السلام عليكم
أنا اسمي يوسف و عندي 15 و في تالته اعدادي , ابي و امي بينهم مشاكل كتير يعني كل شهر لازم يحصل مشكله و للاسف ممكن توصل لمد الايد من 2020 لحد 2022 مكنش في مشاكل على اساس انهم كبروا على ده و خلاص يعني بس 2023 ابويا راح شغل جديد و عرف واحده هناك بدون ذكر اسماء و و هو كان مديرها
الاول كان عادي علاقه مدير و بنت تحته بتتدرب على ايده لكن مره واحده امي بدأت تتهمه بانه بيخونها مع البنت دي بسبب انه كان بيكلمها كتير و بيتكلموا في امور شخصيه او المفروض ميتكلموش فيها و هي بتقوله حبيبي و حبيبتي و لما واجهناه قال ان ده العادي بالنسبه ليها و هي دي تربيتها و فضلنا كدا لحد دلوقتي كل شهر بيتخانقوا بسبب البنت دي
و اخر مشكله كانت حوالي من 3 شهور و من بعدها لاحظنا ان هو بيخرج يكلمها و بيمسح سجل المكالمات و اي شات يحصل بينهم ولما قلنا له قال ان خلاص مبقاش في كلام بينه و بينها راحت امي كلمتها و البنت دي قالت لامي مشكلتك معاه مع جوزك يعني مش معايا و ساعتها امي غضبت لمده شهر
و في الشهر ده كان انا و اختي مع ابويا و في يوم ابويا كان تحت بيجيب حاجه و كان سايب تليفونه فا انا للاسف مسكت تليفونه عشان كنت عايز اعرف حقيقه الموضوع و حاليا بندم على ده و لقيت ان ابويا باعت ليها تصبحي علي خير بحبك و مقلتش لحد و دلوقتي انا بقالي3 شهور مش عارف اقول لمين و لا اسكت ولا اعمل ايه
و للمعلومه انا بكتب الكلام ده و ابي وامي قاعدين مع خالي عشان يحلوا المشكله اللي لسا حاصله امبارح بسبب الموضوع ده و طبعا كل ما تواجه ابويا او امي تقول لحد راح مطلع عليها انها مجنونه و ان دي اوهام و خالي مصدق ده و دلوقتي مش عارف اعمل ايه اواجه ابويا و هو عصبي ممكن اصلا يزعقلي او ميكلمنيش بعدها اصلا و المشاكل دي كلها طبعا بتاثر عليا يعني كل مشكله نقدر نقول بييتصالحوا لمده بعدها يرجعوا يتخانقوا تاني
انا بكتب ده عشان اقول انه ده بياثر عليا اني تعبان نفسيا و خلاص بجد زهقت انا عايز اعرف افضل ساكت و مقولش لحد ولا اقول مثلا لحد كبير و اكيد مستحيل اقول لامي ولا اواجه ابويا و اتحمل العواقب
بص بعيدا عن كل اللي قولته دا ف دي غلطات غيرك بيغلطها ف انت اكيد مش هتعرف تصلحها بس انت غلطتك انك مسكت موبايل والدك ودورت فيه المفروض دي حاجه انت مينفغش تعملها ومتقولش ان مامتك اكيد مشافتش الكلام بينهم ف قولت تشوفه انت وتقولها لان دا مينفعش وعلفكره اكيد هي شافت حاجه زي كده صدفه بس متكلمتش عشان مفيش واحده هتقبل ع نفسها حاجه زي كدا ف انا عايزه اقولك انت ملكش دعوه بمشاكلهم دي خالص لان لو ركزت ف كل مشكله انت اللي هتتعب ف الاخر وكمان انت ف سنه مهمه يعني لازم تذاكر وتجيب مجموع وبماان اني كنت بمر ب بمشاكل عائليه برضو ف مكنتش بعرف اركز ف مذاكرتي ف كنت بروح عند اي حد من اهلي يعني مثلا جدك وجدتك لو عايشين لوحدهم ممكن تروح تقعد معاهم فتره تفصل من المشاكل دي شويه وتركز ف مذاكرتك تقعد عند خالك عمك خالتك اي حد من قرايبكو واهم حاجه مش كل حاجه تتقال تحطها ف دماغك لأنك بجد هتتعب جدا
تم النشر الأحد، ١٤ سبتمبر ٢٠٢٥
وعليكم السلام يا يوسف، أولاً أحب أعبر لك عن تعاطفي الكبير معك في هذا الوضع الصعب اللي تمر به. فعلاً الوضع اللي وصفته ضاغط جداً على أي شخص، خصوصاً وأنت في سن صغير وبحاول تفهم وتتأقلم مع مشاكل كبيرة داخل الأسرة. خليني أساعدك بتفصيل الموضوع خطوة بخطوة: مشاعرك وتأثرك النفسي من الطبيعي جداً إنك تحس بالتعب والضغط والارتباك. لما يكون في خلافات مستمرة بين أهلك وتأثيرها واضح عليك، هذا ممكن يسبب لك قلق وخوف ومحبة أن تحل الأمور حتى لو بصعوبة. لا تحمل نفسك أكثر من هذا، ولا تخجل أبداً من مشاعرك؛ فهي طبيعية تماماً. سكوتك أم مواجهتك؟ إذا فكرت تواجه والدك مباشرة، كلامك صحيح إن الموقف حساس وقد يؤدي إلى رد فعل عصبي أو تجاهل. في هذا السن ومن واقع خبرتك، ربما مواجهة مباشرة الآن ليست حل أمثل أو آمن لك نفسياً. السكوت لا يعني الموافقة أو الضعف، هو قرار مؤقت لحماية نفسك حتى تجد وقتاً وأسلوباً أفضل. المهم ألا تظل محتفظ بالغضب أو القلق داخلك وحدك. شارك مشاعرك مع شخص كبير تثق فيه، ممكن يكون خالك أو أحد من العائلة يحترم رأيك ويستمع لك بدون تحكم. دور خالك والواحد الكبير أنت ذكرت إن خالك مصدق إن أمك "مجنونة" وإنها أوهام. هذه مشكلة، لأن راي الخال ممكن يؤثر على كيف ينظر أهلك للمشكلة. حاول تتكلم مع خالك بهدوء، وقله أنك تحتاج دعم واحتواء مش تحكيم. ممكن تشرح له كيف تأثير الموضوع عليك نفسياً، واحساسك كابن يحب السلام في أسرته. العائلة بحاجة إلى حل بناء مشاكل الأزواج ومشاكل الخيانة تُعالج بالحوار والاحترام، لا بالإهانات أو التجاهل. ربنا سبحانه وتعالى أمر بالعدل والرحمة والتسامح بين الزوجين. إن شاء الله ربنا يهدّي الوضع. نصيحتي أن تستعينوا بمستشار أو خبير في العلاقات الأسرية. في موقع فدني يوجد خبراء نفسيين ومدربين علاقات يمكنهم تقديم استشارات تدفع باتجاه الحل. كيف تهتم بنفسك؟ حاول تشغل وقتك بالدراسة والهوايات اللي تحبها. لا تتعجل تحمل أعباء الكبار، أنت لـ15 سنة وليس عليك حل مشاكل الأسرة كلها لوحدك. أحياناً، مشاركة القليل عن مشاعرك مع شخص تثق به يخفف عنك كثير. يوسف، أثق أنك شاب حكيم وقوي لإنك جئت لتشارك هذا الموضوع الصعب. لا تضغط على نفسك لتحل كل شيء الآن. قوّتك تكمن في صبرك وحكمتك. إذا تريد، يمكنني أرشدك إلى خبراء في فدني يمكنهم مساعدتك أنت وأهلك بشكل مباشر. أو ابحث في المنتدى عن أسئلة مشابهة لتجارب ونصائح أكثر تفصيلاً. أنا هنا دائماً معك، ذكية. ولا تتردد تسألني لو حبيت تتكلم أكثر أو تحتاج دعم. النجاح والرضا النفسي يبدأون بخطوة منك، وأنا معك في كل خطوة. ❤️
تم النشر الجمعة، ١٢ سبتمبر ٢٠٢٥
انت الان فى سنة مهمة جدا حاول تجيب ورقة و قلم و تفكر فى كل الحتمالات لو قولت لخالك اى اللى هيحصل و لو قولت اى الى هيحصل بردو غالبا حصلت معايا قبل كدا و اكيد الافضل انك متقلش حاجه خالص ولا تدخل و ملكش دعوه بالموضوع و حاول تفضى دماغك ولا اكن حاجه حصلت لان غالبا هيرجعوا يتصلحوا تانى ف بلاش تتكلم إن الله حليم ستار...... استر على ابوك حتى لو من خالك.... حتى لو والدك اخطأ سامحه لان كل حاجه بتتصلح و احتسب النية و بر اهلك و خليك ولد صالح الامة تستفاد منك
تم النشر الاثنين، ١٥ سبتمبر ٢٠٢٥
ممكن تتكلم مع خالك بعيد عن امك ، وفهمه انها معاها حق وان والدك هو اللي غلطان ، وشوف موقف خالك ايه أولا وهو يتعامل من غير ما يذكر اسمك في الموضوع
تم النشر الأحد، ١٤ سبتمبر ٢٠٢٥
انا عارفه أن دي حاجه صعبه جدا انك لما تشوف الحقيقه و متقدرش تتكلم بس ممكن لو قولت الدنيا هتتحل ف حاول تتشجع على قد ما تقدر و تاخد خطوه و تتكلم مع خالك و تقوله انك شوفت كذا كذا و أنه فعلا بيمسح الرسايل و حاول لو والدك ساب التيلفون ف مره صور الشات من تليفونك ف حاله إثبات على كلامك و لو عندك اخوات كبير او اصغر منك شويه اقعد معاه انت و هو مع خالك علشان يصدقك
تم النشر السبت، ١٣ سبتمبر ٢٠٢٥
المشكله اني لو عملت نفسي. مشفتش حاجه لو حصل مشكله مستقبلا و تسبب مثلا في طلاق او غيره هضايق بحيث ان كان ممكن الكلام ده يغير حاجه
تم النشر السبت، ١٣ سبتمبر ٢٠٢٥
اتخطي يا بطل كل حاجة بتعدي ... برهم و ملكش دعوة انت ملكش ذنب .. اهم حاجة المشاكل دي متاثرش علي صفاتك او تخليك انسان مش كويس او تأثر علي علاقتك بزوجتك المستقبلية .. ابعد نفسك عن مشاكلهم عشان هتتعب نفسيا .. وادعيلهم بظهر الغيب
تم النشر السبت، ١٣ سبتمبر ٢٠٢٥
قول لخالك بينك وبينه الي انت شوفتو وقولو ميقلش لحد عشان بس يعرف الحقيقه ويصدق ولدتك وسيبهم هما يتعاملو معاه
تم النشر السبت، ١٣ سبتمبر ٢٠٢٥
ربًنِآ مًعٌآکْ وٌيَصّلَحً آلَحًآلَ
تم النشر السبت، ١٣ سبتمبر ٢٠٢٥
لعرض السؤال في فدني اضغط هنا