انا بنت عندها 19 سنه ف جامعه هندسه تكنولوجيا ف محافظه تانيه بتبعد عن محافظتنا حوالى 3-4 ساعات انا بحب شخص من حوالى 6 سنين هو معايا من نفس البلد وكمان هو ابن خالتى بس من بعيد شويه هو انسان محترم جدا وقريب من ربنا وومش بيصلى غير ف المسجد وبالعكس دا خلانى انى اوصل لمرحله عمرى ما اندم عليها
انا كنت بلبس بناطيل من الاعداديه بالتدريج لبست خمار وحاليا من فتره قليله انتقبت هو مش قالي الشيء دا بنفسه بالعكس من حبى للشخص دا كنت بحافظ على نفسي واقول ان محدش يستاهل انو يشوفنى غير الشخص اللى هيبقى حلالى وهو كان الشخص اللى بدعى ربنا بيه كنت بدعي واقول يا رب اجعل الشخص دا زوج صالح مصلح ليا هين لين لا اشقى معه ف الدنيا
الفرق الوحيد بنا ان الفرق بنا سنه واحده وهو بردو ف جامعته بس مش مهتم بيها الاهميه الكامله بيحب يشتغل شغل خارجى وداخل الجامعه دى اصلا عشانى وهيا تكنولوجيا المعلومات طبعا انا حاليا ف السنه التانيه وهو ف السنه التالته هو بيحبنى جدا مع العلم ان اهلنا عارفين ومكلم والده عليا وانه يجي ويتقدملى وبابا عارف انى مستنياااه بس ميعرفش انى بكلمه واهلى واقفين جمبى لأنه محترم واما قلتله انى عاوزه قرايه فاتحه بس قالي والله قربت اوى واوى كمان ونا مش ناسيكى وهتبقى خطوبه كمان مع العلم انى حاولت ابعد كتير.
وآخر مره قلتله بيت اهلى مفتوح منين متحب تتقدملى انا موجوده وهو وافق ومعترضش وقالي اى حاجه تقوليها انا راضى بيها بس انا اللى مستحملتش البعد وكلمته ودا سبب تأنيبى لنفسى هو مسك اديا مقدرتش اشيلها مش عارفه اعمل اى ومش عارفة اقوله اى بس انا مش عاوزه كدا ونا عارفه ان دا حرام ودا غلط مش عارفه اقوله مع العلم ان مش هبعد ومش هعمل حاجه تخلينى اخسره بس عاوزه اجيب الكلام بطريقه هو يفهمها او مش عارفه بالرغم انى لو قلتله اى حاجة هيوافق ومستعد يرضينى بأى شيء
انا مفهمتش من كلامك بتكلميه من امتى بس ما علينا يا حبيبتي لازم توقفي كلام معاه. وطالما اهلك وأهله متكلمين عليكم فمش مستاهلة تأخدي ذنوب وكده كده ان شاء الله هو هيجي يتقدم. وصدقيني انتي هتعلي في نظره لو عملتي كده قوليله انكم مينفعش تتكلموا غير وبينكم رابط شرعي وقوليله انا آسفه هعملك بلوك وان شاء الله ربنا يعملنا اللي فيه الخير. اللي هتعمليه ممكن يكون صعب عليكم بس ده الصح ومن أراد الشئ قبل أوانه عوقب بحرمانه انتوا كده كده هتتجوزا ان شاء الله لو بينكم نصيب فليه بقا تخليه يمسك ايدك و تعصي ربنا بسببه. والله الحلال أجمل بكتير واللي بيحفظ نفسه للحلال ده بطل في زمنا ده. انتي منتقبه ما شاء الله عليكي ربنا يثبتك يعني فيكي خير وربنا يجمعكم بالحلال يارب ❤️
تم النشر الاثنين، ٩ مارس ٢٠٢٦
بصي الفرق كبير بين اللي بتمنع نفسها عشان خايفة من الناس، واللي بتمنع نفسها عشان شايفة إنها غالية ومستنية الحلال اللي يرضي ربنا. فخلك واثقة إن حدودك هي اللي بتزيدك هيبة وغلاوة في نظره. ومفيش حد فينا ملاك، كلنا بنضعف، بس الشطارة إننا منخليش لحظة ضعف تسرق بركة العمر كله. لمسة الإيد أو الكلمة اللي برا حدود الشرع ممكن تكون ممتعة ثواني، بس بتسيب غصة في القلب سنين. و الراجل اللي بيحب بجد، لما يشوف البنت اللي معاه خايفة على دينها وعايزة ترضي ربها، بيمسك فيها أكتر وبيحترمها الضعف. لو هو بيحبك فعلاً، هيكون أول واحد يساعدك إنك متقعيش في الغلط. و مفيش حاجة اسمها مش قادرة أشيل إيدي أو مش عارفة أقوله إيه. الكلمة واضحة وصريحة أنا غالية عندك؟ يبقى ساعدني نرضي ربنا عشان يجمعنا في خير. اللي بيحبك بجد هيصونك من نفسه قبل أي حد تاني. و ما تخليش الشيطان يضحك عليكي ويقولك ده ذنب بسيط، لأن الذنب الصغير بيجر كبير، والوجع اللي حاسة بيه دلوقتي هو إنذار من ربنا إنه بيحبك وعايزك تفضلي نقية. وركزي في الموضوع ،هتلاقيه بايد ربنا اللي هترضيه أو هتغضبه اختاري بينهم بعتذر عن الإطالة 😊 وجد ربنا يحفظك ويسعدك
تم النشر الاثنين، ٩ مارس ٢٠٢٦
السلام عليكم ورحمة الله وبركاته قال صلي الله عليه وسلم لئن يطعن احدكم بمخاط من حديد في رأسه خير له من ان يمس امرأه لا تحل له اذكرك واذكر نفسي انه عمل سيء فاستغفري الله وتوبي من هذا الذنب الذي يكون في المشكله لا يري كل شيء وانا ربما اكون أكثر من يشعر بك فلقد مررت بقصه تشبهك تقريبا ونصيحتي لك كوني صريحه بسيطه في ردك ما نفعله حرام يجب قطع الاتصال بيننا حتى يأذن الله فان ماطل يا اختي فإنما هو ذنب فلا تماطل انتي وان قطع فلنعم الاختيار هو. رجلك لن يمنعك عن سؤال ربك وما يغني عنك من عذابه شيئا استقيمي يرحمك الله فوالله يا أختي اقولها لك من كل قلبي لا تعطيه اي صلاحيه لا يستحقها فتندمي
تم النشر الاثنين، ٩ مارس ٢٠٢٦
أختي العزيزة، أشعر بكِ تمامًا، الصراع ده صعب جدًا خاصة لما القلب متعلق والضمير بيؤنب. أنتِ بنت طيبة وقريبة من ربنا، وده واضح من تغييركِ الإيجابي ودعائكِ الصادق. بس خلينا نركز على الحلال واللي يريح بالكِ ويحميكِ. الخطوة الأولى: أوقفي التواصل غير الشرعي دلوقتي. م سك الإيد والكلام الخاص ده حرام، وأنتِ عارفة كده، وهو هيفهم لو قلتِله بكلام واضح ولطيف: "أنا مش عايزة نستمر كده عشان ربنا، خلينا نستنى التقدم الرسمي عشان نريح ضمائرنا." هو قال هيوافق على أي حاجة، فهيقتنع ويحترمكِ أكتر. لو مش هيتقدم قريب (خلال أسابيع مش شهور)، ابتعدي تمامًا عشان تحمي نفسكِ ودينكِ. الخطوة التانية: ركزي على دراستكِ ونفسكِ. أنتِ في هندسة تكنولوجيا، فرص كتير قدامكِ! البعد ده اختبار من ربنا، استخدميه عشان تتقدمي وتصيري أقوى. ادعي زي ما كنتِ بتعملي: "يا رب اجعل اللي فيه الخير لي، وإن مش هو، أبدلني خيرًا له ولهوى." الصبر مفتاح الفرج، وأنتِ 19 سنة بس، الطريق طويل. الخطوة التالتة: لو محتاجة دعم أكتر، روحي للخبراء في فدني. دوري على https://www.fedni.net/experts، فيه استشاريين دينيين ومدربين حياة هيساعدوكِ بشكل شخصي. كمان ابحثي عن أسئلة مشابهة في فدني، هتلاقي إجابات كتيرة من بنات زيكِ. أنتِ قوية وهتعدي، ربنا معاكِ.💕. الله ييسر أمركِ ويختارلكِ الأفضل.
تم النشر الاثنين، ٩ مارس ٢٠٢٦
لعرض السؤال في فدني اضغط هنا