هل سأرتاح لو ابتعدت أم سأظل أفكر فيها وأتعب؟

Question

انا دلوقتي بحب واحده بقالنا 9 سنين ومن صغير وانا معاها وهي جارتي كنت لنقف نتكلم ف البلكونه وحبينا بعض لدرجه رهيبه محدش يتوقعها وكانت كويسه جدا جدا معايا وانا كنت وحش شويه معاها بس بحبها اوى وحصل بينا كتير اوي كتير بجد كان ف علاقه حب قويه وغيرها وحاجات تانيه كتير دلوقتي بعد مشاكل كتير بسبب الأهل بس هي كانت بتحبيني أوى وهي دلوقتي كانت معايا. وكنا كويسين قوي وانا كنت بحبها ولحد دلوقتي بحبها بس هي دلوقتي انا شفتها مع واحد ثاني ماشيه معاه كان بينا حاجات كثيره جدا مش عارف ازاي هي تخطت الكلام ده كله وعديته ازاي نعم انا كنت وحش بس كنت بحبها كنت بغير عليها ما كنتش عايزها تنزل كنت عايز اخليها في البيت قدامي على طول وده اللي احنا كنا متفقين عليه دلوقتي هي مع واحد وبتقول لي ان الشخص ده قعد مع باباها وهي معاه في الشغل وكل يوم بيشوفوا بعض وانا كل يوم بتعب اكثر واكثر وانا أقسم بتعالي بتعالج صليبي وكده. فمش عارف اعمل ايه ثاني تعبت وانا ما كنتش متخيل ان انا اتعب من بعدها قوي كده حاسس بفراغ في حياتي احس ان مفيش حد يطمن عليا مفيش حد يسأل علي مفيش حد في ظهري. انا بحبها وعايزها ترجع اعمل إيه تاني يا جماعه عشان خاطر ترجع بجد مش قادر انا بحبها و تعبت قوي من بعدها مش عارف اعمل ايه تاني بصراحه يعني هل لو انا بعدت عن المكان اللي انا فيه هنرتاح وكده يعني بعدت عن المكان اللي هي قاعده فيه لانها ساكنه في العماره اللي في وشي في البلكونه اللي في وشي وتعبان قوى مش قادر بموت وعايزها ترجع طب لو انا مشيت من المكان اللي هي فيه اي نعم هي مش هتاخد بالها سواء انا موجود او مش موجود بس انا كنفسيه وانا بفكر انا بقعد طول الليل كله بفكر فيها ما بعرفش انام هي بتعمل معاه ايه هي بتحبه وكده هيخطبها خلاص حبيبتي بتروح مني هل لو انا دلوقتي بقى مشيت من البيت اللي انا فيه الاقي ساكنه قدامي دلوقتي هي مش هتكون عارفه سواء انا موجود او مش موجود لو انا مشيت انا نفسيتي هتبقى كويسه ومرتاح وارجع زي ما كنت كويس هقعد اربع شهور ولا ٦شهور هيبقي كويس ولا لا

Accepted Answer

السلام عليكم ورحمه الله وبركاته في احتمال انك لما تاخذ بعضك وتمشي تقعد اربع او ست شهور بعيد انك تقدر في الفتره دي فعلا تدفن الذكريات بتاعتها جواك والموضوع تقدر انك تتخطاه ده لو انت قررت بقى لكن لو انت بعدت 4 أو 6 شهور بس منتظر انه الموضوع يروح لوحده من جواك وينتهي فده هيكون صعب شويه. في احتمال انك بعد ما ترجع تلاقي ما حصلش اي حاجه تلاقي نفسك حسيت بنفس الاحساس تاني الوحش اللي انت حاسه فهنا ساعتها هنعمل ايه كده هنبقى تاكدنا انه بعد المسافه مش هيفرق. فالخطوه المهمه سواء انت اخذت بعضك وعملتها بعيد او عملتها وانت لسه في نفس مكانك في نفس العماره اللي قدامها هو انك تعرف فعلا تاخذ كل ذكرياتك معاها وتقدر تحطها جوه صندوق وتقفل عليه طب هتعمل كده ازاي ايه اللي هيخليك هو الصندوق ده عباره عن ايه الصندوق ده هو عباره عن القرار اللي هي اخذته هي أخدت قرار ان هي انت بالنسبه لها مش الشخص اللي هي ترتبط بيه ووافقت على الارتباط بشخص ثاني فالموضوع كده انت هو ده الصندوق اللي هي النهايه اللي هي قررتها انت كمان تدفن فيها كل حاجه ليها علاقه بها نيجي بقى على الفراغ اللي انت بتتكلم عليه الفراغ اللي موجود ده لازم ينبهك لنقطه الاحتياجات اللي عندك انت عندك احتياجات عاطفيه واجتماعيه محتاج شخص يطمن عليه حد يكون لما بتخلص يومك بتحكي معايا ده انا عملت كذا وعملت كذا فين الشخص ده هل الشخص ده لازم يكون الحبيب او الخطيب او الزوج لا مش لازم خالص ممكن يكون صديق ممكن يكون اخ ممكن يكون اخت ممكن يكون ام ممكن يكون اب يعني اي شخص انا اقرر ان انا واثق فيه وشايفه هيفهمني ويسمعني انا ممكن احطه في المكانه دي بنغلط لما بنستنى انه هيكون عندنا شريك حياه او هيكون عندنا الحبيب هو ده اللي هيعمل كل الادوار هو ده اللي انا هستقي منه كل احتياجاتي وده خطأ كبير جدا فركز في النقط دي وركز في احتياجاتك اعرف احتياجاتك اللي هي كلها طبعا هتمثل فراغ دلوقتي هتبقى انا ما عنديش كذا انا ما عنديش كذا هي سابت كذا هي سابت كذا كل الحتت الفاضيه دي ضروري جدا ان انت تبدا تحط لها اشخاص تانيين تستقي منهم الاحتياجات دي وما يبقاش شخص واحد كمان وهو ده اللي يكون افضل كثير.

Answer

بص نصيحه لله صلي قيام ليل ولو بركعة الوتر وادعي ربنا عشان مش هتعرف تنسى ولا ترتاح ولا تعيش مبسوط الا بالقرب من الله ولو تعلم أن لذة القرب من الله أجمل واحلى من حبيب ولا شات مع شخص بتحبه ولا اي حاجه وادعيه وقوله يارب مش عارف انسى مش عارف اتأقلم اشكيله عشان والله ما حد بيده نفعك ولا ضرك إلا الله ومهما اذنبت وقصرت ربنا رحيم جدا وهيقبلك سبحانه قال * قل يا عبادي الذين اسرفوا على أنفسهم لا تقنطوا من روح الله أن الله يغفر الذنوب جميعا ارجع لربنا ترجع لك حياتك كلها

Answer

طيب ازاى بتقول انها بتحبك وازاى بتقول انا موافقه كده تمشي مع شخص تانى؟! طيب وانت مجربتش تتكلم معاها مره تقولها اى اللى بتعملى ده تشوفها هتسمع كلامك ولا لا نصيحه اومال هى مش قدرتك او قدرت وجودك سيبك منها وبالنسبه لتعبك هو طبعا ده حال طبيعي عشان الوقت مكنش قليل واكيد انت اتعودت انت حاول تبعد عن اى شى يفكرك بيها صور مكان اى ذكره وان شاءالله ربنا يكرمك باللى افضل منها وتعضوكك عن اى حاجه ♥️

هل سأرتاح لو ابتعدت أم سأظل أفكر فيها وأتعب؟

نفسية

اجتماعية

علاقات

سؤال من احد أعضاء فدني

تم النشر الثلاثاء، ١٥ يوليو ٢٠٢٥

4 إجابة

13 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك