بجد مخنوقة اوي مش طايقة نفسي ولا طيبة قلبي اللي بتوديني في داهية حاسة اني فاشلة مش هنجح دلوقتي ولا حتى بعدين اهلي عمرهم ما كبروني قدام اي حد و دايما مصغريني وانا بسكت
حتى مبقتش عارفة افرق اذا المفروض اتكلم ولا لا
و اذا اتكلمت اهلي هيكونوا واقفين معايا ولا ضدي زي كل مرة كله بسبك انتي اللي غلطانة
انا السبب حتى وانا وانا اتعرض للسب من اخويا يقولوا انتي اكيد عصبتيه إهانة و قلة قيمة قدام اي حد كأن قلبي دا مش مهم كأني مبحسش و عندي مشاعر زي اي حد
لغاية ما بقيت عندي ٢١ سنة بقيت جبانة ضعيفة حتى قبل شوية ماما اتعصبت عليا و قالت لي كلام جارح و كنت حاسة قلبي هيقف و مش قادرة اتنفس مهتمتش حتى لا هي و بابا و لا حتى اخويا كأني مليش لازمة و بتقول عليا بمثل
زهقت من ضعف الشخصية اللي عندي عايزة اتغير عايزة حياتي تبقى احسن انا تعبت تعبت اوي والله و مش قادرة
حاولي تفهمي نفسك أن ده عادي بحصل مع اي حد حاولي تخبي مشاعرك خلي شخصيتك جديه مش تتكلمي لا ساعات الجد اتكلمي على حاجه انتي شيفاها صح مش تفتكري مواقف لحد وتقلديه يمكن الموقف مش زي الموقف خليكي بالك مرتاح نفسيتك هاديه عشان لما يحصل موقف تعرفي تردي مش حصلت معاكي لما تكوني لوحدك بتقولي يا ريتني قلت كده ده يبقى كلام حلو لو قلته ليه مش قلتيها في الموقف عشان انتي حاطه نفسك في ارتباك وقلق وضغط انك تجاوبي غلط او تتكلمي لو خليتي نفسيتك مرتاحه زي ما بتبقي لوحدك هتعرفي تتكلمي بصراحه خلي ليكي طبع طبع ليكي مستقل عن اي حد علمي الناس انتي بتكرهي اي وبتحبي اي خلي ليكي رأي خلي الناس أو اهلك ياخدو رأيك في كل حاجه انتصري على ذاتك بعد كده هتحسي أن الدنيا دي مش أسوأ حاجه حاولي تفهمي نفسك أن الي قدامك ده بنكسف بردك بيجي اوقات مش بعرف يتكلم بعيط بردك خليكي كده صعب ان اي حد يأثر عليكي وربنا يوفقك
تم النشر الثلاثاء، ٢٣ ديسمبر ٢٠٢٥
يا حبيبتي، أنا ذكية هنا معاكِ، وأنا آسفة جداً إنكِ مخنوقة كده وبتعاني من الإهانات دي من أهلك. قلبك الطيب ده مش ضعف، ده قوة، بس محتاجة تتعلمي تحميه. أنتِ مش فاشلة خالص، ٢١ سنة ده بداية حياة، وأنتِ قادرة تتغيري وتنجحي إن شاء الله. خطوات عملية عشان تبدئي التغيير دلوقتي: ابني ثقتك بنفسك يومياً : كل صباح، اكتبي ٣ حاجات نجحتِ فيها (حتى لو صغيرة زي "قمت بدري" أو "طبخت أكلة حلوة"). اقريها بصوت عالي قدام المراية. ده هيخليكِ تشوفي قيمتك بعيداً عن كلام أهلك. ضعي حدود مع الأهل : المرة الجاية لما يسبوكِ أو يصغروكِ، قولي بهدوء وثبات: "أنا مش هقبل الكلام ده، وهسيب الغرفة دلوقتي". مش لازم تصرخي أو تتخانقي، بس امشي. مع الوقت، هيحسوا إنكِ مش هتسكتي زي الأول. تعاملي مع الإهانات : لما يقولوا "أنتِ الغلطانة" أو "ضعيفة الشخصية"، ردي داخلياً: "ده رأيهم، مش حقيقتي". مارسي الردود دي لوحدك أولاً عشان تطلعي قوية. وادعي ربنا يلين قلوبهم. خطة يومية للحياة الأحسن : حددي هدف صغير كل يوم (مثل تعلم مهارة جديدة أونلاين زي التصميم أو الطبخ الاحترافي عشان تشغلي نفسك وتكسبي فلوس). ابدئي دلوقتي بـ١٠ دقايق يومياً، وهتشوفي الفرق في أسابيع. أنتِ مش جبانة، أنتِ طيبة وبتحسي عميق، وده هيخليكِ تنجحي أكتر لما تحمي نفسك. تعبتِ؟ خدي نفس عميق (مش تمرين، بس لحظة هدوء)، وادعي: "اللهم أعنِّي على نفسي". استمري، وهتبقي فخورة بنفسك. لو عايزة نصائح أكتر، دوري في فدني على أسئلة مشابهة هتلاقي إجابات كتير. ولو محتاجة استشارة متخصص، شوفي الخبراء هنا: https://www.fedni.net/experts. أنتِ قوية يا بنتي، هتنجحي إن شاء الله! 💪❤️
تم النشر الثلاثاء، ٢٣ ديسمبر ٢٠٢٥
يعني خدي أمور بجدية اكتر وخليكي في أمر الواقع مش هتقدري تبدلي وتغيري ابوكي وامك واخوكي ولا تعرفي عشان ده تتغيير من جوا داخلي اللي تقدري تعمليه تغييرك لنفسك الداخلي متقوليش جبانه قوي نفسك بنفسك يعني خليك واثقه من نفسك لو في جامعه قدمي في مشاريع اتعرفي علي زميلات لكي ولما تثقي بنفسك هما هيثقوا فيكي صدقيني
تم النشر الأربعاء، ٢٤ ديسمبر ٢٠٢٥
ازاي مش فاهمة
تم النشر الأربعاء، ٢٤ ديسمبر ٢٠٢٥
هو بذكاء كل أمور تتخل
تم النشر الأربعاء، ٢٤ ديسمبر ٢٠٢٥
لعرض السؤال في فدني اضغط هنا