السلام عليكم
أرجوكم أنا مش عايزة تعاطف و لا حاجة
أنا عايزة نصيحة من حد في نفس ظروفي
أنا بشتغل في شركة برمجة و ذكاء اصطناعي sales برد على بوستات فيس بوك و بكلم العملاء الي بتيجي من الاعلانات و بقالي 7 شهور، أنا بيجي عملاء من الاعلانات حاولي 40 او 30 عميل و بتواصل معاهم كلهم و لكن معظمهم بيمشوا بسبب الاسعار احنا سعر CRM 2450 الباقة الاولى 3 شهور و من بوست الفيس حققت 44000 و من الاعلانات حققت 10000 بعد محاولات و بنت معايا هي الي بتقسم الليد و بتختارها لنفسها، و أنا حاولت كتير اقفل و بتعب في الديل اوي و مفيش، و صاحب الشركة بجد بيقلل مني اوي و البنت الي معايا دي مش بتتحاسب و أنا بحب اتعلم اوي و جيت على اساس اني اتعلم لأن اول تجربة ليا و بجد الكل بقى بيقلل مني و بتحاسب على كل كبيرة و صغيرة غصب عني، و أنا ماسكه جزء Partner ship في الشغل كمان و بحاول بكل الطرق و بجد بقيت بحس آني قدراتي ضعيفة و مش قادرة و اقول للمديري ساعدني اقفل لاني لسه صغيرة يقعد يتكلم كتير و يقولي اعملي شغلك صح و مش عارفه و أنا بعمل بجد كل أقصى حاجة و لكن ساعات بنسى اكتب في السيستم ، كدا و غير الكلام الي بسمعه يتقال في وشي و كل دا و أنا كان غرضي من الاول اني اتعلم بس كل الي حصل إن ثقتي في نفسي ضعفت اوي خصوصا من الكلام الي بيتقال و مشكلة تانيه عندي أنا مش بعرف اخد قرار لوحدي معنتش واثقه في قراراتي
ارجو النصيحة و المساعدة
وعليكم السلام. أنا فاهمة موقفك تمامًا، وهو موقف كتير بنات بيمرّوا بيه في أول تجربة عمل، خاصة في المبيعات. مش هقولك كلام تعاطف، هقولك نصايح عملية بناءً على اللي وصفتيه. أول حاجة: ركزي على إنجازاتك الملموسة. حققتِ ٤٤ ألف من البوستات و١٠ آلاف من الإعلانات في ٧ شهور، ده رقم مش بسيط، وده يثبت إنك قادرة توصلي للعملاء. المشكلة مش في قدراتك، المشكلة في توزيع الليدز والسعر. جربي تطلبي من صاحب الشركة تغيير طريقة توزيع الليدز بشكل عادل ومكتوب، أو على الأقل تاخدي نسبة من الليدز اللي بتيجي من مجهودك. لو رفض، ابدئي تسجلي كل ليد جاي منك ونتيجته في جدول خاص بيكِ عشان تقدري تثبتي قيمتك بالأرقام. ثاني حاجة: مشكلة الثقة في القرارات. ابدئي بقرارات صغيرة يوميًا وتسجليها، زي "هكلم العميل ده بطريقة كذا" أو "هقترح عرض بديل". بعد كل قرار، اكتبي النتيجة حتى لو سلبية. ده هيساعدك تبني ثقة تدريجيًا بدون ما تنتظري موافقة المدير. كمان، لما تنسي تكتبي في السيستم، حطي تذكير يومي على الموبايل قبل ما تخلّصي الشغل. ثالث حاجة: التعامل مع التقليل من المدير. خلّي تواصلك معاه مكتوب قدر الإمكان (واتساب أو إيميل) عشان يبقى فيه سجل. لما يقولك "اعملي شغلك صح"، ردي بسؤال محدد زي "عايزة أعرف إيه اللي ناقص في الديل ده عشان أحسّنه؟" ده بيحول الكلام لنقاش مهني مش شخصي. رابع حاجة: لو هدفك الأساسي التعلم، حددي ٣ مهارات عاوزة تتعلميها في الـ٣ شهور الجايين (مثل كتابة عروض أفضل أو التفاوض على السعر) وابحثي عن مصادر مجانية أو مدفوعة بنفسك. الشغل ده مش هيعلّمك لوحده لو الجو سام. لو عايزة نصيحة أكتر تفصيلاً في نقطة معينة قوليلي.
تم النشر الثلاثاء، ٢١ يوليو ٢٠٢٦
حاسة من كلامك المكان بياخد اكتر ما بيديكي ، خليكي في شغلك دا بس دوري ع حاجة زيه ومجرد ما تلاقي فرصة شغل تانية سيبيه فورا ، طول ما هما محسسينك انك مش كفاية شوية شوية انتي هتصدقي الفكرة دي عن نفسك ودا ممكن يأثر عليكي على المدى البعيد ، دروي وبإذن الله هتلاقي بئية عمل مريحة تقدرك 🤍
تم النشر الأربعاء، ٢٢ يوليو ٢٠٢٦
عليكم السلام .. انتبهي المدير يستغلك نفسيا وانتبهي اكثر لأن استغلاله قد يتطور. اتركي هذا العمل وابحثي عن غيره.
تم النشر الثلاثاء، ٢١ يوليو ٢٠٢٦
لعرض السؤال في فدني اضغط هنا