السلام عليكم
انا عندي موضوع غريب شويه بس أتمنى حد يفيدني
انا دايما بحلم باحلام غريبه و صعبه و بتخلي الواحد بقا عنده وساوس و ساعات مش بيحس انه عايش ف الحقيقه و كانه راح لعالم تاني و الأحلام دي عباره
٩٠% منها بحلم بكلاب بتبقي بتعضني او حلمت بتعابين قبل كدا بس مش كتير ولكن اغلب احلامي من الكلاب او انهم بيجروا ورايا و كدا و ساعات بتبقى كلاب سوده كمان للاسف
و بحلم كتير جدا بالجاموس و العجول و كدا و كمان اني اصلا بخاف منهم من طفولتي و احنا مش بنربي الحاجات دي اصلا انا في طفولتي يعني ممكن من اكتر من خمس سنين يعتبر بطلت اشوفهم و كدا بس بس هما بيجولي في الاحلام و بينطحوني لدرجه ف مره حلمت الجاموسه كلتني 🥲.
و كمان حلمت ان كان في راجل ف الحلم حواجبه سوده جدا و ليه شوارب داكنه و كان بيعاقبني و بيقوللي انه هيموتني الساعه سته و كنت مرعوبه جدا و عاقبني لاني تقريبا اسأت لبقره او حاجه من كدا و دخلني مكان مليان جاموس و حجمهم ضخم جدا بس الحمد لله ساعتها اليوم عدى على خير مع اني كنت خايفه جدا من معاد الساعه سته
فبصراحه ببقى مرعوبه ف الاحلام دي جدا و لما اصحي ممكن الحلم افضل اسبوع خايفه منه و فاكراه لدرجه اني دلوقتي فاكره كل الأحلام اللي حلمتها زي كدا و حلمت اني دوست على كتاكيت حيه و ماتو و كمان دوست على قطط صغيرين و ماتو
والله و الحلم بيبقي كأنه حقيقه فبصحى مرعوبه رعب مش طبيعي وببقي خايفه و مرهقه جدا و لو صحيت في وسط الحلم مع انه بيبقي نادرا بفضل استغفر و اقرأ المعوذات و هكذا و لكن لما انام تاني بكمل الحلم للاسف حتى😔
و ف مره كنت بذاكر فرحت ف النوم مره واحده كدا فرحت صحيت فجأه و انا حسيت حاجه عضتني جامد ف رقبتي و حسيت رقبتي ملسوعه و كدا ف الواحد بقي بيبقى عنده رعب و وسوسه مش طبيعيه +
انا لما كنت صغيرة مكنتش بخاف من الكلاب و لا حاجه كنت بخاف من القطط و الكلاب لا فبقيت لما اشوف حاجه من الحاجات دي ف الحقيقه بترعب منها و بحس بخفقان و دقات قلبي بتزيد و مش ببقي قادره استحمل مع العلم انا قلت لوالدتي على اغلب الأحلام دي و كنا هنجيب شيخ و كدا بس محرجه من الموضوع دا و للاسف الظروف مسمحتش و الشيخ مجاش. ☹️
بصي ربنا يعينك والله انا خوفت وانا بقراء ما بالك انتي كنت قريت قبل كده عن الموضوع ده وان غالبا بيبقي حسد او لقدر الله مس مش بخوفك والله بس دا اللى شوفته هو ممكن أسألك سؤال طيب فيه حد عندك او قريبك فيه حاجه ممسوس او كده
تم النشر الأربعاء، ٨ أبريل ٢٠٢٦
وعليكم السلام ورحمة الله وبركاته يا حبيبتي، أشعر بكِ تمامًا، الكوابيس المتكررة دي بتكون مرهقة جدًا وبتأثر على اليوميات، خاصة لما بتربط بين الحلم والواقع زي ما بتحسي. مش هقولك تفسير للأحلام (لأن ده مش مجالي)، بس هقولك إنها غالبًا بتكون مرتبطة بتوتر داخلي أو مخاوف متراكمة من الطفولة، زي خوفك من الحيوانات دول اللي بيظهر دلوقتي في اليقظة كمان – ده رد فعل نفسي شائع يسمى "فوبيا مكتسبة". نصائح عملية عشان تتحكمي فيها إن شاء الله: قبل النوم مباشرة: اقرئي آية الكرسي 3 مرات، والمعوذات الثلاث 3 مرات، و"لا إله إلا الله وحده لا شريك له…" 100 مرة. نامي على الشق الأيمن، واستغفري كتير – أنتِ بتعملي كده بالفعل، زيدي عليه الإصرار. روتين يومي: نمي باكرًا (قبل 11 مساءً)، تجنبي الشاشات ساعة قبل النوم، وكلي وجبة خفيفة صحية زي التمر مع لبن. مارسي رياضة خفيفة يوميًا زي المشي 30 دقيقة عشان تفرغي الطاقة السلبية. في النهار: لو حسيتِ بالوساوس، قولي "أعوذ بالله من الشيطان الرجيم" وقومي بذكر سريع زي "سبحان الله" 33 مرة. كمان، صلي ركعتين حاجة قبل النوم، وتصدقي ولو جنيه واحد يوميًا – الصدقة بتبعد البلاء. لو استمرت: جربي رقية شرعية كاملة يوميًا (سورة البقرة كاملة مرة أسبوعيًا إن أمكن)، ولو الرعب شديد، روحي لدكتور نفسي متخصص في اضطرابات النوم عشان يقيم الوضع (مش بديل عن الطبيب). ابحثي في فدني عن "كوابيس متكررة" هتلاقي إجابات كتيرة مفيدة من خبراء. ولو عايزة استشارة شخصية، شوفي الخبراء هنا: https://www.fedni.net/experts – في متخصصين في الصحة النفسية والروحانيات. أنتِ قوية وهتقدري تتغلبي عليها إن شاء الله، استمري وثابري، وأنا هنا لو عايزة تتابعي. 💕
تم النشر الاثنين، ٦ أبريل ٢٠٢٦
@السائل .... بص هو الموضوع باين إن في علاقات سامة حواليكي بتدبر مكيدة أو شخصيات خبيثة وده اللي بيتضح من الثعابين ... فالمطلوب هو الحذر وعدم الثقة الزائدة بالأشخاص الموجودين حولك ... يعني لا تثقي بأي أحد سوي بالله عز وجل وأنصحكي بقراءة سورة البقرة يومياً فضلها عظيم جداً جداً جداً وستكون السبب الرئيسي لحمايتك من أي شر فاقرأي عن فضلها لكي لا تطول الرسالة.... وأكثري من الإستغفار سورة البقرة يومياً وكثرة الاستغفار وصيغته أستغفر الله... بجانب قراءة أذكار الصباح والمساء للتحصين... استمع لقناة الشيخ محمد حجازي علي اليوتيوب ستوضح لك مفهوم الإستغفار ... بالنسبة للجاموس فهذا يدل على القوة والنفوذ كما سبق واوضحت ... ومرور اليوم على خير دليل على نجاتك من المكيدة أو الشر الذي وُضع لك . وربنا ينجيكِ ويحفظك بحفظه يارب العالمين 🤲
تم النشر الخميس، ٩ أبريل ٢٠٢٦
طيب م انا بعمل كدا و بقرا المعوذات بس برضه بيحصل... و كمان عايزه اقول انو الجاموس و كدا اغلبهم كنت بحلم بيهم عند بيت جدي و اللي هوا انا كنت بشوفهم فيه و انا ضغيره و الكلاب اما عندنا او عند بيت جدي التاني...طيب افهم من الكلام انو في حد سيء لازم ابعد عنه ولا اي بالظبط و لا كمان قطيعه مع الاهل دا اي و بصراحه الاحلام دي نفسها بتزود التوتر مش بتيجي بسببه و شكرا لحضرتك 🤍
تم النشر الخميس، ٩ أبريل ٢٠٢٦
شكرا ليكم
تم النشر الأربعاء، ٨ أبريل ٢٠٢٦
انصح بأنك متقولش احد عن الأحلام السيئة دي وده توجيه من النبي صلى الله عليه وسلم.... ثانيا لما الشخص بيقول للناس أحلامه ممكن ده يسبب ان الموضوع يثبت في دماغه وياخد أكبر من حجمه ثالثا مفيش داعي للخوف داوم على قراءة القرآن وقلل من فرط استخدام الهاتف وفرط زيادة الطعام بدون داعي
تم النشر الأربعاء، ٨ أبريل ٢٠٢٦
لازم يا بنتى تروحى انتى لشيخ بس يكون ثقة يعنى معروف فى منطقتكم اللى انتى فيه دا غالبا ليه تفسير ممكن بسبب حاجة عملتيها أو فيه حاجة هتحصل وللأسف معنديش علم أووى بالأحلام ديه لازم شيخ تقى ثقة معروف ويكون مبيهبدش ... + حاول ترقى نفسك بالرقية الشرعية أو خلى والدتك ترقيكى ... ربنا يخلصك من الأحلام ديه ويهدى عقلك من التفكير الدايم فيها
تم النشر الأربعاء، ٨ أبريل ٢٠٢٦
طيب بس بحس قراءة سورة البقره و الاذكار و كل الحاجات دي يوميا صعبه و انو انا ورايا دراسه و غيرها ف صعب عليا و انا اصلا مش منتظمه ف الصلاة و بحاول ف مش الاولي اني انتظم ف الصلاة طيب..و انا لما يبقي ورايا كذا حاجه زي كدا بحس بضغط و مش بقدر اكمل + انا مش بثق ف حد اساسا و التعابين مشفتهاش كتير يعني و اعرف حد حلم ب انه كان في تعبان ابيض كبير و هوا موت التعبان دا ف ممكن لو حضرتك تعرفي تفسيره اي قوليلي...و هحاول اعمل اللي حضرتك قولتي عليه..و بجد بجد شكرا ليكِ و جزاكِ الله خيرا 🤍
تم النشر الخميس، ٩ أبريل ٢٠٢٦
تفسير الرموز حسب ما ورد عن ابن سيرين ومن سار على نهجه: أولاً: رؤية الجاموس الجاموس يدل على رجل قوي شديد ذو بأس وصبر. رؤيته كبيرة وضخمة: تشير إلى قوة في الواقع أو أمر عظيم (رزق، مسؤولية، أو شخص نافذ). الدخول إلى مكان مليء بالجاموس: يدل على الدخول في أمر فيه مشقة لكنه فيه خير أو منفعة. ثانياً: الكلاب السوداء تطاردك الكلب في التأويل: عدو ضعيف أو شخص سيء الخلق. اللون الأسود: يدل على شدة العداوة أو الحسد أو الخوف النفسي. المطاردة: تعني أنك تتعرض لضغط أو تهديد أو قلق في الواقع. ثالثاً: الرجل الذي يهددك بالموت هذا يدل على: خوف داخلي شديد أو قلق من أمر معين. وقد يكون تحذيرًا من شخص مؤذٍ أو موقف صعب. تحديد الساعة: غالبًا ليس توقيتًا حقيقيًا بل يعبر عن توتر وترقب. ✔️ مرور اليوم بسلام: يدل على أن الخوف لن يتحقق بإذن الله. رابعاً: الدوس على الكتاكيت والقطط وموتها الكتاكيت: أشياء ضعيفة أو بدايات (مشاريع/أفكار/أشخاص). قتلها: قد يدل على: التصرف باندفاع أو قسوة دون قصد أو إضاعة فرص صغيرة القطط: تدل على أشخاص قريبين أو أمور منزلية موتها: قد يشير إلى مشاكل أو قطيعة أو شعور بالذنب خامساً: رؤية الثعابين الثعبان عند ابن سيرين: عدو واضح أو خفي كثرتها: تدل على تعدد المشاكل أو الحاسدين الخوف منها: يعكس قلق نفسي أو شعور بعدم الأمان الخلاصة: الأحلام كلها تدور حول: خوف وقلق داخلي شعور بتهديد أو ضغط وجود أشخاص غير مريحين في حياتك لكنها لا تدل على وقوع شر حتمي، خاصة أنك نجوت في الحلم ومر اليوم بخير. معنى مهم: تكرار الأحلام المخيفة بهذا الشكل يدل غالبًا على: توتر نفسي أو ضغط أو التفكير الزائد قبل النوم ما يُنصح به: قراءة آية الكرسي والمعوذات قبل النوم النوم على طهارة تجنب التفكير الزائد قبل النوم عدم الخوف من الرؤى (لأنها لا تضر بذاتها)
تم النشر الخميس، ٩ أبريل ٢٠٢٦
تمام 👌
تم النشر الأربعاء، ٨ أبريل ٢٠٢٦
ومش شرط يكون جن ممكن يكون بس طبيعة دماغك خيال وتفكير واسع وحساسية زايدة للمشاعر
تم النشر الأربعاء، ٨ أبريل ٢٠٢٦
لعرض السؤال في فدني اضغط هنا