السلام عليكم ورحمة الله وبركاته
انا في كليه وكنت شاطره في ماده معينه ف حد من الدفعه طلب مني اشرحالو ف بعت فديوهات شرحي عادي جدا وعامة بساعد اي حد في كل حاجه اقدر اعملها المهم فضل يقلي اساعدك ازاي واعمل اي بقى يبعتلي المحاضرات والمذكرات وانا من غير ما اطلب منه اصل وساعات لما بعوز حاجه ومش بلاقيها كنت بطلب وانا يدوب كنت بقلو جزاك الله خيرا بعدين قالي انا معجب بيكي وحبيتك ومحدش عمل معايا اللي انتي عملتيه ومحدش ساعدني خالص قلتلو انا معملتش حاجه واي حد بيطلب حاجه بعملها عادي يعني
المهم قلي انا هخلص كليه واتقدملك انتي بتحبيني مقدرتش اكسفو وقلتلو كل حاجه قسمه ونصيب وربنا يعجل بالخير بس كدا المهم كل شوية يبعتلي قلتلو انا مش بتاعت ارتباط ولو حصل نصيب نبقي نتكلم غاب فتره ورجع يسأل تاني انا برد عليه كد السؤال وبس وكل شوية يقلي انتي محترمه ويفضل يمدح فيا وانو عايز يتقدملي وبيحبني وانا اقول له ربنا يحبك وربنا يقر عينك باللي تتمناه بس انا الصراحه مش حاسه باي احساس اتجاهو ومش حباه خاالص
هو كويس بس لا انا مش قادره اتقبله ومش هو ده الشخص اللي عايزاه يكون جوزي لانو بيتقمص لو مردتش وبيعتبني بطريقه غريبه جدا فيها تقليل من ذاتي وكمان مفهم مامتو انو بيكلمني وبيحبني وانو مرتبط بيا يعني وانا مستحيل اتجوز في مكان وهما شايفني اني كنت مرتبطه بيه وبعمل حاجه غلط وحرام من ورا اهلي لاننا من الصعيد وكمان انا اكبر منو بكام شهر المهم انا مش متقبلاه خالص ولا شخصيه ولا اسلوب ولا شكل ولا اي حاجه نهائي وخايفه اجرح مشاعروه تنصحوني اعمل اي
السلام عليكم، خليكِ صريحة وحازمة في كلامك معه وعرفيه إنك مش بتفكري في ارتباط أو زواج عامة وهتركزي في مستقبلك (حتى لو أنتِ ناوية في يوم ما) وقفلي معه. خدي بالك بس يكون من النوع المهووس أو راسم في دماغه سيناريوهات فارفضي بطريقة غير صدامية وابعدي ومترديش على رسايل. كلمة لو حصل نصيب دي أعطته امل وخلته متمسك وكل شوية يرجع يفتح الموضوع، وكلامه مع والدته وتصرفاته معك بتقول إنه مش عامل اعتبار لرأيك وعايش مع السيناريو اللي في دماغه. طالما مش مرتاحة ليه قفلي الموضوع معه وركزي في دراستك، وبما إنه مش عامل اعتبار لرأيك ومشاعرك فأنت كمان متخافيش على مشاعره... ترددك وكسوفك من إنك تحرجيه، وتأنيب ضميرك هيزود تعلقه بك وهيصعب خروجك من المشكلة دي. فكري في مصلحتك وبس.
تم النشر الثلاثاء، ٧ يوليو ٢٠٢٦
وعليكم السلام ورحمة الله وبركاته، أولاً أحييكِ على صراحتكِ مع نفسكِ وعلى حرصكِ على عدم إيذاء مشاعر الآخر، وهذا يدل على طيبة قلبكِ. الموقف الذي تمرين به شائع، وأنتِ لستِ مخطئة في مساعدتكِ لزملائكِ، لكن الشخص الآخر فهم الأمر بطريقة مختلفة تمامًا. ما يجب فعله الآن لتوضيح الحقيقة: الوضوح اللطيف والمباشر أفضل طريقة هي إرسال رسالة واضحة وموجزة، بدون تبريرات كثيرة حتى لا تُفهم على أنها تردد. مثال على ما يمكن كتابته: «أنا آسفة لو كان في سوء فهم، أنا ساعدتكِ زي ما بساعد أي حد في الدفعة، ومش عندي أي مشاعر رومانسية تجاهك، ومش شايفة إن فيه توافق بيننا. أتمنى تتقبل ده وتكمل حياتك عادي». هذه الرسالة واضحة وتحترم مشاعره دون أن تعطيه أملًا. التوقف عن الردود المتكررة بعد إرسال الرسالة، قللي الردود تدريجيًا. الرد المستمر حتى لو كان باردًا يُبقي الباب مفتوحًا في ذهنه. يمكنكِ الاكتفاء بردود قصيرة جدًا أو التوقف عن الرد إذا استمر في الضغط. التعامل مع تدخل أمه بما أنه أخبر أمه، فهذا يعقّد الأمر. إذا تواصلت معكِ أو أرسلت لكِ أي رسالة، يمكنكِ الرد بلباقة: «أنا آسفة، فيه سوء فهم، وأنا مش مرتبطة بأي حد». ويفضل ألا تستمري في الحديث معها حتى لا يتطور الأمر. حماية نفسكِ ثقافيًا ودينيًا أنتِ من الصعيد وتعرفين أهمية السمعة. استمري في الابتعاد عن أي تواصل يمكن تفسيره على أنه ارتباط، حتى لو كان مجرد كلام. هذا يحميكِ ويحمي أهلكِ. نصيحة أخيرة: لا تشعري بالذنب لأنكِ لا تحبينه. المشاعر لا تُجبر، والرفض بلباقة ليس إيذاءً. إذا استمر في الإصرار أو الإساءة، يمكنكِ حظر الرقم بهدوء بعد توضيح موقفكِ مرة واحدة. لو حابة تشوفي تجارب مشابهة، ابحثي على فدني عن أسئلة بنفس الموضوع، هتلاقي آراء كتير مفيدة. ربنا يوفقكِ ويبعد عنكِ كل ما يضايقكِ.
تم النشر الثلاثاء، ٧ يوليو ٢٠٢٦
ابعدي عن الشخص ده فورًا ،، اعمليله بلوك وما تديلهوش أي فرصة إنه يشوفك أو يتكلم معاكي، ولو حصل أي تعامل عامليه وحش جدًا، وفي نقطة لازم تفهميها إن اللي عايز يتجوز واحده وعاوز ليها الخير مش بيقولها هي خالص ،، ولو عمل كده يبقا غير ناضج وغير مؤهل للزواج أصلًا
تم النشر الأربعاء، ٨ يوليو ٢٠٢٦
بصي، من كلامك واضح إنك من البداية ما وعدتيهوش بحاجة، ولا دخلتي معاه في علاقة، وده كويس. لكن في نفس الوقت، طالما هو فهم الموضوع غلط وبقى متعلق، فالأفضل ما تسيبيش المسألة تمشي على أمل إنه يفهم لوحده. قولي له باحترام ومن غير تجريح إنك بتعامليه كزميل دراسة فقط، وإنك مش حابة يكون بينكم أي ارتباط أو تعلق، وإن موضوع الزواج والنصيب ده بيد الله، لكن إنتِ مش موافقة على فكرة الارتباط أصلًا. ولو بعد الكلام الواضح فضل يعاتبك أو يزعل لأنك ما رديتيش، فده معناه إنه بيتوقع منك حق مش من حقه. وقتها من الأفضل تقللي التواصل معاه للضرورة الدراسية فقط، أو توقفيه لو مفيش ضرورة. الوضوح في الأول أرحم من إن التعلق يزيد بعدين، واحترام مشاعره يكون بعدم إعطائه أملًا وهو في الحقيقة مش موجود.
تم النشر الأربعاء، ٨ يوليو ٢٠٢٦
فهميه انك مش عاوزة جواز دلؤتى
تم النشر الثلاثاء، ٧ يوليو ٢٠٢٦
والاختلاط ده غلط جدا متشرحيش لولاد وهو الدنيا ضاقت بيه يعني فالرجالة والفيديوهات اللي عالنت ومفضلش غيرك
تم النشر الأربعاء، ٨ يوليو ٢٠٢٦
من الاول مينفعش تسايسيه ادخلي قوليله انا مفيش اي مشاعر ليك ونا مش حاسه بحاجة تجاهك وكل شيء قسمة ونصيب وربنا يوفقك في حياتك ده مفهوش احراج لازم تنهي القرف ده عشان تنهي التعلق اللي عنده ده
تم النشر الأربعاء، ٨ يوليو ٢٠٢٦
هو مفيش ضروره اصلا ومجرد انه يفهم هعمل بلوك اصلا لاكن هو لو مردتش يقلي انا مش بكلمك في مصلحه يعني انا بطمن عليكي بس ولو خرجت من الجروبات كلها وحتي جروبه يبقي مصر اني ادخل جروبه ويقول تخرجي لي ومش عارفه اي اقلو السنه خلصت لما تبدا سنه رابعه هبقي ادخل في جروب الدفعه ومش جروبك ولا جروب غيرك هدخل جروب بنات بس يزعل بقي ويقلي زي ما ساعدتك ساعديني اقلو انت ساعدتني في اي يقلي بعتلك مذكراتك اقلو انا مطلبتش منك حاجه وانت بعت من نفسك وياريت متبعتليش تاني ولا مذكرات ولا غيره يجي بقي يجيب اللوم عليا ويسببلي ضغط انهي الموضوع بحصل خير يجي بعدها بفتره يتكلم تاني
تم النشر الأربعاء، ٨ يوليو ٢٠٢٦
لعرض السؤال في فدني اضغط هنا