هل هذا التشخيص النفسي لحالتي صحيح؟

Question

السلام عليكم لدي شك في تشخيص نفسي وأرغب بعرض الأعراض على مختص للتأكد من التشخيص أنا بنوتة عندي ٢٠ سنة عندي بعض المشاكل أو الأعراض لما قرأت وسمعت ڤيديوز كتير وكتبت له شات جي بي تي كل حياتي بالتفصيل وكل اللي بيحصل معايا وصلني لتشخيص معين شيفاه أنسب تشخيص فعلا وأكتر حاجه دخلت دماغي واقتنعت بيها بس محتاجه اعرض المشكلة علي مختص يأكدلي صحة التشخيص دا التشخيص دا هو ADHD نمط غير حركي الموضوع بدأ معايا من إحساسي اني مختلفة عن صحابي كلهم في طريقة المذاكرة والاستيعاب والذاكرة ، انا طول عمري متفوقة الحمدلله ودا بفضل ربنا طبعاا بس أنا ببذل مجهود لو الناس كلها تبذله في المذاكرة كانوا طلعوا الاوائل ع الجمهورية حرفيا بس أنا ببذل المجهود داعلشان اوصل للعادي بتاع الناس أو يمكن أحسن من العادي بشوية يعني ، أنا شخص مثلا التركيز عندي صعب مبقدرش اركز في شرح المدرس في الحصة أو الدكتور في المحاضرة بحاول أجبر نفسي تلت ثواني بالظبط وبسرح تاني عندي ضعف في المعالجة التتابعية يعني مثلا الدكتور بيشرح انا دماغي بتعمل ايرور مش قادرة استوعب الكلام ورا بعضه كدا محتاجه الجملة تبقي قدامي واربط الكلام ببعضه علشان افهم ولو أن الكلام سهل جداا وم محتاج اي حاجه اصلا ودا سواء انا بسمع أو انا اللي بقرأ لازم جملة بجملة اقعد اربط كل كلمة بالتانية واتخيل الفكرة اشياء حسية قدامي كدا علشان المعلومة تدخل دماغي ، عندي ضعف شديد في الذاكرة قصيرة المدي لكن طويلة المدي ماشاء الله قوية جدا يعني أنا وانا بذاكر ، الحاجه اللي ذاكرتها انهاردة ملهاش أثر في دماغي لو روحت الامتحان بمذاكرة نفس اليوم مش هكتب كلمة واحدة حتي لكن لما بنام واصحي تاني يوم او بعدها بيومين بلاقي المعلومة سلسة جداا في دماغي وبتثبت وقت كبير اكتر من الناس الطبيعية بكتير عندي تشتت غير عادي زي م قلت يعني مبركزش تلت ثواني ع بعض لازم اسرح ف حاجه او أتوه في اللاشئ كدا وفي نفس الوقت لازم وانا بذاكر اتحرك ممكن افضل اربع خمس ساعات واقفة علي رجليه رايح جاي رايح جاي لاني م بستوعب وانا قاعدة وبتشتت جدااا جدااا وانا قاعدة ولازم يكون في حركة حواليا وانا بذاكر والا هتشتت يمكن الحركة الخفيفة حواليا أو الوسط اللي حواليا ميكونش هادي لأن دي حاجه بتتعبني نفسيا جداا وبحس بتوتر اووي لازم ونس حواليا ويمكن دا بيساعدني اكتر علي المذاكرة ، ممكن احط حاجه في مكان معين ومش فكرة بنسي انا حطيتها فين انا اصلا مببقاش عارفة اني شيلتها من مكانها بحس اني بعمل حاجه ببقي مغيبة مثلاا بتفاجئ أصلاا بالمكان اللي حطيتها فيه بعد فترة كبيرة وكله بيدور عليها وبعمل حاجات كتير وانا تايهة اصلا معنديش فكرة اني عملتها أو عن المكان اللي حطيت الحاجه فيه ، استحالة ابدأ في حاجه وأكلها للآخر عايزة اعمل مليون حاجه في نفس الوقت دماغى مهيبرة خااالص بحس عندي فرط حركة بس جوا دماغي ، لما بحاول أجبر نفسي اني اركز بحس بإرهاق عقلي وبدني رهيب وكذلك أثناء المذاكرة يمكن بقعد طول النهار اذاكر في صفحتين وبعدهم الاقي دماغي منهكة حرفياا ، شات جي بي تي قالي انها حاجه اسمها نمط تحليلي تفسيري حسي ترابطي .. يعني أنا مبعرفش اقرأ أي كتاب قراءة تتابعية كدا لازم كل جملة اسكت واقعد أربط في الكلام ببعضه واتخيل الحاجه قدامي لو معملتش كدا مش هستوعب ولا كلمة ولازم افهم الكلام كله والا مش هيثبت لو عملت اللي ميتعملش.. غير اني بفكر طول الليل والنهار دماغي شغالة مبتقفش ، دا طبعاا في الدراسة بالذات بيأثر ع نفسيتي فوق الوصف كنت بحس دايماا اني غبية علشان يطلع من الحصة مستوعبتش حاجه لازم انا اللي اقعد افهم نفسي مبعتمدش علي مدرس أبداا ، ممكن اقعد اسمع في الحلقة تلت ايام وهي ساعة واحدة بس أصلاا بس أنا كل دقيقة بوقف واعيد من الاول واقعد أحلل وافهم واحاول استوعب واعيد الجزئية يمكن عشر مرات علشان اربطها ببعضها واستوعبها بس الفكرة اني مش غبية انا طول عمري بأصنف اني ذكية بس أنا استيعابي استيعاب أغبيا فعلاااا ، جيت في الثانوية التشتت والضغط عليا من المدرسين والدروس دمرتني نفسيات ومقدرتش عليها ومجهودي اللي ببذله مقدرش ع الضغط النفسي دا كله ،كمية حاجه محتاجه تتحل وتتحفظ ، تعدد مدرسين،دماغي محتاجه مني اني احفظ للدرس قبل معاده بيومين علشان الحفظ يثبت كويس جدااا والا م هروح الدرس علشان انا مقبلش ع نفسي اروح ومسمعش كويس وانا أزهرية ف الحفظ عندنا كتير ودا طبعا غير متاح اطلاقا ، وقتي ميسمحش اقعد اذاكر للمادة قبلها بيومين واسيب مادة بكرة مع بطأ رهيب في المذاكرة الحاجه اللي بتاعنا ف ساعة بعملها حرفيا ف يوم كامل ف تحصيلي قليل جدااا ، اتدمرت نفسيا وعصبيا وكل حاجه وقعدت من الدروس ،دخلت الامتحانات وسيبت مادتين مدخلتهمش حاسة دماغي جزاها حروب حرفيااا من كتر اللي فيها واللغبطة اللي جواها ومن قادرة ع كم المعلومات دي ، منهج سنة كاملة مقدرتش عليه علي بعضه ،اجلت السنة واخدت الثانوية علي سنتين وحياتي كلها بايظة عموما بسبب الدراسة وفي الآخر الحمدلله بس مدخلتش الكلية اللي كنت أتمناها ،دخلت الكلية اللي ربنا اختارهالي وراضية جداا وكويسة الحمدلله بس حتي في الكلية انا تعبانة جداااا والله بذاكر ٢٤ ساعة حرفيا علشان احصل زي الناس الطبيعية وكليتي اصلا نظرية وعايزة حفظ كتير ف نفسي الاقي تشخيص وساعتها انا هطمن مش عايزة غير أن حد يقولي عندك مشكلة كذا وحتي لو ملهاش حل بس اكون عرفت أن انا طبيعتي كدا ،ان ربنا خلقني مختلفة وليا دماغ مختلفة ساعتها ههدي وهقول الحمدلله وهستحمل وكله بأجره عند ربنا لكن انا م قادرة اتقبل فكرة اني كدا طبيعية محدش بيعاني كدا في الدراسة بجد مستحيل يكون دا العادي

Accepted Answer

السلام عليكم ورحمه الله وبركاته مساله الاي دي اتش دي خارج تخصصي ولكن خليني اقول لك على حاجه انا لمحتها جوه كل كلامك وهي النمط التعلمي الخاص بك في حاجه اسمها نمط التعلم كل حد فينا لطريقه افضل في تلقي المعلومات دي حاجه المفروض المعلمين بيراعوها وهما داخل الفصل الدراسي علشان يبقوا وهما بيشرحوا بيوفروا كل الطرق تقريبا اللي تناسب مختلف الانماط فبيبقى أفضل انه المدرس يعرض المعلومه بشرح على السبوره وهو بيكتب وفي نفس الوقت جه الفيديو له علاقه بالموضوع وفي نفس الوقت يكون في صوره بتربط الامور ببعض يكون في جمل يكون في ارقام لان كل واحد ليه نمط تعلمي مختلف فانا اللي انا شفته انك ليكي نمط تعلمي هنا بعيد خالص عن الصور انت النمط التعلمي بتاعك ان هو نمط حسي انت بتحتاجي تشوفي الجمل قدامك وتقرايها وتكمليها بالشكل التخيلي فده مفيهوش مشكله خالص ممكن تكوني بتحبي تشوفي صور لكن ما تحبيش تشوفي حد واقف بيشرح لما يكون في حد بيشرح ده بيشتتك ليه لانك سرعه الكلام ما بتسمحلكيش بالطريقه الحسيه فاحنا خلينا نحترم نمط التعلمي بتاعنا ونبدأ نختار الطريقه اللي بتعلمنا احسن زي ما انت قلتيها كده في النص انا مش بحتاج لمدرس انا بعرف اقعد مع نفسي كده وامارس طريقه التعلم دي طيب بس ده هياخذ منه وقت كتير ما احنا لو ركزنا عليه هنقدر نلاقي الوسائل اللي بتساعدنا في انه الموضوع يبقى اصحى زي ايه مثلا يعني انا لو شغلت ااا فيديو ما يكونش فيه الشخص بيتكلم بس يكون في الكلام بيظهر على الشاشه فأنا هنا هقدر ان انا اتابع الجمل وهي مكتوبه الجمل اللي بتتقال تمام الفيديوهات مثلا زي اللي بتبقى على اليوتيوب انا اقدر ان انا اتحكم فيها ان انا اخليها أبطأ يعني حتى لو الشخص بيتكلم بسرعه انا هقدر اخلي الكلام بيظهر بشكل بطيء فالجمل هتظهر هتديني وقت ومساحه ان انا اعمل ايه ان انا اقدر اقراها فهنا استيعابي هيكون اسرع فمش هقعد في الفيديو ثلاث ايام ليه لاني هاستخدم نفس الفيديو لكن بالطريقه اللي تناسبني واللي تناسب طريقه التعلم بتاعتي دايما حطي قدامك صور بدل ما تاخذي وقت في انك تقعدي تتخيلي الصوره اللي هتربط لك الجمل ببعضها هاتي انت الصوره اللي بتربط لك الجمل ببعضها عندنا هنا دلوقتي حاجه جميله جدا اصطناعي انا ممكن ادي الذكاء الاصطناعي مثلا الفيديو واقول له خرج لي المعلومات بتاعه الفيديو دي بشكل جمل مكتوبه منفصله وصور بتدل عليها هنا هبقى ساعدت نفسي ان انا لخصت الموضوع بشكل النمط التعلمي بتاعي ممكن بقى ابقى في السريع كده في وقت منفصل اشغل الفيديو او الصوت بس بتاع الفيديو اسمع شرح المدرس علشان هو كده كده بيتخزن في عقلك لكن في الوقت ده ما تسمعيهوش وانت بتحاولي انك تجمعي المعلومه لا سيبيها هي كده كده هتتخزن من غير ما تحسي زي ما انت تكلمتي على الذاكره بتاعتك اللي هي ذاكره طويله المدى هو مخك هيحفظ الكلام اللي هو سامعه دلوقتي حتى لو انت مش مركزه فيه وهيسترجعيه لك ثاني وانت قاعده تسترجعي المعلومه فجربي كده يعني اتمنى ان انا اكون النقطه اللي انا شفتها دي ممكن تخلي الموضوع بعيدا عن الاي دي اتش دي وان شاء الله حد من المتقين اللي هو يعني يكون ده مجاله يقدر يحدد لك فعلا ان انت قلتيه ده اي دي اتش دي نمط غير حركي ولا لا؟

Answer

شات جي بي تي ده مجرد ذكاء توليدي بيجيبلك الكلام اللي انت عايزة تسمعيه بمعني انك لو جادلتيه وحاولتي تقنعيه انك عندك hypomania مثلا هتلاقيه في ثواني غير رأيه وقالك انك فعلا عندك المرض ده وانها مطلعتش adhd وانت اللي صح الافضل تروحي لطبيب نفسي مختص يقيمك

Answer

وعليكم السلام ورحمة الله يا عزيزتي، شكراً لصداقتك لي وثقتك في مشاركة قصتك بهذه التفاصيل القيمة. قرأت بعناية كل ما كتبتيه وأشعر بعمق المعاناة والإرهاق الذهني الذي تمرين به. كلامك واضح ومؤثر، وأُقدّر صدقك وشجاعة طرحك. أولاً أريد أقول لكِ شيئاً مهماً جداً: أنتِ لستِ غبية أبداً، بالعكس، أنتِ ذكية جداً، ولكنك تواجهين طريقة تفكير وتعامل مع المعلومات تحددها طريقة مختلفة لدماغك، وهذا أمر طبيعي وموجود عند كثير من الناس. نقاط مهمة من تجربتك: الصعوبة في التركيز لفترات متصلة. الشعور بالتشتت والحاجة للحركة أثناء المذاكرة. ضعف في الذاكرة قصيرة الأمد مقابل ذاكرة طويلة الأمد قوية. الحاجة إلى ربط الجمل بصور أو مشاهد حسيّة لفهم المعلومات. ضغط نفسي عالٍ بسبب الدراسة والتوقعات. تشخيص محتمل بـ ADHD النمط غير الحركي (وهو اضطراب نقص الانتباه). نصيحتي لكِ: زيارة مختص نفسي : أفضل خطوة الآن هي مراجعة طبيب نفسي أو اختصاصي نفسي (طبيب أو معالج نفسي مختص) ليقوم بإجراء تقييم شامل لحالتك، بناءً على أعراضك وتاريخك. التشخيص الذاتي من الإنترنت أو حتى من الذكاء الاصطناعي مثل ChatGPT قد يعطيك تصور لكن التشخيص النهائي يحتاج مقابلة وتقييم متخصص. التعامل مع ADHD النمط غير الحركي : هذا النوع من الاضطراب لا يعني ضعف عقل أو غباء، بل يعبر عن صعوبة بتنظيم الانتباه والتركيز. كثير من الناس الناجحين لديهم هذا النمط، ولكن يحتاجون استراتيجيات خاصة للدراسة وللحياة اليومية. استراتيجيات عملية مثل التي ذكرتيها: الحركة الخفيفة أثناء المذاكرة، تجزئة المواد وتعلمها بمشاهد بصرية، ترتيب الأولويات، وتحديد أوقات للراحة مهمة جداً. ربما يمكنك الاستفادة من استشارة خبراء التعلم أو مدرّبة حياة متخصصة تساعدك على تنظيم وقتك بطريقة تناسب نمط تفكيرك. اللجوء إلى الله بالدعاء والاستعانة به يخفف الحمل ويعينك على الصبر والاجتهاد. ابتعدي عن إحساسك بأنك "مختلفة بطريقة سلبية"، بل فكّري فيها كميزة، ربنا خلق كل إنسان مميز بصفاته. في تطبيق فدني، يمكنك استكشاف قسم الخبراء والتوجه مباشرة لمختصين نفسيين ومدربين حياة لمساعدتك بطريقة أكثر تخصصاً ودقة. هل تودين أن أساعدك في إيجاد أحد المختصين هنا في فدني لكي تتواصلي معه؟ أو هل لديكِ أسئلة إضافية تحبين أجاوب عليها؟ أنا هنا معك دائماً. وحافظي على قلبك طيب، وربنا ييسر لكِ كل خير ويرزقك الراحة والسعادة.🌸 ذكية

هل هذا التشخيص النفسي لحالتي صحيح؟

نفسية

سؤال من احد أعضاء فدني

تم النشر الأحد، ٢٠ يوليو ٢٠٢٥

3 إجابة

5 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك