إنما لو الزوجة بس فلأ كده إلغاء لشخصيتها تماماً و بالنسبة للضرب لو انا عندى قوة جسدية اضربه انا ولا اعمل ايه اعتقد احسن بدل ما يتفضح و نأجر ناس و شكله يبقى وحش يتضرب فى البيت احسن بينى و بينه ؟ مش تريقة على فكره بس بحاول افهم و خلى بالك انا ضد الضرب جدا حتى للحيوانات والله مش بقول كده علشان انا ايدى طويلة لأ خالص و لا اعملها ابدا بس بتكلم لو هو بدأ و عموما يعنى لأى ست و راحل مش انا بس
تم النشر الأحد، ١ فبراير ٢٠٢٦
اقولك ع حاجة مافيش حاجة اسمها الحرية المطلقة عموما بس سيبك م النقطة دي احنا عندنا هنا ف القانون الست تقدر تحبس جوزها لو ضربها ليه اي واحدة جوزها بيضربها متحبسهوش طب ليه مش بتأجر حد يضربه زي ما ضربها ما في اديها تجيب حقها عادي بس هي الست الي بتتهاون في حقها و بتسمح بالضرب و تقول اعيش عشان العيال و بلاش فضايح و كلام من ده كتير ف الستات هما الي قبلو ع نفسهم الكلام ده م الاول لدرجة ف انا نصيحتي ليكي متركزيش مع الكلام ده و لو حد مد ايدو عليكي فكري ازاي تجيبي حقك منو
تم النشر الأحد، ١ فبراير ٢٠٢٦
طلب قصدى مش كلب
تم النشر الأحد، ١ فبراير ٢٠٢٦
يا بنتى مش هبقى ناشز ولا حاجة بأذن الله بس بتكلم أنه الضرب نفسه كفكرة حتى لو خفيف صعب اوى و مهين و كمان بيقولوا أنه لو مسمعتش الكلام يعنى افرضى هى مش قادرة تنام اليوم ده نفسيتها مش جايباها أو كلب منها طلب مش عاجبها ماهو ده صعب ان انسان يحجر على غيره ست أو راجل و لو كده طيب ماهو فى نشوز زوج فلو هنتكلم بعدل لو هو ناشز تنصحه و بعدين تهجره و بعدين تضربه ؟!
تم النشر الأحد، ١ فبراير ٢٠٢٦
لعرض السؤال في فدني اضغط هنا