سؤال مفتوح للنقاش
بحاول أفهم وجهات النظر المختلفة، خصوصًا وأنا ما دخلتش قبل كده في أي علاقة، وعمري ما كنت من الناس اللي بتتعامل مع المواضيع دي باستهتار.
فكنت حابب أطرح سؤال بيدور في دماغي من فترة:
إيه هو السن المناسب - في رأيكم - للزواج أو حتى للارتباط الجاد اللي يكون في إطار شرعي ومحترم؟
وكمان: إزاي الواحد يقدر يختار شريك حياته بشكل واعي وناضج؟ إيه الحاجات اللي المفروض يبص عليها غير الشكل والكلام الحلو؟
أنا شايف إن المواضيع دي محتاجة وعي كبير وتفكير بجدية، عشان كده بحب أسمع من الناس اللي سبقوني أو عندهم نظرة أوسع.
من رأي الشخصي بشوف مفيش سن معين للزواج مش علشان انت اتخرجت يبقي تتجوز او صحابك مثلا اتزوجوا يبقي لازم تتزوج ف الزواج مش محتوم بسن او علشان فلان اتجوز يبقي انا لازم اتجوز وبشوف ان الزواج ليه الشخص المناسب اما بالنسبه ازاي تختار شريكه حياتك مش هقولك شكلها حلو والكلام ده لأنه ده كله شكليات المهم أخلاقها وأنكم تكونوا متفاهمين وعارفين ان كل واحد فيه عيوب وانتوا بتكملوا بعض
تم النشر الأحد، ١١ مايو ٢٠٢٥
وقت الارتباط المناسب للرجل هو حينما يمتلك القدرة على أخذ فتاة من بيت أهلها ليكون هو أهلها وكل حياتها من حيث القدرة على الاحتواء والاهتمام وحسن الرعاية وحفظ الأمانة وخير ما يتم الارتباط بها هي من تتوافق معك في الافكار والمشاعر حتى ولو اختلفت الاعمار ويارب يرزقك بالزوجة الصالحة
تم النشر الاثنين، ١٢ مايو ٢٠٢٥
مرحبًا بك، وأقدر جدًا لطفك وحكمتك في طرح هذا السؤال المهم جدًا، خاصة وأنك تفكر بوعي وجدية من البداية، وهذا بحد ذاته أمر مشجع وعزيز. السن المناسب للعلاقة الزوجية أو الارتباط الجاد في إطار شرعي: السن في حد ذاته ليس العامل الأهم فقط، لكن النضج النفسي والعقلي والقدرة على تحمل المسئولية هما الأهم. كل شخص يكبر ويتطور في وقت مختلف. من الناحية الشرعية، الإسلام يرحب بالزواج حين يكون الإنسان قادرًا على تحمل أعبائه، ماليًا واجتماعيًا ونفسيًا، فلا يوجد عمر محدد جامع لكل الناس. في المجتمعات العربية مثل مجتمعنا، غالبًا يكون السن المناسب من بعد 22 إلى 30 سنة، وهذا لأن هذه المرحلة عادة ما يكون فيها الإنسان أتم دراسته أو بدأ عمله، ومستعد يتحمل مسئولية بيت وأولاد. لكن هناك من يبدأ الزواج مبكرًا وهو ناضج ومسؤول، ومثله من يؤخر الزواج حتى يشعر بأنه جاهز فعلاً، وعندهم حكمة في ذلك. كيف تختار شريك حياتك بشكل واعي وناضج؟ الأمور أهم من الشكل والكلام الحلو وتشمل: الدين والقيم: هل هو ملتزم بدينه؟ هل يتشابه معك في القيم والمبادئ؟ لأن التشابه في الدين والأخلاق أهم ركيزة بتقوي العلاقة. الشخصية والنضج: هل هو هاديء العقل؟ قادر على التحاور وحل المشكلات بهدوء؟ هل يتحمل الضغوط؟ وهل هو صادق وشفاف؟ الطموح والاستقرار: هل لديه أهداف واضحة؟ هل هو ملتزم بتحقيق مستقبل أفضل؟ وهل مستعد يبذل جهد للحفاظ على العلاقة؟ الاحترام والتقدير: هل يعاملك باحترام؟ هل يحترم أسرتك ومجتمعك؟ التوافق الفكري والعاطفي: هل تتوافقان في طريقة تفكيركما؟ وهل تستطيعان التواصل بسهولة وصراحة؟ الدعم والتشارك: هل مستعد يشاركك أعباء الحياة ويكون شريك في الخير والشر؟ نصائح عملية لك: خذ وقتك في التعرف عليه جيدًا ولا تستعجل القرار. استشر أهل الخبرة من العائلة أو الأصدقاء الصالحين ممن تثق بهم. حاول تعرفه في مواقف مختلفة (الفرح، الحزن، الشدة) عشان تشوف طبيعته. اجعل هدفك بناء بيت متين قائم على المحبة والاحترام، وليس الانبهار المؤقت. لا تنسى أدعوا الله يكتب لك الخير ويفتح لك الباب اللي فيه الخير لك. أنت تسأل سؤال عزيز على القلب، ويمكن تجد في منصة فدني قصص ونقاشات كثيرة تساعدك على التعلم أكثر، ولا تتردد في مراجعة قسم الخبراء إذا حبيت تستشير متخصص نفسي أو حياة زوجية. أنا هنا دائمًا لو حبيت تستفسر أكثر أو تتناقش بأي نقطة. موفق إن شاء الله، وما تنسى: الخير أوسع وأحلى لما يكون مع نية صالحة وجهد صادق. ذكية معك بكل دعم وأمان. 🌷
تم النشر الأحد، ١١ مايو ٢٠٢٥
صباح الخير... حضرتك سالت سوال مهم جدا وخاصه دلوقتي ف الوقت الحالي... السن المناسب للزواج دا بيختلف على مستوى تفكير الشخص يعني ممكن تلاقي واحده ٣٠ سنه بس عقلها صغير وواحده ٢٥ سنه متوافقه فكريا معاك ومع احتياجاتك . دا غير ان بتقيسها من منظور ديني وأخلاقي دا اولا ومنظور طلباتك من جهه تانيه سواء شكل جسم شخصيه وهكذا الشخص المناسب هتحس دايما ان فيه كيميا رايحه وجايه بينكم والسن زي ما قولتلك دا بيعتمد عليك انت وع تفكير اللي قدامك ووعيه ب مسؤوليه تكوين اسره وبيت
تم النشر الاثنين، ١٢ مايو ٢٠٢٥
السن المناسب ده انت اللى تختاره يعنى اول ما تكون جاهز ان انت يكون عندك عيله وقد المسؤليه انك تكون صاحب شغل وأب و وزوج وكمان اخ وحبيب لمراتك وعيالك متدخل إلى بنت على الخاص او تكلمها فى شارع كمان اول حاجه لو فى بنت عجباك روح إلى ابوها وتقدم ورتبط شرعا لما تختار بنت اختار بنت تكون مؤدبه ومحترمه وكمان تكون انت انت نفسك مرتاح معاها وحاسس أن هى دي اللى ينفع اكمل معها حياتى ودي اللى هتكون بيتى واختى وبنتى ومراتى وحبيبتى وكمان ميكنش من اختيار حد تانى غير نفسك تكون من اخيارك انت مش اى واحده كده وسلام دي هتعيش معاك باقى عمرك كلها وهتكون فى يوم من الايام ام عيالك اكيد طبعا الموضوع ده فى حد ذاته مش هيجى فى يوم وليله ده عايز تفكير ايام وليالي وكمان ممكن أشهر يعنى انت لو عايز ترتبط لازم فى الأول يكون عندك وظيفه عشان انتى مش هتزوج وبعدين تقعد تشحت عليها وانا اسفه فى الكلمه
تم النشر الأحد، ١١ مايو ٢٠٢٥
اولا تابع احمد الحارس باليوتيوب.... ثانيا نصيحتي ليك اختار الشخص المناسب للجواز مش الشخص اللي تحبه، يعني المقصد انك لما تفكر في اطار رسمي كزوجة مناسبة غير اطلاقا لما تحب واحده المشاعر هتعميك فخد بالك وحابب احييك انك راجل ما فكرت ترتبط بحد فأنت إنسان كويس جدا وخليك واثق من كدا.... اما عن سن الزواج فهو بيكون مع اكتمال نفسك جسديا وماديا واهم حاجه توعيا وعقليا.... لازم لما تتجوز تبقى عارف هتحافظ على مراتك واولادك ازاي وتقدر تربيهم ازاي وتكون متعلم عن اخطاءك ومتابع فتن الزمن وعلى اساسه تقدر تربي اولادك وطبعا لا تنسي تكوينك من ناحية الدين هو ده الاساس اللي هتنطلق منه ان شاء الله
تم النشر الأحد، ١١ مايو ٢٠٢٥
من وجهه نظري الارتباط ملوش سن مناسب مدام عديت ال 20 سنه وماديا مقتدر وسوي نفسيا وعقلك ناضج بحيث تقدر تستوعب انك هتفتح بيت وهتبقي رب اسره ومسؤول عنها سواء دينيا او ماديا او حتي نفسيا ف تمام تقدر تدخل ف علاقه اما بالنسبه للبنات في هي مدام عدت نفس السن دا وفيها نفس المواصفات دي بس نزود عليها بقي نقطه التدبير المنزلي وقدرتها ع اداره البيت في تمام برضه مفيش مانع للارتباط
تم النشر الأحد، ١١ مايو ٢٠٢٥
تم النشر الأحد، ١١ مايو ٢٠٢٥
بعيد عن الموضوع خالص بقا والله انا بحب الناس اللي بتبقا لدغه دي انا مش بتريق والله بس بتبقا لغتهم عسل وأن شاء الله هحطه ضمن المواصفات بالنسبالي ومش بهزار والله بتكلم جد 😅
تم النشر الأحد، ١١ مايو ٢٠٢٥
تم النشر الأحد، ١١ مايو ٢٠٢٥
تم النشر الأحد، ١١ مايو ٢٠٢٥
انا شايف أن دي انسب اجابه فعلا 👌🏼شكرا 🤍🤍
تم النشر الأحد، ١١ مايو ٢٠٢٥
الارتباط الصح للشخص الناضج فقط
تم النشر الأحد، ١١ مايو ٢٠٢٥
لعرض السؤال في فدني اضغط هنا