السلام عليكم،
انا سني مش كبير ١٥ سنه تمم دا مبدئيا يعني...
انا مختمرة الحمد لله واسأل الله الثبات، كان جالي فتره من شهر او اتنين.. انو ازاي اعرف انو ديني هو الصح او ازاي اعرف انو الاسلام هي الشريعه الصحيحه وفضلت افكر كتير جدا وقلت اكيد انا مش عشان اتولدت في بيئه مسلمه لازم اطلع مسلمه ومن غير ما أفهم العقيده الخاصه بيا فالحمد لله ربنا هداني وفكرت فيها من ناحيه بسيطه جدا...
ان انا ديني الدين الوحيد اللي بيحتم على المرأه لبس الحجاب الشرعي.. يعني باقي الاديان مش بتلزم كدا... فأدركت انو دا فعلا صحيح مجرد انو انتي تمشي ومفاتنك ظاهره دي فتنه للشباب.. الا من رحم ربي (اللي بيغض بصره) بس بردو واجب عليا انو البس الحجاب ففكره ورا التانيه اتأكدت تأكيد تام انو فعلا الدين الاسلامي هي العقيده الصحيحه من بين آلاف من الاديان...
بس فيه اسئله ف دماغي مش بلاقي ليها حلول..
ان ليه الله عزوجل جعل اديان كتيره في الارض...
ليه انا ليا التحكم في قراراتي ومش نكون كلنا بنعمل الخير، عشان ندخل كلنا الجنه
ليه ربنا اوجدنا واوجد الخلق دا من الاول.. اي الحكمه ف دا
وعارفه انو الاسئله الكتير دي غلط... بس شغلاني جدا ومش بقدر اوقف تفكير...
حاجه تانيه هل الانسان اللي اتولد في بيئه مسيحيه او يهوديه عليه ذنب لانو اكيد هيطلع نفس ديانه اهلو والبيئه الخاصه بيه.... ولو فكر يغير العقيده على اقتناع بديانه تانيه ممكن اهلو يعترضوا اعتراض تام.... وهل لو فضل على الدين بتاعو هيحاسب انو مش أسلم...
وهل كل من لم يدخل الاسلام في الزمن دا.. هيدخل النار...
اسئله كتيره مش عارفه الاقي حل ليها...
ومش قادره ابطل تفكير! 😖
ربنا سبحانه وتعالى في سوره ال عمران الايه 19 قال ان الدين عند الله الاسلام يعني ما فيش دين حقيقي غير دين الاسلام والانبياء كلهم مسلمين ولكن الشرائع هي اللي مختلفه لكن دينهم واحد هو الاسلام فالدين الصحيح هو الدين الاسلامي،عليك بتعلم العلم الشرعي ابتداء من تعلم العقيده الصحيحه عقيده اهل السنه والجماعه
تم النشر الاثنين، ١٩ يناير ٢٠٢٦
السلام عليكم ... اول حاجة الدين الإسلامي هو الدين الحق ببساطة إله واحد أحد خلق المخلوقات وأعد الجنة والنار ومسألة الحجاب هي شئ طيب ولكنها لا تثبت صحة الدين .. بمعنى ان لو عباد البقر لبسو النقاب هل هذا يعني ان دينهم صحيح ؟! بالطبع لا ... انا مش عالم ديني ولكن العقل البشري عقل قاصر فلا يعتمد الانسان على العقل بل على النقل من الشريعة والوسوسة من علامات الإيمان ... فمثلا لو جاء ملحد وقال نحن نعيش في زمن يمر بنا فلكل شئ بداية ونهاية في هذا الزمن / فكيف تقولون أن الله ليس له بداية ولا نهاية ؟ / نقول له أن عقلك لا يستوعب أن الله خارج هذه القاعدة الزمنية فهو الذي خلق الزمن حيث أن الزمن لم يكن موجودا ..... فالفطرة أن لله وجود كما نحن موجودون فنحن لا نعتمد على العقل بل على النقل من الشريعة .... أشهد أن لا إله إلا الله وان محمد عبده ورسوله
تم النشر الاثنين، ١٩ يناير ٢٠٢٦
اختى الصغيره التساؤل مش غلط وتساؤلاتك بسيطه لو تعرفى تساؤلاتى مثلا هتحمدى ربنا اولا بما انك مقتنعه بالاسلام والحجاب الشرعى فمش هناقشهم ثانيا ليه ربنا جعل اديان كتير فى الارض قرارات الله عميقه الحكمه ومنقدرش غير نستنتج من الظاهر الى هو الاتى كل زمن كان مستوى الناس العقلى مختلف وبالتالى القواعد اللى اتفرضت عليهم مختلفه ومع حفظ الكثير من الطوائف للقواعد وتدخل الشيطان نشأت ديانات منحرفه ثالثا الاراده الحره شيء اساسى ربنا هو الحكيم وعارف ان فى شخص زى اول واحد هيعترض على عدله لو مكنتش فى اراده حره فلو الاراده مش حره فالكون كله مسرحيه باسكريبت بلا معنى ولا قيمه رابعا ليه ربنا اوجدنا هو كده كده مش محتاج لاى شيء فليه انا شخصيا معرفش وبس هل لو رئيس الجمهوريه اصدر قرار واحد من الشعب هيقدر يروح يستجوبه لا ما بالك بإله فلو عرفتى عرفينى خامسا الجنه والنار بيتحددوا بعدل ورحمه الله فلو حد موصلوش الاسلام مش زى اللى وصلوا وانكر وفى النهايه حتى لو مات الشخص وكان ظاهر للناس الكفر فالباطن غير معروف ولكن الله حكيم عادل رحيم مش هيعاقب وخلاص الله ليس بشريا ليتاثر بل هو اله يتنزه عن النقص سادسا لا تبحثى عن اجابات نموذجيه زى اللى موجوده فى الكتب الاسلام اختبار لو مكنش فى شك وكان اليقين بالنسبه للجميع صحته فمفيش اختبار والدنيا اختبار المهم انا استمتعت جدا انى الاقى شباب عاقله زيك
تم النشر الاثنين، ١٩ يناير ٢٠٢٦
السلام عليكم ورحمه الله ما شاء الله ثبتك الله على الحجاب لكن نصيحه مني متفكريش برا الصندوق واللي بمعني متفكريش في حاجات مالهاش إجابه لانها هتوديكي لأماكن بعيده تانيه جدا الشيطان اصلا هو اللي بيمهد ليكي الطريق علشان تفكري في الحاجات دي يعني معلش خلي التفكير للناس بتوع الفلسفه دول اما بيفكروا كتير بتوصل للالحاد والعياذ بالله ،،تعرفي هحكيلك عن حاجه وانا في فتره الاعداديه كان بيجي في دماغي افكار غريبه زي مين خلق ربنا وهو اي والعياذ بالله وكنت بفكر واتخيل لو مفيش حياه لقيت دماغي حرفيا هتتشل رحت لمامتي واخواتي وعيطت لهم وقلتلهم على الحاجات اللي بفكر فيها قعدوا يضحكوا عليا ونصحوني ما افكرش في حاجات ماليش دعوه بيها من هنا فهمت حاجات كتير كل اما الشيطان يفتح دماغي للتفكير في حاجات زي كدا ببعد ببعد اويييي مش بقولك ما تفكريش لا فكري وتدبري في الكون وجمال خلق الخالق ،،،، بالنسبه بقا للجزء بتاع الاديان التانيه الطفل بيتولد فأكيد هيلاقي عيلته علي ديانه ما فهيبقى على ديانه ابيه او عيلته يعني ،،،بصي الطفل مش هيتحاسب من يوم ميلاده لحتى يوم بلوغه ربنا رافع عنه القلم واكيد البلوغ مش معناه بلوغ الجسد فقط ولا البلوغ اللي كلنا عارفينه بالنسبه للجنسين البلوغ بردو معناه بلوغ العقل فالعقل لازم يكون حكيم وعاقل ومتدبر وفاهم اوييي اول ما يبقى مثلا المسيحي بالغ عاقل هيبدأ يتحاسب علي كل حاجه🙂زيه زي المسلم اللي بلغ ومش بيصلي مثلا هيبدأ يتحاسب ،،،، في نقطه مهمه انتي بتقولي ان الانسان بيختار ديانته على حسب عيلته عايزه اقولك لو هو طفل كلامك صحيح لكن بعد كدا لا لان الإنسان مخير وليس مسير ،، هحكيلك قصه بصي واحده جارتنا كانت مسيحيه متجوزه مسيحي ومخلفه تلاته بنت وولدين ،،،الست دي أدركت ان الدين الصحيح هو الإسلام هربت بعيالها للمنطقه اللي احنا فيها اسلموا سمت بنتها فاطمه وابن محمد والابن التاني بلال ،،،بلال كان عنده ٨ سنين كان بيكره الإسلام كره شديد هرب ورجع لباباه مامته سابته اكيد بتدعيله بالهدايه ماشاء الله لسه داخلين الإسلام لكنهم يعرفوا الإسلام اكتر من ١٠٠ واحد مسلم اصلا يا ريت ما اكون طولت عليكي يا حبيبتي وبقولك متفكريش برا الصندوق علشان هتعملي زييي😂
تم النشر الاثنين، ١٩ يناير ٢٠٢٦
وعليكم السلام ورحمة الله وبركاته يا ذكية قلبي 💕 الحمد لله إن ربنا هداكِ وثبتكِ في سن 15 سنة، ده دليل قوي على إيمانكِ الصادق وتفكيركِ العميق. أنتِ مش غلطانة في الأسئلة دي خالص؛ العلماء والصالحين كلهم فكروا فيها، وهي علامة حب لله. بس الوساوس دي من الشيطان عشان يشغل بالكِ، فخلينا نرد باختصار وبدليل قرآني، ونعمل خطة عملية عشان ترتاحي. 1. ليه أديان كتيرة؟ الله سبحانه أرسل رسلاً لكل أمة عشان يدعوهم لتوحيده (قال تعالى: وَلَقَدْ بَعَثْنَا فِي كُلِّ أُمَّةٍ رَّسُولًا - النحل:36). بس الإسلام خاتمها، ومحمد ﷺ خاتم الأنبياء، عشان يكون شاملاً ويصلح لكل زمان ومكان. الحكمة: ابتلاء واختبار للناس. 2. ليه حرية الاختيار مش إجبار على الخير؟ عشان الابتلاء والاختبار الحقيقي ( الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا - الملك:2). لو كلنا مجبرين، مفيش ثواب ولا جزاء. الحرية دي تُظهر إيمانكِ الحقيقي، زي ما أنتِ دلوقتي بتختاري الحجاب رغم الفتن. 3. حكمة الخلق؟ وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ (الذاريات:56). عبادة الله بالإيمان والعمل الصالح، ونكسب الجنة. الدنيا مزرعة الآخرة، والله عادل لا يضيع أجر أحد. 4. اللي اتولد في بيئة مسيحية/يهودية؟ الله لا يظلم نفسًا ( إِنَّ اللَّهَ لَا يَظْلِمُ مِثْقَالَ ذَرَّةٍ - النساء:40). يُحاسب على ما بلغه من الحق؛ لو عرف الإسلام ورفضه بحجة، يُحاسب. أهل الكتاب (مسيحيين/يهود) لو آمنوا بالله واليوم الآخر وعملوا صالحًا، لهم أجر عنده ( إِنَّ الَّذِينَ آمَنُوا وَالَّذِينَ هَادُوا وَالنَّصَارَىٰ وَالصَّابِئِينَ مَنْ آمَنَ بِاللَّهِ وَالْيَوْمِ الْآخِرِ وَعَمِلَ صَالِحًا فَلَهُمْ أَجْرُهُمْ عِندَ رَبِّهِمْ - البقرة:62). بس الإسلام هو الطريق الأكمل، و لا إِكْرَاهَ فِي الدِّينِ (البقرة:256). لو مات على شرك وهو جاهل حقيقي، الله يعلم نيته ويحكم بعِلمه. مش كل غير مسلم يدخل النار؛ الشرك الأكبر يُعاقب عليه، بس الله غفور رحيم، ويفتح أبواب التوبة للي يبحث عن الحق. خطة عملية عشان توقفي التفكير الزائد 😌: اقرئي قرآن يوميًا : صفحة بعد كل صلاة، خاصة سورة الكهف والإخلاص. استغفري وصلي النوافل : 100 استغفار يوميًا، والوتر قبل النوم. دعاء الثبات : "اللهم ثبت قلبي على دينك". ابتعدي عن المناقشات السلبية : اقفلي التفكير بـ"أنا مؤمنة بالله"، ومارسي رياضة خفيفة أو مشي. ربنا يزيدكِ إيمانًا ويثبتكِ يا حبيبتي. لو عايزة تكملي، قوليلي! 🌸🤲
تم النشر الأحد، ١٨ يناير ٢٠٢٦
فين الالحاد ف اسألتي.... منا لو بعرف اكف عن التفكير فعلا مكنتش حطيت السؤال...
تم النشر الأحد، ١٨ يناير ٢٠٢٦
الاستعاذة والقطع: قل "أعوذ بالله أو تعمل به.من الشيطان الرجيم" وتوقف فوراً عن الاسترسال في الفكرة (لا تناقشها). الإيمان القلبي: قل "آمنت بالله ورسله" لترسيخ اليقين وطرد الشك. تغيير الحالة: أشغل نفسك بأي عمل بدني أو حديث آخر، لأن الفراغ يغذي الوسواس. واخيرا كراهيتك لهذه الوساوس وضيقك منها هو دليل على صريح إيمانك، والله لا يحاسبك على ما يدور في صدرك مالم تتكلم
تم النشر الأحد، ١٨ يناير ٢٠٢٦
بالنسبه لنقطة الاسلام فكل شئ حوالينا وفي أنفسنا يدل أن الاسلام هو الحق بلا جدال . وبالنسبه للأديان فدي جت بالتدريج في كل فتره من الزمن كان ربنا بيرسل رسول ومعه كتاب لكن الإسلام لما جه نسخ الأديان اللي قبله كلها ، وكل الأديان كانت تدعو إلى التوحيد علشان كده اللي مات وهو على التوحيد قبل مجئ الإسلام فكده مش كافر لكن كتب الأديان الحاليه فيها تحريف ... وبالنسبه للشخص اللي اتولد مسيحي هو عليه إنه يسأل ويفكر وأصلا الإنسان بفطرته بيتجه للإسلام ومفيش حاجه اسمها أهله هيرفضوا لإن الشخص اللي فعلا عرف الحق بيعمله ومفيش أي قوه في الأرض تقدر تمنعه ولو حتى أهله
تم النشر الأحد، ١٨ يناير ٢٠٢٦
اقرائي في المصحف بتدبر وافهمي الايات وهاتي شرحها هتلاقي اجوبة الاسئلة دي - ودا طبيعي بسبب صغر سنك وحواليكي عالم بقي مليان تبرج وافكار دنيوية ف قربي من ربنا واقرائي القران
تم النشر الأحد، ١٨ يناير ٢٠٢٦
السلام عليكم ـ اولا جميع الأديان كان فيها ذكر لغطاء الرأس اما الإسلام كان فيه النقاب واليهود ايضا عندهم نقاب في طائمة تسمي الحريديم اما الاسئلة فهذا من وساوس الشيطان التي يلقيها الشيطان في قلب الناس ليشكل عليهم دينهم ونقول كما قال تعالي : يَا أَيُّهَا الَّذِينَ آمَنُوا لا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ. والإنسان لا يفكر في مسائل فوق عقله النصاري اتخذوا عيسي إله وقالوا انه ابن الله واليهود قالوا بأن عزير ابن الله ونحن نقول بأنه واحد احد ليس له ولد والادلة موجودة لكن اختصارا هذة بعض المقاطع التي قد تفيدك لان الكلام في هذا الامر كثير ولا اريد ان اهدر كلامي لا اعلم اذا كنت ستنصت ام تتجاهل وأرى في اسألتك انها إلحادية بحتة على كل حال يبدو انك لا تعلم شئ في الدين واطلب منك ان تكف عن هذا التفكير وتقرأ القرآن ستجد فيه إجاباتك : https://youtube.com/playlist?list=PLXS0usquloW9cCCNMQJkKZBcZC-leD1Gp https://www.facebook.com/groups/252954480307631/posts/1004177715185300/
تم النشر الأحد، ١٨ يناير ٢٠٢٦
لعرض السؤال في فدني اضغط هنا