انا هحكي حاجه و عايزه اعرف بس هل ده طبيعي ولا لا
انا بسرح كتير شويه يعني بقعد اتخيل و بفصل عن الي حوليا مش فاكره الموضوع من امتا بس هو قديم يعني و عامةً انا بحب الموضوع فلما مثلا يعدي عليا يوم وحش بفضل صاحيه بدل ما انام و اقعد اتخيل يومي من اول و جديد و اعملو انا على مزاجي بس انا من يومين مثلا حكيت لصاحبتي و كنت بتكلم عادي لقيتها قالتلي اني مريضه و اتريقت و ضحكت عليا انا ضحكت و قولتلها اني بهزر و فعلا انا مأفوره فالكلام بس انا فعلا شايفه انو طبيعي مش فاهمه فين الغلط او ممكن الغلط الوحيد الي اكون شايفاه اني حكتلها
الأحلام بتنفصل بين اتنين (احلام اليقظة و احلام النوم عادي) اللي بيحصل معاكي ده طبيعي جداً مفيهوش حاجة تدعو للقلق كلنا كده أصلاً ساعات الواحد بيبقى لازم يهرب من الواقع لكن خلي بالك من حاجة مهمة هو إنك لازم متتعلقيش بالخيال ده كتير، مش مشكلة لو تسرحي مع احلام اليقظة من وقت للتاني بحيث إنك ترفهي عن نفسك أو حتى تضيعي وقت او تنتظري شئ ما، لكن متخليش الموضوع يزيد عن حده يعني خلي في بالك دائماً إن ده مش حقيقي أو ممكن حتى ميحصلش و متسيبيهوش يأثر في نفسيتك و يدخل ذكريات في بعضها. و بالنسبة لصحبتك اللي ضحكت عليكي ده تصرف لا يجوز منها و واضح من طريقة كلامك إن موقفها ده زعلك فيفضل لو تعرفيها تخلي بالها بعد كده من كلامها علشان هي لو مكانك مش هتحب أنك تضحكي عليها لو هي بتفضفض معاكي على حاجة. و معلومة احلام اليقظة ديه بتكون عبارة عن جزء مننا نفسه لو كان حصل حاجة معينة مش هتحصل أو لو كان ممكن تحصل لو أنتي عملت حاجة مختلفة في اليوم، خلي بالك إن ديه مش تتحكي لأي حد علشان مش كل حد هيصون خاطرك و سرك... أتمنى يكون في إفادة.
تم النشر السبت، ١٩ سبتمبر ٢٠٢٦
نعم، التخيل والسرحان ده أمر طبيعي جدًا عند كتير من الناس، خاصة لو كان بيساعدك تتعاملي مع يوم صعب أو تعيدي صياغة الأحداث بطريقة أحسن. كتير من النساء بيستخدمن الخيال كوسيلة للراحة النفسية أو الإبداع، وده مش عيب في حد ذاته. المهم إنك تسألي نفسك: هل التخيل ده بيأثر على نومك أو تركيزك في اليوم العادي، ولا هو مجرد لحظات خاصة بتستمتعي بيها؟ اللي حصل مع صاحبتك طبيعي إنك تكوني متضايقة منه، لأن مش كل الناس بتفهم إن التخيل ده ممكن يكون طريقة شخصية للتهدئة. قولتلها وهي ضحكت عليكِ مش غلط منك، بس ربما الموضوع يحتاج اختيار أشخاص أكثر تفهمًا لو حابة تشاركي تاني. أنتِ مش مريضة، وده مش شيء يستدعي القلق إلا لو بدأ يسيطر على حياتك اليومية بشكل كبير. لو عايزة توازني بين التخيل والواقع، جربي تحولي الخيال ده لشيء مفيد زي كتابة قصص قصيرة أو رسم أو حتى التفكير في أهداف حقيقية تقدري تحققيها. كده هتستفيدي من قوتك الخيالية بدون ما تفقدي الاتصال بالحاضر. لو حابة تتكلمي أكتر عن الموضوع أو تشاركي تفاصيل إضافية، أنا هنا أسمعك وأدعمك.
تم النشر الجمعة، ١٨ سبتمبر ٢٠٢٦
٦)«لا تشكُ للناس جرحاً أنت صاحبه.. لا يؤلم الجرح إلا من به ألم»«شكواك للناس يا ابن الناس منقصة.. وما من الناس صاحٍ ما به سقم»
تم النشر الاثنين، ٢١ سبتمبر ٢٠٢٦
للآسف دي بقت مشكلة جيل وأنا بعاني بشكل ما من الموضوع ده ولكن اللي قلل معايا الموضوع ده كذا حاجة: ١)الإستعانة بالله والمحافظة على الصلوات. ٢)حفظ القرآن لأنه بيقوي وبيربط الخلايا العصبية ببعض. ٣)ابعدي عن فيديوهات القصيرة (الشورتس) لأنه بتعودك على عدم تحمل اي حاجة أكتر من دقيقتين لدرجة أنك ممكن تسرحي في فيديو ٣ دقايق. ٤)تعاملي مع الفيديو أو المحاضرة المباشرة زي الناس زمان كأنك آخر مرة هتسمعيه فهيبقى فيه اهتمام.
تم النشر الاثنين، ٢١ سبتمبر ٢٠٢٦
دا انا بقعد اكلم ناس في خيالي وارد عليهم ويردو عليا بيا انا وبحس اني بعيش حياة خيالية من صنع خيالي وبضحك وبهزر وبعيش مستقبل وماضي وحاضر بس بصراحة بيخليكي تستغني عن وجود الناس هو بالنسبالي حلو ووحش الاستغناء كويس بس لازم نندمج بالواقع وبالناس علشان نقدر نتعايش مع الواقع لان الخيال عكس الواقع تمامااا فمتقلقيش فيه معدي مرحلتك بكتير بس بحاول اندمج مع الناس ومخليش الخيال يفصلني عن الواقع عموما
تم النشر السبت، ١٩ سبتمبر ٢٠٢٦
انا نفسي اخلع منهم ساعة نفسي أغفل ساعة بنطفح سيناريوهات وهميه والله 😂
تم النشر الاثنين، ٢١ سبتمبر ٢٠٢٦
٥)قللي من أحلام اليقظة وهي أنك تفكري في شيء وتعيشي فيه مثلا يا سلام لو أخوك محمد فتح الباب و بعد كده جاب كب كيك وبعد كده راح طالع بهدوء من غير ولا كلمه وراح جيه بعد نص ساعة أخد الطبق من غير ولا كلمة ومن ثم غسل الطبق والشوكة وراح ينام....... فده من أسباب السرحان.
تم النشر الاثنين، ٢١ سبتمبر ٢٠٢٦
الخيال مشكلة لو منعك من أنك تعيشي الواقع، ومشكلة لو الخيال غصب عنك مش أنت اللي بتقرري تتخيلي
تم النشر السبت، ١٩ سبتمبر ٢٠٢٦
هو مش مرض، بس خيال؟ وإيه الفايدة مثلًا من الخيالات.... خليكِ واقعية وعادي يا كلنا بنتخيل بس بحدود عشان في ناس بتعيش في الخيال
تم النشر السبت، ١٩ سبتمبر ٢٠٢٦
@فَاطِمٌ الشَّافِعِيُّ. اعرف اعرف 😂 ولكن حقيقي اتعودت لان بقيت اخرج اللي جوايا مع نفسي وبحل مشاكلي مع نفسي وحياتي مع نفسي وبشحن طاقتي مع نفسي بطلع اواجه الحياة بطاقة جديدة بشخصية مركزة مع نفسها ملهاش دعوة بحد ولا رابطة نفسها بحد مع نفسي كله مع نفسي بس عالفكرة انا اجتماعية سطحية 😂 وبهزر وبتكلم مع الناس عادي لو شوفتهم لكن في البيت ولما ببقي لوحدي ببقي مع نفسي
تم النشر الأحد، ٢٠ سبتمبر ٢٠٢٦
@Engineer (" _" ) بس دي مرحلة خطيرة 😂😂😂😂❤️
تم النشر الأحد، ٢٠ سبتمبر ٢٠٢٦
لعرض السؤال في فدني اضغط هنا