انا شخص مش اجتماعي ابدا فمكنش عندي اصدقاء من وانا صغير مكنش عندي غير ولاد خالاتي(للمعلومه عندي خالتين يعني ولاد خالاتي مش اخوات ) اتعامل معاهم فكنت بعتبرهم الحياه كلها مكنتش مقرب من ولا شخص في العيله حتي ابويا وامي وكل واحد مننا كان في مدينه فمكناش بنتقابل غير قليل خالص وكانو اتنين والاتنين كانو بيتواصلو اكتر مني وكل واحد ليه مجالو الي بيتعرف بيه علي الناس وانا زي مقلت مكنش في حد اعرفو ابدا
المهم كبرنا وكان بيحصل كل فتره مشكله وتنتهي وخلاص زي اي علاقه صداقه
بس بدات المشاكل بيني وبين كل واحد منهم تزيد وتنتهي اني ببقي مجنون ولازم ياخدوني علي قد عقلي واني شخص حساس والخناقات مش بتخلص غير بتدخل اهلنا
(مع العلم الاوقات الي بيتخانقو فيها معايا ببقي بمر بظروف مش كويسه وبيبقو عارفين ) ابن خالتي الاول راح استقر في البلد الي فيها ابن خالتي التانيه فبقو اقرب بكتير ومن فتره خرجنا سوا شبه تجاهلوني ولا اكني موجود قالو كلام زعلني زي اني مش بعرف استمتع زيهم واني لسه بتكلم في التليفون وهما معايا مع ان محدش فيهم بيكلمني ولا بيدخلني في الحوار واخدو الموبايل وقعدو يقراو الشات بيني وبين شخص عرفتو بالصدفه ومش اصحاب حتي ويضحكو وكنا في مكان عام وزي مقلت انا مش اجتماعي فصعب اكون اي تواصل بيني وبين حد الا نادرا ومش بتستمر
عمري ١٧ سنه
واسف لو طولت. في الموضوع
ممكن تقعدوا مع بعض .. وتتكلموا المرة ديه بصراحه وجد شوية .. كل واحد يقول فيها اللي عندوا واللي مضايق منه .. بعد القعدة ديه لو انتوا الاتنين بقيتوا احسن .. وبقيتوا تتقبلوا بعض، كان بها. بقيتوا ابعد اكتر .. خاصةً انت .. يستحسن وقتها انك تبدأ تخفف معاهم، لو انت متضرر من صداقتهم يعني يبقوا بالنسبالك ولاد خالتك وبس .. وتبدأ تشوف وتعمل صحاب، لان من الواضح انت كنت مكتفي بيهم عن اي حد تاني.
تم النشر الخميس، ٧ سبتمبر ٢٠٢٣
جميلة علاقتكم انتوا التلاته ....وده الطبيعى فى كل العلاقات ان يحصل اختلافات ونتعامل معاها ونكمل سوا المشكلة هنا بس هو اختلافكم فى التعاملات الاجتماعية ...هما واضح انهم بيحاولوا يحفزوك تكون اجتماعى اكتر بعيدا عن انك تستخبى ورا التليفون ....بس كل الموضوع بيستخدموا طريقة غلسه شوية وتضايقك لانك حساس زى ما قولت ..فبتاخد الامور بشكل اعمق . محتاج تشتغل على تكوين صداقات اخرى بعيدا عنهم مع الحفاظ على علاقتك بيهم طبعا ...مع الوقت هتبدأ متزعلش منهم وتحس ان علاقتك بيهم مختلفة عن اى حد وتستمتع بصحبتهم .
تم النشر الجمعة، ٨ سبتمبر ٢٠٢٣
قرب من ربنا قوي شخصيتك اتجرأ كن شجاعا انت ماعملتش حاجة عشان تتحرج أو تخاف خليك دايما مع الحق اتعامل مع الناس زي ما ربنا أمرك وعشان تعرف ربنا أمرك بأيه اشترك في الفيسبوك والمواقع التانية بقنوات دينية ولو عندك كتب اقرأ في الدين واتعلم عن دينك مش تتعامل معاه زي كأنه ورث دينك الاسلامي مش ورث لا ترثه بل تعلمه واتعرف علي صحبة صالحة وقوي علاقتك مع أهلك والدك ووالدتك
تم النشر الجمعة، ٨ سبتمبر ٢٠٢٣
ان شاء الله متشكر لنصيحه حضرتك
تم النشر الأحد، ١٠ سبتمبر ٢٠٢٣
اعتزل ما يؤذيك محتاج بس تزود ثقتك بنفسك
تم النشر الاثنين، ١١ سبتمبر ٢٠٢٣
انا زمان كنت انطوائيه جدا و مكنش عندي اي صحاب بقيت ادوس علي نفسي و اتكلم و ف المناسبات ارقص و هكذا لحد ما بقيت اجتماعيه زياده عن اللزوم 😂
تم النشر السبت، ٩ سبتمبر ٢٠٢٣
اللهم امين جزاك اللهم مثله
تم النشر الجمعة، ٨ سبتمبر ٢٠٢٣
جزاك الله خير
تم النشر الجمعة، ٨ سبتمبر ٢٠٢٣
وممكن في المدرسه او الدروس هتاخدي علي الي حوليكي لو ادتيهم فرصه واديتي لنفسك فرصه تتعرفي علي الناس من غير متثقي بسرعه
تم النشر الجمعة، ٨ سبتمبر ٢٠٢٣
الشئ الوحيد الي مريت بيه واحب انصحك بيه ان بلاش اصدقاء سوشيال وبلاش جروبات حتي لو بنات لان الموضوع مش احسن حاجه بجد
تم النشر الجمعة، ٨ سبتمبر ٢٠٢٣
أنا كمان عندي شبه المشكلة دي انا ماعنديش أصدقاء مقربين وأنا عندي ١٤ سنة دلوقت ومش أزهرية قولولي حلول
تم النشر الجمعة، ٨ سبتمبر ٢٠٢٣
وان شاء الله اعمل بنصيحه حضرتك
تم النشر الجمعة، ٨ سبتمبر ٢٠٢٣
متشكر للنصيحه وانا متهم بالقراه في ديني وانا طالب ازهري فمش واخد الدين ارث الحمد لله
تم النشر الجمعة، ٨ سبتمبر ٢٠٢٣
لعرض السؤال في فدني اضغط هنا