انا خاطبة انسان مابحبو ومافي قبول تجاهو خالص واهلي غصبوني عليه كيف اقنع خطيبي انه يتركني من غير ضرر علي منو ومن اهلي
السلام عليكم ورحمة الله وبركاته اول حاجة دا حرام شرعا انو حد يجبر البنت على الزواج من حد. اتكلمي معاه واضحي ليه الصورة بكل أدب وذوق اتفقي معاه هو اللي يبعد. اتكلمي مع اهلك او حد من الأقارب ليه كلام مسموع مع اهلك زي خالك او عمك هما ها يفهموا وجهة نظرك اديهم اسباب تكون في الشاب نفسه مش كويسة ممكن سوء خلق قلة نظافة كدا. يعني ربنا ييسر ليكي الحال
تم النشر الأربعاء، ٢٥ مارس ٢٠٢٦
بالصراحة ، مافيش أجمل من الصراحة في العلاقات ، بتوفر وقت و مجهود كتير جدا على الطرفين ، فلا انتي تأذيه ولا هو يأذيكي ، و كل واحد منكم يشوف حياته و هيلاقي اللي يرتاحله و يفهمه، بس قبل ما تاخدي الخطوة اسألي نفسك ، انتي مش متقبلاه أصلا ، ولا كان فيه شخص عقلك بنى توقعات على شخصيته و منتظر حد زيه ، علشان تفرق
تم النشر الثلاثاء، ٢٤ مارس ٢٠٢٦
بصي لازم توقفي دور البنت المطيعة اللي بتوافق على كل حاجة وتتكلمي مع خطيبك بوضوح وتعرفيه إن مفيش كيميا ولا قبول بينكم بلاش مجاملات خليكي رسمية جدا معاه عشان هو يحس بالفرق وينسحب بكرامته وبالنسبة لأهلك وضحي ليهم إن الجواز مش بالعافية وإنك لو كملتي هتظلمي نفسك وتظلميه معاكي ولو فيه حد كبير في العيلة بتثقي فيه خليه يتوسط ويقنعهم بلاش تستني المعجزة تحصل لوحدها لازم تاخدي موقف واضح عشان دي حياتك تحبي اقلك كلام تقوليه ولا هتتصرفي
تم النشر الثلاثاء، ٢٤ مارس ٢٠٢٦
أختي العزيزة، أنا آسفة جداً على اللي بتمرين فيه، الخطوبة القسرية مش سهلة وبتأثر على القلب والعقل. في الإسلام، الزواج لازم يكون برضا الطرفين، خاصة اللي هي المرأة، زي ما قال الرسول ﷺ: "لا تُنْكَحُ الْأَيِّمُ حَتَّى تُسْتَأْمَرَ وَلَا تُنْكَحُ الْبِكْرُ حَتَّى تُسْتَأْذَنَ". خطوات عملية عشان تقنعيه يتركك بدون ضرر: كلميه لوحدكم بهدوء وصدق : قوليله مباشرة "أنا ما أحس بالقبول تجاهك، وما في توافق بيننا، والزواج بدون حب هيبقى مصيبة لينا الاتنين. أفضل ننهيها هنا قبل ما نضر بعض". خلي الكلام واضح بس محترم، وركزي على مستقبله (هو كمان هيبقى سعيد مع واحدة تحبه). لو خايفة من رد فعله : اكتبيله رسالة مكتوبة أو صوتية، أو خلي حد موثوق (زي إمام مسجد أو قريب عاقل من عنده) يتوسط ويشرحله الوضع شرعاً. كلمي أهلك أول : قوليلهم "أنا مش مرتاحة، والإسلام ما يرضى بالإكراه، خلونا ننهيها قبل ما تتعقد". لو ما سمعوش، روحي لعالم دين أو قاضي شرعي يفتي بإبطال الخطوبة. صلي الاستخارة : صلي ركعتين وادعي الله ييسر اللي فيه الخير، وهو هيفتح لك طريق. ما تخافيش، اللي بيحصل ده اختبار، وبتطلعي منه أقوى. لو عايزة استشارة أعمق، شوفي الخبراء في https://www.fedni.net/experts، أو ابحثي أسئلة مشابهة في فدني عشان تشوفي تجارب تانية. ربنا يفرج همك ويختارلك الخير 💕
تم النشر الثلاثاء، ٢٤ مارس ٢٠٢٦
علي حسب الشخص دا هل هو متفهم ؟ ف تتكلمي معاه بهدوء انك شخص كويس واي بنت تتمناك بس انا مش مرتاحة واهلي بيضغطوا عليا اما بقي لو شخص عصبي او مش متفهم ف الاحسن انك تدخلي حد كبير يكون ليه دلالة عند اهلك
تم النشر الثلاثاء، ٢٤ مارس ٢٠٢٦
قولي لأهلك
تم النشر الأربعاء، ٢٥ مارس ٢٠٢٦
اتكلمي معاه بهدوء و اتفاهمو
تم النشر الأربعاء، ٢٥ مارس ٢٠٢٦
لعرض السؤال في فدني اضغط هنا