سلامٌ عليكم
مجرد فضفضه بس ولو فيه نصيحه فدا معروف كبير جدا ليا
حاسه اني شايله مسؤوليه فوق طاقتي اوي
انا اولي دراسات اصول دين
حابه اتفوق فيها واعمل دراسات عليا فيما بعد وانا نفسي اتفوق جدا فيها واجيب امتياز وارتب
بس عندي مشكله دايما في النقطه دي ان دايما بحاول ومش بلاقي ف خايفه المره دي كمان يحصل نفس السيناريو مع ان كنت كل مره اكون محسنه الظن بالله حاليا انا حاسه ان مسيئه الظن في نفسي اصلا
تاني حاجه انا اهلي علي قدهم المهم انا من قرية أساسا وساكنه جمب كليتي بالظبط مفيش اي مواصله والسكن في وش الجامعه ف انا قابلني شغل بالصدفه بعيد عن الكليه بخمس دقايق بركبله مواصله يعني شوفته لما كنت في مسجد وعديت علي مكتبه اطبع ورق واتكلمت مع البنوته اللي فيه وصاحب المكتبه وفعلا كانو عاوزين شغل وانا قولتلها هكلم أهلي والمرتب جميل جدا يعني والشيفت مسائي من 3 ل 11 بعد كليتي علطول المهم كلمت اهلي بابايا دايما طريقته معايا عصبيه وخناق وشتيمه ف قالي متشتغليش ومتعمليش واياكي تنزلي وانا مدفعتش مصاريف الكتب والكتب كمان بشوف مع بنات من تانيه وجيبت اربعه ولسه فيه باقي كتب تانيه دا غير مصاريفي ومصاريف الكليه وعندي كيس زلالي عاوزه اعمل افاده من الكليه واعمل الجراحه بتاعته ولازمه فلوس ومامتي بتشجعني بس تشجيع لامبالاه يعني
تالت حاجه انا كان متقدملي عريس وقعدت معاه في الرؤية الشرعيه بس هو مش متدين لكن هو حد محترم وطيب لكن انا واحده منتقبه ومتدينه وعاوزه حد متدين بابايا مش متدين فقالي انتي طفشتيه الراجل محترم اي عيبه قولتله عاوزه حد متدين قالي نجيبهولك منين قولتله ربنا هيجيبهولي ف خايفه فيما بعد يجبرني اتجوز اي حد خصوصا انا اولي ولسه عندي اهدافي الخاصه ومش ناويه اتجوز ولا اتخطب دلوقتي وحرفيا كل حاجه ضاغطه عليا بحاول واجتهد بقالي كم فتره بصحي الساعه 4 واكمل للصبح وانزل الكليه واكمل يومي وارجع تاني اصحي قبل الفجر وكنت بصحي البنات اللي هنا يصلو بس بقالي يومين بصحي وبحس ان جسمي متكسر ومش قادره اقوم ومنزلتش الكليه. انهارده فقولت هنزل المسجد حسيت ان مش قادره اقعد فيه ولا احفظ فطلعت وانا طالعه عديت علي المكتبه دي حسيت ان فيه حكمه من ان مصحاش ومنزلش الكليه بس برضو دي حاجه بتدايقني لما مصحاش واصلي واكمل يومي دا لوحده انجاز بالنسبالي
رابع حاجه البنات اللي معايا في السكن هما محترمين ومش بيعملو مشاكل وكل حد في حاله بس مش بيذاكرو قد كدا وانا بطبيعتي بتأثر باللي حواليا عندي طموح كبير اوي ومش عارفه احققه ولو حتي مسكنتش واخدتها مواصلات ف هنا مستحيل احقق اي حاجه. كويسه في حياتي لأن مواصلات دا غير ان بيتي بيئة غير مهيئة للنجاح اصلا وغير عاوزه اتعلم. مهارات كتير وانا مش مستعجله بس اللي مدايقني اني مش لاقيه وقت اصلا لكل دا
انا اهاا بفضفض بس حقيقي نفسي في دعوه ونصيحه ربنا يجازيكو كل الخير يارب ويقر أعينكم بالفرحه
وعليكم السلام ورحمة الله وبركاته، يا أختي العزيزة. أولاً، أشكرك على مشاركتك الصريحة والصادقة، فالفضفضة بحد ذاتها خطوة مهمة لتخفيف الضغط، وأنا أسمعك بكل تعاطف وتقدير لما تمرين به. أنتِ تحملين هموماً كثيرة في وقت واحد: الطموح الدراسي، الضغوط المالية، موقف الأهل، والرغبة في التوازن بين الدين والحياة. هذا طبيعي أن يجعلكِ تشعرين بالإرهاق والخوف من تكرار السيناريوهات السابقة، لكن تذكري أن الله لا يكلف نفساً إلا وسعها، وأنتِ بالفعل تجتهدين بصدق. بالنسبة لدراستكِ في أصول الدين، أنصحكِ بالتركيز على خطوات صغيرة ومستمرة بدلاً من الضغط الكبير دفعة واحدة. حددي أهدافاً يومية واقعية مثل مراجعة صفحتين أو ثلاث صفحات بتركيز، واستغلي أوقات الفراغ بين المحاضرات. أما عن الوظيفة، فهي تبدو فرصة مالية جيدة، لكن رفض والدكِ يحتاج إلى حوار هادئ ومحترم مع أمكِ أولاً لتكون وسيطة، أو ربما البحث عن فرص أقرب أو أقل إرهاقاً تتوافق مع جدولكِ الدراسي. فيما يخص الزواج، أنتِ محقة في رغبتكِ بشريك متدين يدعم أهدافكِ، وهذا أمر يستحق الدعاء والصبر؛ لا تسمحي للضغط بأن يدفعكِ لقرار متسرع، فالزواج مسؤولية كبيرة وأنتِ في بداية طريقكِ العلمي. أما الإرهاق الجسدي والنفسي الذي تشعرين به، فهو إشارة واضحة للحاجة إلى التوازن. حاولي تنظيم يومكِ بجدول بسيط يشمل وقتاً للنوم الكافي (حتى لو بدأتِ بتأخير الاستيقاظ قليلاً في البداية لاستعادة الطاقة)، واستمري في الصلاة والدعاء بأن ييسر الله أمركِ ويفتح لكِ أبواب الرزق الحلال. البيئة المحيطة بكِ (السكن والمنزل) قد تؤثر، لكن يمكنكِ خلق مساحة خاصة بكِ للدراسة حتى لو كانت صغيرة، وتذكري أن الطموح يبدأ بالإصرار الداخلي. ابحثي عن أسئلة مشابهة على فدني للحصول على وجهات نظر إضافية تدعمكِ. أدعو الله أن يفرج همكِ، وييسر لكِ التوفيق في دراستكِ، ويرزقكِ الزوج الصالح في الوقت المناسب، ويمنحكِ القوة والصبر. أنتِ قادرة، وكل جهدكِ محسوب عند الله. استمري بخطوات ثابتة، وربنا معكِ.
تم النشر الأحد، ١١ أكتوبر ٢٠٢٦
شكرا جدا علي طريقتك الجميله عني، بس الفكره ان انا في الأساس بعمل كدا، عندي يوم معين بنزل فيه المكتبه وهو السبت وحرفيا انا اجتماعيه جدا وبتكلم مع اي حد أشوفه في الشارع برغم ان انا منتقبه ومش ببين عيني اللي هو ممكن اكون محرجه اتكلم مع غيري وهكذا بس لا انا فيه ناس بتبعتلي مسدجات هي مين وانا بقعد نص ساعه افتكرها وحتي هنا في السكن دايما لما يحصل قفله بين اتنين بقول للطرف الأعقل وبيسمع النصيحه كبري دماغك قولتلها مره سمعت قولتلها ومهتمتش فكك وروقي ومتحرقيش دمك علشان حد الدين نصيحه وانتي نصحتي سيبك منها بقا طلاما مش عاوزه تسمع ف حرفيا انا في السكن هنا يعتبر الكارفه للمشاكل والكلام والوحيده اللي بسكب اي كلام يحرق الدم ومش ببقي حاسه ب اي حاجه ف دول عندي من تجارب والحمدلله بس حقيقي انا بحب أسمع واستفيد أكتر وبما انك قولتي النصيحتين دول ف اكيد عندك أكتر وانا بحب أستمع جدا وشكرا تاني علي كلامك ونصيحتك الجميله ي جميله 💗
تم النشر الأربعاء، ١٤ أكتوبر ٢٠٢٦
ايه كميه النضج دي.... انتي لسه صغيره بس طريقة سردك للأحداث محسساني انك كبيره؟ هقولك عناوين و انتي سرشي. انا انصحك انك تشتغلي خصوصا انك محتاجه الفلوس. و توسيع دايره علاقاتك .لو بيئه المنزل لا تشجع علي النجاح ولا بيئه السكن خلي موبايلك فيه محفزات. يعني ديما تشوفي الناس الناجحه علي موبايلك كل ما تفتحيه. اهتمي بمظهرك و شكلك لانه مهم ليكي ولطاقتك. و اشتري كتب تغذي عقلك و روحك و دائما اعملي من بنها لو حاجه لو حد ضايقك❤️
تم النشر الأربعاء، ١٤ أكتوبر ٢٠٢٦
@محمود علاء انا فاهمه ان طاعة الوالدين واجبه حتي لو كان كلامهم عن اي ولكن انا أمي غير أبي خالص ممكن أبي يكون معلومته نفس معلومة مامتي بس بيوصلهالي بطريقه عنيفه شويه وهو حد عصبي وانا شخصية حساسه جدا من أقل كلمه بيقولهالي دا غير ان الشغل دا جالي بالصدفه أصلا وانا في أشد الحاجه ليه وانا قولت هساعدهم بس الحمدلله ربنا يسرلي الأمر ومش هنزل اشتغل وكلام حضرتك عن النجاح والصعوبات ف هو جميل جدا وانا نفسي حرفيا اوصل لحاجه وافتخر اني حققتها بس انا دايما عارفه ان دا بيكون توفيق واختيار من ربنا ليا وان شاء الله يكون الإختيار عليا لأن حرفيا تعبت جدا ومبقاش عندي القدره اتعب ومالاقيش واحاول تاني بعدها ف ادعيلي لعلك أقرب مني الي الله ويستجيبها منك وشكرا جدا علي كلام حضرتك
تم النشر الاثنين، ١٢ أكتوبر ٢٠٢٦
@.. .. اقصد بالسكن دا سكن جامعي بس مش جامعي لأني انتساب فماليش وان شاء الله ربنا يرزقني بالزوج الصالح ويشبهني وشكرا جدا علي كلامك ي جميله 💗
تم النشر الاثنين، ١٢ أكتوبر ٢٠٢٦
أخيرا..... استعيني بالدعاء.... لإن كتيير نرسم طريق ونوصل لآخرة ونتفاجئ بعد ما نوصل إن مش ده اللي كنا عاوزينه.... ادعي اللهم اهدني وسددني. ده دعاء صحيح عن النبي.... بمعني اهدني للطريق الصح..... وسددني داخل الطريق حتي لا تتشعب علي الطرق داخل الطريق الصح..... دعاء كنز
تم النشر الاثنين، ١٢ أكتوبر ٢٠٢٦
النجاح مش بيكون الا في الظروف الصعبه..... مفيش حد فاز باي شئ والظروف كلها معاه.... مثلا الفقر والضغوطات تربي الرجال..... حتي تحصيل الإيمان لازم تصحيه واختبارات { أَحَسِبَ ٱلنَّاسُ أَن یُتۡرَكُوۤا۟ أَن یَقُولُوۤا۟ ءَامَنَّا وَهُمۡ لَا یُفۡتَنُونَ (٢) وَلَقَدۡ فَتَنَّا ٱلَّذِینَ مِن قَبۡلِهِمۡۖ فَلَیَعۡلَمَنَّ ٱللَّهُ ٱلَّذِینَ صَدَقُوا۟ وَلَیَعۡلَمَنَّ ٱلۡكَـٰذِبِینَ (٣) } [سُورَةُ العَنكَبُوتِ: ٢-٣]
تم النشر الاثنين، ١٢ أكتوبر ٢٠٢٦
من المنطق ما هو كاذب..... بمعني كتيير بنرسم احلام وبنبي عليها احكام كتيير جدا.... ومعندناش استعداد نضحي...... احلمي كما تحبي...... هتضحي هتلاقي.... مش هتضحي لا تضيعي وقتك
تم النشر الاثنين، ١٢ أكتوبر ٢٠٢٦
الاخلاق والطيبة من الدين
تم النشر الاثنين، ١٢ أكتوبر ٢٠٢٦
يستحيل تخالفي والدك..... ويكون فيه بركة في أي إتجاه هتسلكيه
تم النشر الاثنين، ١٢ أكتوبر ٢٠٢٦
تمسكي بالمواصفات اللي إنتي شايفاها مناسبة ليكي في أمر الزواج . واسألي الله بصاحب المواصفات اللي إنتي تتمنيها
تم النشر الاثنين، ١٢ أكتوبر ٢٠٢٦
تقصدي ايه بالسكن ؟ بيتك قريب من الجامعة ولا سكن جامعي
تم النشر الاثنين، ١٢ أكتوبر ٢٠٢٦
لعرض السؤال في فدني اضغط هنا