أكتر حاجه البنت بتحبها (الزينه) وأكتر حاجه الولد بيحبها (البنت) وربنا سبحانه وتعالى أمرنا بالستر وأكد على غض البصر للرجال علشان يختبر صدقنا وإننا فعلًا ممكن نعمل حاجه عكس اللي بنحبها تماما تسليما لأمر الله وده في معظم العبادات زي ما الإنسان بيحب الراحه بس بيجاهد نفسه ويقوم يصلي ،،،، كونك مش متقبله الحجاب أمر طبيعي جداا لإن التزين هو الغريزه الأولى عن أي بنت لكن إنتي أكيد متقبله أمر الله وده اللي واضح من كلامك ،، ومن رحمة ربنا بينا إنه لم يمنع التزين بشكل عام لكن وضع له حدود .. وده من طرق إظهار إن المرأه غاليه ماينفعش تكون متاحه لأي حد يشوفها بسهوله كده وببلاش لإن الرجل أكيد كل هدفه يشوف جمالك فمن السذاجه إن البنت تخرج متزينه بتلبي حبها للزينه وبتنسى إنها بتقول للرجال انظروا مجانا 😅.. الحاجه الأخيره إن البنت اللي لابسه حجاب صحيح بتاخد حسنات من لحظة خروجها لحد ماترجع لبيتها ،،، ربنا يرزقك الحجاب عاجلا 💟💟 بالشكل الذي يرضيه عنكِ ،، ومش معنى كده إن البنت تخرج مبهدله لأ. الخروج يكون بشكل مرتب ومنظم لكن غير ملفت والأفضل القرار في البيت 💗
طبعًا لإن معظم البنات مش بيكونوا واخدين بالهم من النقطه دي أصلًا لكن نظرة المجتمع بتكون حول النقطه دي ،،، ربنا يحببك في الحجاب يا رب 💓 إن شاء الله تلبسيه قريب يا حبيبتي 🤍🤍
تم النشر الأحد، ١٨ يناير ٢٠٢٦
ماشي هحاول دعواتك بس صدقيني انا مش عاوزه الناس تبصلي مجانا لان دا مش نيتي نهائي
تم النشر الأحد، ١٨ يناير ٢٠٢٦
لعرض الإجابة في فدني اضغط هنا