سلام عليكم ورحمه الله وبركاته ؛
عندي خالة بس ساكنة بعيد قوي عننا ومبشوفهاش غير في المناسبات ليها 2 بنات 2 ولاد طبعاً البنت الكبيرة مخطوبة والصغير لسة في التعليم المهم فرح البنت الكبيرة قرب وخالتي جت عندنا علشان تدعينا لفرح بنتها وجابت بنتها الصغيره معاها سلمت عليهم وبقولها هي دي العروسة قالتلي لا دي بنت خالتك الصغيرة طبعا أنا مشفتهاش من وهي صغيرة قوي وهي دلوقتي في 1 ثانوي بس جسمها وشكلها يدل أنها قدي في السن المهم من كتر جمالها حبيتها قوي وهي بنت خالتي برضوا يعني هتحافظ علي امي وتعملها كل اللي عيزاه وبعد خالتي لما مشيت من عندنا قولت لامي انا عاوزك تعرفي خالتي اني عاوز بنتها قالتلي ماشي وفعلاً عرفتها وخالتي قالتلي انا اتشرف بابنك في اي وقت احنا هنلاقي احسن منه فين معاه كلية وكمان معاه مهنة ومحترم وكمان ابن اختي اكيد مش هرفض بس خلية يخلص بس اخر سنه دي ليه في الكلية وبعد كده يفكر يتقدم هي كده كده لسه صغيره ومستنياه والمهم يوم فرح اختها الكبيره قولت لابن خالتي اني بحب اخته وعاوز بعد مخلص امتحانات واتخرج اجي اتقدم قالي احنا نتشرف بيك في اي وقت المهم بعد الفرح كنت بكلم خالتي علي المسنجر فجأة وبعد فتره حسيت كلام خالتي اتغير معايا وبقت تقولي ياروحي و ياقلبي وكلام من بتاع المرتبطين ده فقولت اكيد دي بنت خالتي المهم جيت قولتها ابعتي رقمك ياخالتي علشان اكلمك منه بعتته بس بعدها بيوم جيت رنيت عليها الصبح محدش رد جيت الساعه 10 بليل نفس اليوم ارن لقيت اتعملي خاصيه بيدي مشغول وفجأة بدخل علي المسنجر لقيت معمولي بلوك ولقيت ابن خالتي داخلي واتساب وبيقولي بعد اذنك متكلمش امي تاني بقوله يابني دي خالتي اكلمها في اي وقت انتا عبيط قالي محدش بيرن علي حد الساعه 10 بليل قولتله ده وقت مش متأخر ولا حاجه ثانيا دي خالتي ارن عليها في اي وقت بس طالما هي كده انا لما اعوز خالتي هروحلها علي البيت ومعنتش رانن عليها ولا مكلمها سوشيال ميديا خالص تاني ومن وقتها مبكلمش ابن خالتي ومن وقتها وانا زعلان علي بنت خالتي اللي بتحبني وبحبها وبعدنا عن بعض ومن ابن خالتي اللي عاملني معامله وحش مع العلم سن ابن خالتي 19 سنه ياريت تفيدوني بخصوص الموضوع وتقولولي رأيكم
الموضوع بسيط ان شاء الله من كلامك واضح انك مكنش ليك تعامل قوى مع خالتك وبدأت تقرب اكتر لما قررت تخطب بنتها فانت متعرفش هما ايه عندهم ينفع وايه مينفعش بدليل ان مش معاك حتى ررقمها ..فلما يوضحولك ان مينفعش اتصال الساعه 10 بالليل فواجب عليك تحترم ده مش محتاج تبوظ علاقتك بيهم على الموقف ده والافضل تكلم ابن خالتك وتقوله ان ده سوء تفاهم وانك مكنتش عارف ان ده بالنسبالهم وقت متاخر وبس كده
تم النشر الخميس، ٧ مارس ٢٠٢٤
من الواضح إن إبن خالتك بس اللي زعلان مش كلهم ومينفعش تقطع كدا حتى إبن خالتك اللي زعلان لازم لازم تصلح علاقتك معاه إن لم يكن بسبب رغبتك في الزواج من أخته .. فهو صله رحم هو إبن خالتك ومن الواضح انه لسه مش متعود عليك في حياتهم و جواه شعور إنك شخص غريب واللي بيمشي على الغرباء من قوانين ( ممنوع الإتصال في موعد متأخر مثلا ) بيمشي عليك. ف المفروض تكلمه وتسأل عنه وعن أخباره وتعرفه إن اللي حصل دا سوء فهم و إنه مكنش يعرف إن التواصل في ميعاد متأخر حاجه مش محببه عندهم وإنك كنت بتتعامل مع خالتك زي ما بتتعامل مع والدتك بعشم القرابة و صله الدم .. وإنك مش عايز تخسره كـ إبن خالة وأخ و ما صدقت لقيت أخ جدع زيه و ندمان عالعمر اللي عدا من غير ما تعرفه كويس وإن شاء الله حاول تحسن علاقتك معاه مش مع خالتك بس
تم النشر الخميس، ٧ مارس ٢٠٢٤
قابله بلي انتى حاسس بيه اتجاه اخته وبلاش اخصرو بعض وكمان طالما انتا بتحبها يبقى خلاص اتقدملها الاول وبعد متخلص الكليه وتهيء نفسك اتجوزو ولاكن قبل هذا يجب عليك أن تصلح ما بينك وبين ابن خالتك و تجلس معه وتستفسر منه للأمر وتفهمه ممكن هوا يكون فهم غلط
تم النشر الأحد، ١٠ مارس ٢٠٢٤
لعرض السؤال في فدني اضغط هنا