محمود عادل

فكري في الشخص ال مات ده هل لو شافك دلوقتي حالك هيرضيه؟ خصوصا لو كان بسببه؟ وفكري في مستقبلك وفكري في انك لو اكتسبتي العلم ده تقدري تعلميه لغيرك كصدقة جارية علي روحه ومفيش مانع تاخدي بريك بسيط تريحي نفسك فيه او تكلمي شخص يهون عليكي والبقاء لله وربنا يرحمه ويرحم مواتانا وموتي المسلمين

طنش كلام قرايبك، هما غالبا بيقولوا كدا يا اما بسبب الندم والإحباط ال هما فيه او بيقولولك بنية وحشة بس عموما متحكمش على تجربتك بناء علي تجاربهم لانك قدراتك وعقليتك وشخصيتك وظروفك مختلفة عنهم انا مريت بنفس الحاجة تقريبا وبرده كنت مراكم ودلوقت في سنة تانية كلية الهندسة جامعة القاهرة ومرتب على دفعتي لو المدرسين القريبين منك شرحهم مش كويس تقدر ببساطة تاخد عند مدرسين اونلاين بس يفضل تشوف الحصص على تابلت او لابتوب ميكنش عليهم العاب او اي حاجة تشتتك ان كنت زيك برده براكم كتير كل سنة وبتعدي بستر ربنا وراكمت. اول شهر في ثانوية عامة برده بس لحقت نفسي انت كمان الحق نفسك بما انك لسه في البداية وربنا يعينك

لو لسه في العشرينات او اقل فطبيعي جدا تتخبطي هنا وهناك وتجربي وتفشلي لحد ما تعرفي قدراتك وايه تراكك اللي هتقدري تأدي فيه..... طبعا هيبقا احسن واجمل لو محدداه من بدري بس انا بتكلم عن الطبيعي في اغلب البشر وهو التوهان في السن ده

شات جي بي تي ده مجرد ذكاء توليدي بيجيبلك الكلام اللي انت عايزة تسمعيه بمعني انك لو جادلتيه وحاولتي تقنعيه انك عندك hypomania مثلا هتلاقيه في ثواني غير رأيه وقالك انك فعلا عندك المرض ده وانها مطلعتش adhd وانت اللي صح الافضل تروحي لطبيب نفسي مختص يقيمك

ونصيحة كمان وهي انك لازم ترفه عن نفسك كل فترة زي انك كل 4 او 5 ايام او كل نهاية اسبوع تخرج خروجة صغيرة ساعتين تلاتة او تنزل حجز بحيث تحسها مكافئة تاخدها علي مذاكرتك وعلشان تشحن نفسك +اهتم بإنك تلاقي الصحبة الصالحة ومتعاديش حد ولا تخش في حوارات ووجع دماغ + لو احتجت مساعدة اطلبها من اصحابك او مدرسينك+متهملش في اكلك

انا شايفها زيها زي اي سنة بس الفرق بس هو الضغط النفسي اللي انت بتبقا فيه، لو هونتها علي نفسك وهديت هتلاقي الدنيا فل، بالنسبة للفيزيا انا معملتش حاجة غير اني كنت بدي للشرح حجمه (مش بأڤور في الشرح ولا بطول فيه) وبعدها بحل مسائل وبس

وهاتي حد يذاكر معاكي برده

جربي تروحي وورك سبيس او كافيه هادي وذاكري

بلاش تحلي من مصادر وكتب مجهولة احسن عشان ممكن تتعبي في سؤال وفي الاخر يطلع اصلا غلط وحصلت معايا..... الاحسن تحلي في كتب معروفة ومحلولة علي اليوتيوب احسن. وبلاش تستخدمي اي ذكاء اصطناعي لانه بيبقا غبي وبيحل اغلب المساءل غلط خصوصا لو المسألة فيها رسمة او مثلا دايرة كهربية مطلوب منك تحلليها.

قولت شات جي بي تي عشان اغلب الباحثين بيستخدموه وهي طالما مخلصة ماجستير يبقا في دماغها البحث العلمي

اشتراك شات جي بي تبي بريميم

الافضل تروحي لطبيب نفسي يشخصك

ولو في وورك سبيس في الكلية او مكان مناسب جربيه برضو وفي المسجد او المكتبة زي ما حضرتك قولتي

اتجاهليهم لو حاولوا يدخلوكي، لو معرفتيش تقدري تشوفي وورك سبيس قريب منك هيكون هادي ومكان حلو للمذاكرة، انا برضو ساعات بيحصل مشاكل في البيت او مبكنش طايق المذاكرة فبنزل الوورك سبيس وبذاكر هناك

بس يكون تابلت كويس ميقلش عن 10 الاف ولو قدرتي تزودي زودي

انا مبفهمش اوي في اللابات.... بس كليتك مش محتاجة لابتوب ولو الفكرة في انك تشوفي فيديوهات وتقري pdf بس يبقا هاتي تابلت بقلم

لو بتعرفي تديري وقتك وتلزمي نفسك يبقا اونلاين ولو محتاجة متابعة اول بأول يبقا سنتر.

روح لدكتور احسن واسئله بخصوص انك تمارس رياضة