مش عارفه اعمل ايه كنت عندي 16 سنه واتعرضت للاغتصاب الموضوع كان صعب عليا ما كنتش عارفه هواجه اهلي ازاي كنت خايفه وهم عرفو كنت حاسه ان هم هيكرهوني رغم ان اللي حصل ده مش بسببي اللي حصل خارج عن ارادتي اتعاملوا معايا عادي بس كنت حاسه بشعور غريب كنت حاسه ان انهم مبقوش يتعاملوا معايا زي الاول حاسه ان انا نكره بقيت احلم بكوابيس انا عندي 18 سنه دلوقتي لحد دلوقتي بحلم بحاجات وحشه ومعامله اهلي بقت ليا مش حلوه محسسني كل ده بسببك وانا ما عملتش حاجه انا طول عمري ما عنديش ثقه في نفسي عشان تخينه وحاسه ان شكلي وحش واما حصل كل ده حسيت ثقتي في نفسي قلت اكثر ما بقتش عاوزه انزل من البيت وهم بينزلزني غصب عني عشان دروسي وبحاول اقول لهم ان انا مش عاوز انزل بس مش بيرضوا بقيت اخاف من الناس ثقتي في نفسي انعدمت مش عارفه اعمل ايه حاسه اني مضغوط عليا من كل النواحي حياتي ضاعت ومستقبلي ومعامله اهلي ليه عاوزه اموت ما بقتش اتكلم مع اهلي كتير وبحس ان هم كرهوني بسبب اللي حصل رغم ان ده مش ذنبي كل ده حصل من غير ارادتي مش عارفه اعمل ايه
اللى حصل معاكى مش سهل وانتى محتاجة حد يحتوى كل أحاسيس الخوف دى واهلك الحمدلله واضح انهم تعاملوا مع الموضوع بس انتى اللى مش مصدقه ده.. فبالتالى بتترجمى تصرفاتهم العاديه وتربطيها بالموضوع تستعينى بمختص نفسي واطلبي من أهلك ده لو مش قادره تخرجة مخاوفك وتحلى الموضوع مع حد منهم
تم النشر الأحد، ٧ يناير ٢٠٢٤
انتي قولتي بنفسك ان اللي حصل كان غصب عنك .. وبالنسبة لاهلك .. انتي احتمال احساسك ناحيتهم غلط، هما عارفين ان مكانش ب ايدك حاجه، وهما لو كانوا فعلا مش بيحبوكي، مكانوش هيحاولوا معاكي كل شوية يخرجوكي ويقولوا ليكي لازم تروحي دروسك. يعني بمعنى اصح مكانش حد اهتم. وبالعكس كانوا ممكن يقولوا ليكي انتي متخرجيش من البيت ولا تروحي ولا تيجي. بس هما ابتدوا انهم يتعاملوا مع الامر، اينعم اكيد زعلانين ع اللي حصل، انتي ف الاول وف الاخر بنتهم وطبيعي يكونوا مضايقين علشانك. بس هما شوفي بيعملوا ايه علشان .. وانتي بتعملي ايه في نفسك. اللي حصل حصل، ومفيش حاجه انتهت ولا حاجه، ده اختبار من ربنا، خليكي قده .. متسبيش الورقة فاضية وتمشي ..
تم النشر الأحد، ٧ يناير ٢٠٢٤
شكرا لمشاركتك 🌷 اي موقف بيحصل يفوق قدرة تحملنا بيسمي صدمة زي الحادث ده مثلا وزاد عليه احساسك بالضغط من جهة المقربين منك تأثير الصدمة علي عقولنا بيختلف من شخص للتاني وساعات كتير الصدمة بتأثر علي كيميا المخ بينتج عن ده كوابيس زي ماذكرتي احساسك بنفسك والآخرين بيختلف دخولك فعزلة أنصحك انك تستشيري طبيب نفسي لتقييم هل الصدمة اثرت وبتحتاجي علاج لده او ممكن التأثير نفسيا فقط وتحتاجي جلسات نفسية لتحرير الصدمة والتعامل مع الاعراض وأكيد طبعا دا مش ذنبك خالص دا إبتلاء شديد ربنا يعينك علي ألمه وتحمل تبعاته
تم النشر الأحد، ٧ يناير ٢٠٢٤
التغيير هيبدا من جواكي لانك لازم تواجهني نفسك و مخاوفك وتتقبلى اللى حصل معاكي وتعرفي كويس انو مش غلطك وان صبرك سوف تؤجري عليه ابداي من جهة مصالحه ذاتك وتحسين نفسيتك وتشتغلى على اعادها ثقتك بنفسك عن طريق الاشياء التي تري منها انكي قد فعلتي انجاز على سبيل المثال ابداي خطوه ف دايت لكي تنقصي من وزنك او العنايه بالبشرة او ممارسه هوايه مفضله الجزء الاخر الذي تتحدثين به عن معامله عائلتك احساسك على ما يبدو انه خاطيء بما انهم يريدون ان تكملى دراستك ويحاولون اخراجك من المنزل ك نوع من تغيير ما انتِ به دليل كبير على انهم ليسو على غضب منك والتعبير الادق لما تشعرين بيه تجاههم والذي قد فسرتيه بطريقة ظالمه لهم هو انهم ليسو غاضبون او حزينين منك بل هم يحزنون على ما اصابك وما حدث بك لا تسيئي الظن بهم انها محنه صعبه للغايه لكن بما ان الله قد وضعك بهذا المكان وفي هذه المحنه اذا ف انتِ طاقتك قدر هذا الابتلاء لن اقول لكي ابداي صفحه جديده بيضاء بل ساقول ارمي هذا الكتاب وابداي بكتاب جديد ارسميه كما تحبين وربنا معاكي
تم النشر الأحد، ٧ يناير ٢٠٢٤
طب طالما انا شايفه أن الي اهلي بعملوه ده بطريقه غلط زي ما الكل بيقول ليه حسا اني مبقتش منهم مش حسا ب الامان بقيت حسا بخوف حتي لما بنام حتي في احلامي مبقتش عندي طاقه ل اي حاجه
تم النشر الأحد، ٧ يناير ٢٠٢٤
قربي من ربناا هو الي بيحس بيناا
تم النشر الأحد، ٧ يناير ٢٠٢٤
ولو انتي اللي عملت الاعجاب يارب تكوني اتقنعتي لان لزم تعملي كدا عشان تبقي كويسه
تم النشر الأحد، ٧ يناير ٢٠٢٤
صلي وقولي يارب وهتقدري واعتمدي ع ربنا ولهي ما هيسيبك بس تكون نيتك ثقه ف ربك وهتطلعي من اي حاجه
تم النشر الاثنين، ٨ يناير ٢٠٢٤
هحاول اعمل كدا مش عارفه هقدر ولا لا رغم اني حاولت كتير
تم النشر الأحد، ٧ يناير ٢٠٢٤
حبي نفسك عشان ثقتك ف نفسك تزيد قولي لنفسك اني جميله واتحب ملحوظه انتي فعلا جميله لان التخن والرفع دي حاجه عاديه واللي بيحب بيحب ع اي وضع وهتقبلي كتير انزلي ومرسي حياتك عادي متقفليش ع نفسك ربنا هيبعتلك اللي هيحب وهيعوضك انما متسيبش نفسك وصلي وقريبي من ربنا وموضوع الاغتصاب دا انتي ملكيش زنب في وربنا هيعوض بس اهم حاجه تنزلي متقفليش ع نفسك انا عارف ان ملكيش نفس تنزلي بس انزلي اشتري حاجه اخرجي مع صحبتك قريبي من صحابك بتوع الدراسه عدي يومك
تم النشر الأحد، ٧ يناير ٢٠٢٤
لعرض السؤال في فدني اضغط هنا