إبعدي عن أي شخص سلبي بينتقد أو بيقارن وحاولي تقربي من ناس إيجابية زيك، كلنا بيمر علينا أوقات عدم ثقه في نفسنا ودا بسبب إننا بنستسلم للأفكار السلبية ( اللي من ضمنها كلام بعض الناس الغير سوية اللي هدفهم يرفعوا ثقتهم بنفسهم عبر إنهم يقولوا كلام جارح للي قدامهم ) إنتِ وصفتي زميلتك دي صح لما قلتي إنها بتستمد طاقة جمالها من إنها تحسس اللي حواليها إنهم أقل منها أو إن فيهم عيوب .. شيلي الأفكار دي من دماغك وإتأكدي إن اللي بيقولك إتخني ممكن من جواها تكون بتتمنى توصل لجسمك واللي بتقولك إزاي العريس إتقدملك دي متغاظه إنه متقدملهاش هي والغل ظاهر في عيونها .. نصيحتي ليكي مهما سمعتي كلام سلبي شيليه من دماغك ومتفكريش فيه نهائي ولا كإنك سمعتيه إنتِ الحمدلله كبرتي ومش زي زمان أيام إعدادي كنتِ بتصدقي كلامهم أو بتفكري إنهم بيقولوا كدا عشان دي حقايق .. إنتِ كبرتي وعرفتي إن في مرضى نفسيين بيتلذذوا في إنهم يجرحوا اللي قدامهم بكلامهم عشان يعوضوا النقص اللي حاسين بيه.. والحمدلله إنك الطرف المجروح وليس الجارح لأنهم هيندموا جدا بعدين بعد ما يتعالجوا أو يجربوا الإحساس على كل كلمه سلبيه قالوها وهيعانوا من تأنيب الضمير دا غير الذنوب الكتير اللي أخدوها الكلمه الطيبة صدقة..
انا متأكده انك جميلة قلبا وقالبا، خليكي واثقه في نفسك مش عشان الكل مهتم بالماركات او حاطين معايير جمال لازم نكون ماشيين عليها، ايه هيحطوا معايير لتصنيف خلق ربنا؟ الحمدلله على نعمه الصحة و الاتزان العقلي و انك مش سطحيه زيهم و بتبصي للناس من الخارج فقط..
تم النشر الثلاثاء، ١٤ مايو ٢٠٢٤
انا نفسي مبقاش في يوم زيهم ابدا وبقول يارب مبقاش بسطحية دي... انا اكتشفت أن انا مكنتش باخد بالي الشخص الي قدامي لابس ايه اصلا واني بتعامل معاه بقلبه بس مؤخراً من كتر ما قابلت ناس كتير مهوسة بالماركة و قيمة اللبس يحطوها من قيمة الشخص لاقيت نفسي باخد بالي تلقائيا وانا مكنتش كده احنا فطرتنا مش كده اصلا ربنا يرجعن لفطرتنا و أصلنا الطيب ويغيرنا للاحسن....بحاول على قد ما أقدر محطش في دماغي نظرات ناس ليا وكلامهم وأحمي نفسي من كلامهم السيئ لكن موضوع صعب بيجي عليا لحظات أنهيار كتير وعدم ثقة في نفس لدرجة ببقا مش عايزه حد يشوفني لاني أقتنعت اني وحشة فعلاً...
تم النشر الثلاثاء، ١٤ مايو ٢٠٢٤
لعرض الإجابة في فدني اضغط هنا