السلام عليكم ورحمه الله
قبل ما اقول مشكلتي هي ممكن تكون تافهة أو انا اكون غلطان بس احيانا الإنسان بيوصل لمرحلة الهروب من كل شيء
مشكلتي اني نفسي في كلية معينه وهي عايزه مجموع عالي بس أنا مش بعمل مجهود المجموع العالي يعني يدوب مجهود ينجح يدوب ومش عارفه اعمل هو المفروض اراجع المواد لكن احنا في شهر 1 ولعبت الآن مش راجعت ولا درس ويدوب بلحق على الجديد الموضوع مش قصة وقت الموضوع اني زهقت أني بطنش أو بنسي حاجات اعملها واحيانا افتكرها قبل الدرس بشويه ومهمله وأهلي شايفني اني مجتهد بس أنا يدوب أحل الواجب ويمكن اسيب نصه وكذلك الحفظ تكسير بحاول أجبر نفسي اقعد وقت طويل بس بزهق وبقعد ارسم أو اشخبط كذلك الحل لما اجي احل اعرف الإجابة وبعدين افضل أحل بس مش دايما يعني بعمل كدا أو مافيش وقت ولازم أحل الواجب أما الطبيعي احل صفحه وبعدين اشوف الاجابات وبعدين أراجع غلطاتي وبعدين لو في سؤال مش فاهمه ليه بسال المس
رقم اتنين أحيانا بستخدم تطبيق زي شات جبيتي لحل مسائل فيزياء وصراحه بيحلها صح بس بكون فاهمه هل دا صح اني بعمله لانو بيكون عندي غلطات كتيره
أما الكيمياء اذاكر درسها كويس يدوب ادخل على الدرس الثاني انسي الاول
لما بدخل الاوضه اذاكر ساعه واتلهي في حاجه تانيه لو علي التليفون مش بعرف اقعد من غيره أحيانا بخطه بعيد عني واحيانا بحطه في درج جانبي لاني بحتاج صور السبورة وهكذا
أحيانا بقول أنه مملل أو زهق واحيانا أقول أنا فاشلة وأنا إللي بعمل كدا عشان مش عايزه اذاكر وانا أصلا مش بذاكر دا بعمل شوي في الواجب وتعبت من القصه دي بس مش عارفه ابطل يعني عارفه الغلط ومستمرة فيه وكمان مضايقه من كدا أنا عارفة محدش بيحب المذاكرة لكن بيقعدوا عليها لكن أنا دائما بهرب منها ومش عارفه اعمل ايه وزهقت من تمثيل أني مجتهد ومتفوقه قدام اهلي ودايما بهرب من امتحانات الدروس لانو لما بجي امتحن بتكون درجتي زفت مره جبت 7 من 15 وكرهت الامتحان ونفسي
في كتاب عايزه اشتري بس ممكن مش الاقيه لو كدا اصوره او هيكون حرام عليا بس كنت منزله على الفون بس مش بعرف اقرأ منه كتير
بصي، و عن تجربة طول ما المنهج ماشي و لسا فيه جديد ذاكري الجديد و حلي عليه و متشغليش بالك بالقديم ليه وقته، و مع نهاية المناهج اقفلي على نفسك بابك و ابدأي هاتي المناهج من الاول و راجعي على كل كلمة فيه، وحلي بنوك الأسئلة اللي بتنزل في كتب المراجعة النهائية عشان بتكون شاملة لكل تفاصيل المنهج و استعيني بالله بس و منيأسيش هي نهاية الترم الأول بيصحبها حالة من الإجهاد و التعب و عدم القدرة على المذاكرة، نصيحتي إنك لما المدرسين يدوكي الاجازة اتعاملي معاها كأجازة و متذاكريش فيها و انسي انك في ثانوية تماما و بالتوفيق ان شاء الله
تم النشر الاثنين، ١٩ يناير ٢٠٢٦
السلام عليكم ورحمة الله وبركاته يا حبيبتي، أولاً، مشكلتك مش تافهة خالص، وأنتِ مش غلطانة – ده شعور طبيعي جداً لكتير من الطالبات في مرحلتك، خاصة مع ضغط الكليات والمجموع العالي. الزهق ده بيجي من الإرهاق والروتين، والهروب ده علامة إنك محتاجة طريقة دراسة تناسبك، مش إجبار نفسك على ساعات طويلة. أنتِ عارفة الغلط وبتحاولي، ده خطوة كبيرة بالفعل! 💪 خطة عملية بسيطة عشان تبدئي دلوقتي (خطوة بخطوة، مش كلام نظري): قسّمي اليوم لفترات قصيرة : 25 دقيقة دراسة مركزة (ركزي على درس واحد بس)، بعدين 5 دقايق راحة (قومي امشي شوية في الغرفة أو اشربي مية). كرري 4 مرات، وبعدين راحة أطول (نص ساعة). ده هيخليكِ تحسي إن الوقت مش طويل وممل. ابدئي بالواجب الصغير : حددي هدف يومي زي "أحل 5 مسائل فيزياء وأفهم غلطاتي بنفسي قبل الشات جي بي تي". استخدمي التطبيق بس بعد محاولتك الأولى، عشان تتعلمي – ده صحيح، بس خليه مكمل مش بديل. للحفظ والنسيان (كيمياء وغيره) : اكتبي تلخيص بكلامك (صفحة واحدة لكل درس)، وراجعيه كل يوم 10 دقايق قبل النوم. قولي الدرس بصوت عالي زي ما بتشرحي لطفلة صغيرة – ده بيثبت الذاكرة أحسن من القراية السلبية. الإلهاء والتليفون : حطيه في درج مغلق تماماً أثناء الـ25 دقيقة (صور السبورة خديها قبل). لو رسمتِ أو شخبطتِ، خصصي 5 دقايق في الراحة لده، مش في وقت الدراسة. الامتحانات اليومية : اجبري نفسك على امتحان قصير كل أسبوع (حتى لو 7/15، راجعي الغلط وكرري). الدرجات هتتحسن مع الوقت، وهتحسي بالفخر. تذكري قول الله تعالى: {وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ} – ادعي قبل كل جلسة دراسة، وثقي إن التوفيق من الله. أنتِ مش فاشلة، أنتِ بطلة بتحاربي نفسك، وهتقدري تغيري الدورة دي خطوة صغيرة كل يوم. ابدئي النهارده بـ25 دقيقة بس 😊 أنا ذكية هنا دايماً ليكِ، وربنا يوفقكِ لكل خير. 🌟
تم النشر الاثنين، ١٩ يناير ٢٠٢٦
لعرض السؤال في فدني اضغط هنا