يجدعان دلوقتي انا عندي عسر كلامي من صغري وبتهته في الكلام والموضوع كان بيروح وييجي يعني وكان عادي وروحت كشفت كذا مره وقالولي ان انا معنديش حاجه واني كويس انا مش بتهته كتير وانا وانا لوحدي ومش بتهته وانا بقرأ قرآن
وفي تالته اعدادي انا تقريبا مكنتش بعرف اقول كلمتين على بعض فروحت مركز تخاطب قعدت فيه شهر مثلا اتحسنت شويه بس مكملتش عشان كنت ببقى شايف ان انا كبير جدا عشان حرفيا العيال الي معايا بيبقوا صغيرين اوي وانا كبير فمكنتش بحب كدا خالص
المهم عملت تمارين النفس واتحسنت الحمد لله بس لسه برضوا ساعات الكلام بحسه بيقف في زوري ومش عايز يطلع وبتحط في بمواقف وحشه اوي بجد بالذات في الدروس لما الاسيستانت تسألني عن اسمي أو رقمي ولما المستر يسألني بتوتر جامد اوي مع اني يعني عندي ثقه بنفسي كبيره جدا جدا يعني وانا بلعب كوره اصلا وواحده من أهم مميزاته اني هادي وعندي ثقه بنفسي
السلام عليكم ورحمه الله وبركاته. طيب التهته يعني في السن الكبير خلال اول نشوف هي بدأت من امتى يعني هي من وانت صغير بدات تزيد ولا هي بدات مثلا مده معينه قولي كده الاجابه على السؤال ده تاني حاجه قولتها بتكون بسبب انه المخ بيكون في عنده اكثر من فكره او اكثر من اوردر دلوقتي وهو بيبقى محتار يطلع مين فيهم الاول. او بيكون في عندي تردد في الكلمه اللي انا هقولها يعني اقولها ولا ما اقولهاش اقولها ولا ما اقولهاش وهنا انا بكون بفكر في عواقب اللي انا هقوله طبعا الموضوع الاول بيكون بادئ بحاجه هي فعلا ممكن انا اكون متوتر فيها او محتار فيها أقولها ولا ما اقولهاش اتكلم فيها ولا ما اتكلمش عشان بقعد أطابق الاحداث واعمل سيناريوهات وممكن بعد كده الموضوع يوصل لحاجات اصلا مش مستاهله تفكير زي كده انا بتسأل على اسمي يعني يبقى فين المشكله هنا بقى بيكون الموضوع اتطور معايا بقى وصل لايه وانا لما اقول اسم يوم كده وهم بيسمعوني لو انا تهته وهيحصل ايه يتريقوا عليا او هيشوفوا ايه او لما يسمعوني صوتي واطي وهادي هيفتكروا ايه فببدا بردو اعمل سيناريوهات رغم انه هنا الحاجه اللي انا هجاوب عنها حاجه مش محتاجه تفكير ولكن انا اللي بسيناريوهات اللي خلتها يحصل فيها بتردد من المخ او يكون في اكتر من سيناريو فمخي ساعتها يعمل ايرور لانه مش عارف اطلع انهي واحده فجاوب كده على سؤالي عشان نشوف بقى لها مده قد ايه فهنقدر نفكر صح ان شاء الله.
تم النشر الأحد، ٢٦ يوليو ٢٠٢٦
يا صديقي، أول حاجة أحييك على شجاعتك في مشاركة الموضوع ده، وكمان على ثقتك بنفسك اللي واضحة في لعب الكرة وهدوئك. العسر الكلامي أو التهتهة اللي بتيجي في مواقف معينة زي الدروس أو لما حد يسألك فجأة، ده شائع جدًا ومش بيقلل من قدراتك أبدًا، خاصة إنك بتقرأ القرآن بسلاسة وبتتحسن لما تكون لوحدك. ده بيأكد إن المشكلة مش عضوية زي ما قالوا الأطباء، وإنها مرتبطة أكتر بالتوتر في اللحظة. عشان تتعامل معاها عمليًا، ركز على بناء عادات يومية تساعدك تتدرب على الكلام في بيئة آمنة ومتدرجة. مثلاً، ابدأ بتسجيل نفسك وأنت بتتكلم عن مواضيع عادية أو بتقرأ نصوص بصوت عالي، وبعدين اسمع التسجيل ولاحظ التحسن تدريجيًا. كمان، حاول تتدرب على الردود السريعة زي قول اسمك أو رقمك في مواقف يومية بسيطة مع أهلك أو أصحابك، عشان الدماغ يتعود على الرد بدون توتر. واستمر في الصلاة والدعاء بالتيسير، فالقرآن اللي بتقرأه بسلاسة ممكن يكون نقطة قوة تبني عليها ثقتك أكتر. لو الموضوع بيأثر عليك في الدروس، جرب تجهز نفسك مسبقًا بأنك تتوقع الأسئلة دي وترد ببطء وثبات، وتذكر إن التوتر ده مؤقت ومش بيعكس حقيقتك. ابحث على فدني عن أسئلة مشابهة عشان تشوف تجارب ناس تانيين، ولو حسيت إنك محتاج دعم متخصص أكتر، روح لمركز تخاطب متخصص في الكبار مش الأطفال عشان تكمل التحسن اللي بدأته قبل كده. أنت قادر تتغلب على ده خطوة بخطوة، وأنا هنا لو عايز تتكلم أكتر.
تم النشر الجمعة، ٢٤ يوليو ٢٠٢٦
انت بتتوتر بس مش اكتر
تم النشر السبت، ٢٥ يوليو ٢٠٢٦
هوا بيحصل دايما بس مثلا لما بتكلم مع اصحابي ببقي طبيعي بشكل كبير حتي مع ابويا وامي مش بتكلم كويس والدروس بالذات ببقي مش عارف اقول اسمي
تم النشر الجمعة، ٢٤ يوليو ٢٠٢٦
ممكن يكون ف المواقف ال معندكش مرونة ومفردات للرد والتفاعل معاها ، ولا دا بيحصل بشكل مفاجئ
تم النشر الجمعة، ٢٤ يوليو ٢٠٢٦
لا يعم ساعات لازم اقعد اقفل عيني واتحرك عشان الكلام يطلع ساعات بحسه الحلم محبوس جوا كدا ومش راضي يطلع
تم النشر الجمعة، ٢٤ يوليو ٢٠٢٦
مهى دى مش مشكلة كلنا كده
تم النشر الجمعة، ٢٤ يوليو ٢٠٢٦
انا بتكلم كتير اوي مع اصحابي وانا شخص اجتماعي يعني والدنيا كويسه بس بردو مش بغلط كتير اوي بس ساعات كده بحس ان الكلام مش راضي يطلع
تم النشر الجمعة، ٢٤ يوليو ٢٠٢٦
التجمعات يصحبى أرمى نفسك فيها واتكلم واغلط واغلط واتكلم وهتظبط معاك التجارب هيا ال هتعلمك
تم النشر الجمعة، ٢٤ يوليو ٢٠٢٦
لعرض السؤال في فدني اضغط هنا