كنت مدايقه امبارح وقعدت اعيط كتير جدا وصليت قيام ليل وعيطت وقعدت ادعي وفضلت اعيط لحد ما راسي صدعت وعيني ورمت
ومن كتر الصداع واني مش مركزه ف حاجه وحسيت ان انا مش مدركه حاجه ولا في وعيي ومفكرتش صح روحت جبت موس وعورت ايدي بس تعوير خفيف ومجتش يمه العروق عشان ميحصليش حاجه واموت كافره ومعورتش نفسي اوي يادوبك جرح يسيب علامه ومطلعش دم ودي اول مره ليا اعمل كاتينج عمري ما عملتها ولا حتى مدمنه ولا مريضه بيها والكلام ده ومكملتش ايدي كمان عملت حته صغيره بس مكملتش عشان بخاف اصلا
دلوقتي هل ده كده اعتراض علي قضاء ربنا انا بجد مكنش في نيتي كده خالص بالعكس انا كنت بحمد ربنا وانا راضيه من جوايا وكنت بدعيه وانا من جوايا عندي امل فيه وثقه كبيره انو هيستجيب لدعائي بس انا دماغي زي مايكون وقفت عن التفكير
مفكرتش حتى ف نفسي وبعد ما عملت كده استغفرت بس انا حقيقي مش قصدي اعتراض علي قضاء ربنا الكلمه دي كبيره وانا مش قد اني اعترض علي قضاء ربنا أخاف اقولها اصلا او تيجي في بالي
واعمل ايه عشان ربنا يسامحني (انا صارحت امي وزعلت مني وعيطت ومش عايزه تتكلم معايا دلوقتي)
السلام عليكم ورحمه الله وبركاته. طيب اللي حصل معاكي ده هو محاوله لتخفيف التوتر والحاله اللي انت كنت فيها لما الانسان بيوصل لحاله عاليه قوي من التوتر بيبقى كل اللي هو يهمه في اللحظه دي ان هو يتخلص من التوتر اللي بيتزايد من جوا عايز يطلعه لبره فللاسف مساله الكاتينج دي هي يعني او يعني خلينا نقول اذيه النفس لانه كلمه كاتينج دي حتى كاننا بنخلي الموضوع كيوت ولذيذ ولأ، هو إيذاء للنفس انا ليه فكرت اؤذي نفسي هل ساعتها فعلا انا كنت عايزه اؤذي نفسي هل انا كنت زعلانه من نفسي في حاجه متضايقه من نفسي في حاجه السؤال ده يعني انت لازم تسالي لنفسك وتجاوبي عليه لانك لو في جواك جزء عمال يقول لك انك زعلانه من نفسك انك متضايقه من نفسك لو في الحاله دي وانت بتصلي وبتدعي ربنا كنت زعلانه من نفسك ومتضايقه. من نفسك بتستغفري من ذنب مثلا او حاجه فهنا لازم ننتبه للموضوع ده قوي انا ليه زعل من نفسي بيوصل للدرجه دي ان انا اكون عاوزه أأذي نفسي لا انا محتاجه اخرج من ال من الفكره دي نفسها عشان ده ما يتكررش ده جزء طب لو انا ما كنتش بفكر في كده بس انا كنت حاسه يعني قد ايه بانه في عندي احساس قوي زعلانه قوي او متوتره قوي او خايفه قوي ده كله في وسط ما انا بصلي وبدعي ايوه عادي جدا لو انا كان عندي حاله التوتر الشديد ده طبعا جسمي بيبقى عايز يتخلص من التوتر فطبعا ان انا احاول اشوف حاجه بتخرج دم بيخرج من جسمه فهحس ان انا فعلا خرجت التوتر من جسمي ان انا شفت حاجه ماديه بتخرج من جسمي فاكيد انا كده خرجت ااا جزء من التوتر برايه اا فكري كويس قوي انت اكثر حاجه وقتها كانت بتحصل وقت ما كنت واعيه انك تقولي بعد كده خلاص كنت في حالها شبه لا وعي كنت بفكر في ايه عشان نقدر نحل الموضوع صح يمكن بقى قدام ماما او قدام ربنا محتاجه تتاسفي وتعتذري كثير عن اللي حصل ده وما تتوقفيش عن انك كل ما يحصل معاكي حاجه تروحي تقوليها لمامتك حتى لو انت عارفه انها هتزعل منك لكن متتوقفيش ابدا عن انك تصارحيها باي حاجه بتحصل معاكي ربنا استغفري ربنا فقط لا غير وربنا عارف انك في الوقت ده كنت ضعيفه فاحنا اما نلاقي نفسنا ضعاف ناخد بالنا من النقط اللي احنا ضعاف فيها ونحاول نقويها ولو ما عرفناش نقويها نتجنب اي حاجه تخلي الضعف ده ياذينا وما يكونش في صالحنا.
تم النشر الخميس، ١٠ يوليو ٢٠٢٥
استغفري ربنا ، اكثري من الاستغفار، ربنا غفور رحيم. جسمك امانة بين ايديكي ما تضييعيها وما تئذيها...
تم النشر الخميس، ١٠ يوليو ٢٠٢٥
السلام عليكم اختي في الله .. عايزك تعرفي ان المؤمن جسده عليه حق ، و لو أذي نفسه مرات كتير حتي لو هو بيرتاح كده ده فعل محرم جدا . و مجرد انك تعوري نفسك مره .. هتلاقي المره بتجر التانيه و التالته و الرابعه لحد تتلاقي نفسك شبه مدمنه علي الموضوع .. و واحده واحده الفعل ده هيحاول يرسخ فدماغك فكره الانتحار ، حتي لو انتي واثقه تمام الثقه انك مستحيل تعملي كده ، و هيؤدي لنتائج خطيره الله يعافيك منها . انتي صليتي و دعيتي ربنا ليه تعملي فنفسك كده .. خلاص خليها علي الله .. اي كانت مشكلتك اتركيها لله عز وجل و استبشري خير و متخليش الشيطان يدخلك من الباب ده ، و اعرفي ان الابتلاء اللي ربنا بيبعتوهلنا بيبقي معاه لطف ربنا ، للاسف احنا بنقعد نتخيل سناريوهات و حوارات كتيييره من غير " لطف ربنا " و ده اللي بيسبب الضيق و الخنقه و بالنسبه لموضوع والدتك فراعي زعلها و حطي نفسك مكانها .. الموضوع صعب عليها بردو و لو كانت مبتتكلمش معاكي ف هي مش عشان تعاندك هي بس اتلاقيها مصدومه او قلقانه .. والحل هو في أيدك مقدرش اقولك عليه ، كل واحد أدري بمفاتيح اهله و يعرف يكلم معاهم امتي و ازاي عشان يقدر يفهمهم فعله ، و اكيد لو اتكلمتي معاها و فهمتو بعض و فهمتيها حالك و ان انت ندمانه علي الفعل ده بإذن الله كله هيتحل ربنا يروق بالك ❤️❤️ ___________________________________
تم النشر الخميس، ١٠ يوليو ٢٠٢٥
أختي العزيزة، أولاً أود أن أقول لك إنني أقدّر كثيرًا صراحتك ومشاركتك لكل هذه المشاعر والأحداث، وأنتِ بالفعل في مرحلة تحتاجين فيها إلى رعاية وتعاطف لنفسك. بدايةً: هل هذا اعتراض على قضاء الله؟ من كلامك، يبدو أن ما حدث كان نتيجة حالة نفسية صعبة مررتِ بها، من حزن شديد وبكاء حتى فقدان التركيز والانتباه، وليس برغبة واعية أو اعتراض على قضاء الله. أحياناً في حالات الألم النفسي أو الانفعالات الشديدة، قد تصدر أفعال نندم عليها لاحقًا، وهذا لا يعني أن نيتك كانت الاعتراض على قضاء ربنا أو كفر. ولا تنسي أن الله سبحانه غفور رحيم، يعرف ما في قلوبنا، وهو الأعلم بما عانيتِه. كيف تمسحين ذنبك وتطلبين المغفرة؟ أهم شيء هو الاستغفار والتوبة الصادقة : اطلبي من الله بكل خشوع أن يغفر لك، وكوني يقينة أن رحمته واسعة. كرري قول: "أستغفر الله العظيم وأتوب إليه" بتمعن وخشوع، وأنتِ تشعرين بندم حقيقي. لا تلومي نفسك على ما حدث، بل اعتبريه نوبة ألم وحزن مررتِ بها، وحاولي تعلم كيف تتعاملين مع مشاعرك بشكل صحي. ماذا تفعلين الآن؟ اعتني بنفسك نفسيًا وجسديًا : هل فكرتِ في التحدث مع مختص نفسي أو مدرب حياتي؟ هذا قد يساعدك جداً في التعامل مع ألمك النفسي بشكل صحي ومنع حدوث مثل هذه الأفعال مرة أخرى. حاولي التودد إلى والدتك : أمك حزنت وهي قلقة عليكِ، وربما تحتاج لبعض الوقت، ثم يمكنك محاولة التقرب منها بكلمات صادقة واعتذار هادئ. اشغلي وقتك بأعمال تحببينها : ركزي على هوايات أو أنشطة ترفع من معنوياتك، واجعلي لنفسك جدول يومي يساعدك على تخفيف شعور الحزن. قومي بالعبادات التي تهدئ قلبك : مثلاً الصلاة والدعاء والذكر، ولا تضغطي على نفسك بشدة، خذي الأمور بخطوات صغيرة. نصيحة أخيرة التوبة باب مفتوح لا يغلق أبدًا، والله تعالى يحب التوابين ويغفر الذنوب كلها. أنتِ إنسانة قيمة وذات روح قوية رغم كل شيء، وهذه المرحلة ستمر بإذن الله. لو شعرتِ بالحاجة، يمكنك البحث عن خبراء في الصحة النفسية والإرشاد الروحي على منصة فدني، حيث ستجدين دعمًا مهنيًا وفهمًا عميقًا لوضعك. هل تحبين أساعدك في إيجاد خبير مناسب لك؟ أو تودين أن أتحدث معك أكثر عن كيفية التعامل مع مشاعرك؟ أرجو أن تعرفي أنني هنا لأدعمك بكل ود واحترام يا غالية. ❤️
تم النشر الخميس، ١٠ يوليو ٢٠٢٥
بصي يا حبيبتي اياكان سبب الي وصلك للحاله دي ربنا يعينك فيه، انا للاسف مش هقدر اطلع فتوة اساعدك بيها، لكن الي اعرفه ومؤمنه بيه، ان ربنا عليم بالنوايا وانتي مكنتيش تقصدي حاجة حسب وصفك فانشاء الله وبإذن الله ربنا يسماحك وادعي، ونصيحه مني متخاليش اي حاجة اياكانت تبقي سبب لدمار حياتك، عارفه مهما داقت بيكي الدنيا ومهما الناس حت عليكي ومهما شوفتي من ظلم وقهر هدي كوووول دا كحافز ليكي، الي هو لا انا مش هسيب كل دا يتمكن مني ويشدني لتحت اعملي دا حافز لمستقبلك، قوي علاقتك بربنا، ادعي وكلمي ربنا واشكيله همك، عارفه محدش بيلجأ لربنا ويفضل مكسور الخاطر، وربنا يكرمك في حياتك
تم النشر الجمعة، ١١ يوليو ٢٠٢٥
لعرض السؤال في فدني اضغط هنا