السلام عليكم
لدي مشكلة اعاني منها منذ الصغر وعمري الان 26 سنة ولم اجد حل وهي اتعرض لمواقف سب او اعتداء ولا استطيع الرد لاخذ حقي او اشفي غليلي من الاشخاص الذين فعلوا ذلك واخر موقف شخص سب لي الدين تعصبت وغضب وكنت اقول لا تسب الدين وانتهي الموضوع ولكني اغلي من الداخل كان يجب ان ارد عليه ليس بالسب طبعا ولكن بضربه او لا اعلم ولكن لا يمر يوم واتذكر هذا الموقف وغيره منذ الصغر ومؤثر بنفسيتي جدا سؤالي هو الدين الاسلامي دين عظيم يأمرنا بالسلام والمسامحة وكظم الغيظ ولكن في بعض المواقف احس اذا فعلت ذلك بان ليس لي كرامة او اني ضعيف الشخصية وانا اعلم لست كذلك ولكن عدم قدرتي علي الرد تشعرني بالضعف واخشي ان يكون امام اهلي او زوجتي واولادي كيف اكون مصدر امان لهم ولا استطيع الدفاع عن نفسي اتمني ان اكون وضحت المشكلة وشكرا
🖼️ صور مرفقة
تم النشر الاثنين، ٢٠ نوفمبر ٢٠٢٣
نصيحتي لك مادام هو آذاك بالكلام فلا يحق لك ان تعتدي عليه بضربه ممكن ترد عليه بالكلام بردو لكن مينفعش تروح تضربه عشان دة هيولد مشاكل اكبر. ممكن ترد عليه زي ما تحب قوله انت مش متربي او اياً كان الي في نفسك ..متضربهوش الا لو هو ضربك الأول ودة اسمه دفاع عن النفس ومحدش هيغلطك ساعتها. وطبعاً الافضل والاحسن انك تتجنب المواقف دي
تم النشر الاثنين، ٢٠ نوفمبر ٢٠٢٣
بص احنا دايما مش عشان حد شتمنا أو سب يبقى نرد الشتيمه أو السب حضرتك ممكن تكون فاكر انك ضعيف لما مش بترد على اللى بيسب أو اللى بيشتم ولكن حضرتك والله بتعمل لنفسك شخصيه هفهم حضرتك لو حضرتك رديت الشتيمه أو السب هيجى حد ويقول دا فلان شتم ب كذا دا قال كذا ف لما متردش وتقول ربنا يسامحك وحسبنا الله ونعم الوكيل والله دا بيكون اسلم رد أنا والله كذالك أعانى من اخواتى ف البيت بيهزقونى ويشتمونى ومبقولش حاجه غير الله يسامحك بس بعد ما بقول كدا ل اختى والله بتندم أنها شتمتنى بقولها ربنا هيحاسبك على كدا والله كدا حضرتك بتعمل لنفسك شخصيه والله واعلم أن من كل من اذاك أو شتمك كولو عند ربنا ف الآخر والله حضرتك بس قول يارب وربنا مبيسيبش حق حد ابدا والله
تم النشر الاثنين، ٢٠ نوفمبر ٢٠٢٣
💔
تم النشر الثلاثاء، ٢١ نوفمبر ٢٠٢٣
ماشي انا متفق معاكي وان الدين كمان بيقولنا انك تسامح وتتغافل لكن موقف عن موقف يفرق مثلا لو معاكي حد من اهلك في الشارع وتعرضتي للموقف دا وسكتي او قلتي ربنا يسامحك الناس هتستضعفك و مش هتحس معاكي بالامان الدنيا عايزة القوي ال ياخد حقه مش يسكت دا نقطة عملالي مشكلة كبيرة في حياتي
تم النشر الاثنين، ٢٠ نوفمبر ٢٠٢٣
لعرض السؤال في فدني اضغط هنا