طول الوقت جسمي متكسر وهمدانة ومفيش طاقة واعمل اي مجهود بسيط جدا اتعب واحس ان جسمي كله بيوجعني
عضم جسمي كله بيوجعني وكمان بيطرقع كتافي بركبتيني وضهري طول الوقت
عندي ٢٧ سنة ومعنديش انيميا ولا نقص في فيتامين دال ولا مشكلة في وظايف الكبد ممكن حد يفيدني لو في المجال الطبي اقدر اعمل ايه ؟
السلام عليكم، الأعراض دي ممكن تحصل لأسباب تانية غير الأنيميا ونقص فيتامين دال، زي نقص فيتامينات ومعادن تانية مهمة أو وجود التهابات أو إرهاق عام، كمان لو فيه اضطرابات نوم ممكن تسبب الإرهاق والخمول وتكسير الجسم. بالنسبة للطقطقة فبتحصل مع ناس كتير بس لو فيه تورم أو احمرار أو ألم شديد مع تحريك المفصل يبقى تتأكدي من كشف العظام إن مفيش التهابات مفاصل أو مشاكل تانية. أنتِ الاول اكشفي باطنة عشان الكشف والفحوصات والتحاليل التانية اللي ممكن يطلبها هي اللي هتستبعد الأسباب المختلفة وتحدد مشكلتك والعلاج وإذا لقى إنك محتاجة توجيه لتخصص اني هيقولك. لا تتأخري في الكشف، بس على ما تكشفي اهتمي بأكلك نومك ويا ريت لو تمارسين رياضة ولو عشر دقائق في اليوم، مش شرط رياضة تقيلة، تمارين تمدد بسيطة هتكسب جسمك مرونة وتقلل وجع العظام والعضلات اللي بتحسين به. وألف سلامة.💚
تم النشر الأربعاء، ١ يوليو ٢٠٢٦
أنا آسفة إنك بتعاني من هذه الأعراض اللي بتأثر على طاقتك وحركتك اليومية، وده شيء طبيعي يخلي الواحدة تحس بالإحباط. لكن تذكري إن إجابتي مش بديل عن استشارة طبيب متخصص، وأفضل خطوة هي زيارة طبيبة أو طبيب لتقييم حالتك بشكل مباشر. بناءً على وصفك (تعب عام، آلام عضلية وعظمية منتشرة، طرقعة في المفاصل، واستبعاد الأنيميا ونقص فيتامين د ومشاكل الكبد)، قد تكون الأسباب مرتبطة بأمور أخرى مثل نقص فيتامينات أو معادن أخرى (مثل فيتامين B12 أو المغنيسيوم)، أو مشاكل في الغدة الدرقية، أو التهابات مفصلية، أو حتى حالات مثل الفيبروميالجيا. الطبيبة قد تطلب فحوصات إضافية مثل تحليل وظائف الغدة الدرقية، صور أشعة، أو فحوصات روماتيزمية لتحديد السبب بدقة. ابدئي بزيارة طبيبة باطنة أو روماتيزم لفحص شامل، وخذي معاكِ قائمة بالأعراض ومتى بدأت. في الوقت الحالي، حاولي الحفاظ على نظام غذائي متوازن غني بالبروتين والخضروات، وممارسة تمارين خفيفة مثل المشي حسب قدرتك، مع الراحة الكافية. لو عندك أي تقارير طبية إضافية، شاركيها مع الطبيبة لتسريع التشخيص. خذي بالك من نفسك، وأتمنى لك الشفاء العاجل. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأربعاء، ١ يوليو ٢٠٢٦
انا الهيموجلوبين عندي كويس والفيتامين دال كويس وباخد اقراص فيتامين دال ال حضرتك بتاخدها واسمها دافليندي
تم النشر الخميس، ٢ يوليو ٢٠٢٦
نقص المغنيسيوم جربي تاخذي مغنسيسيوم جليسينيت 400مغ و 4000 وحدة فايتامين د
تم النشر الأربعاء، ٨ يوليو ٢٠٢٦
بعيدا عن الصحة التوكل ع الله الحل ..وخصص ورد يومي من القرآن والله المستعان
تم النشر الأحد، ٥ يوليو ٢٠٢٦
ايوه صح ده الفيتامين د اللي باخده وعلي فكره هو كويس جدا اما بقا موضوع انك الهيموجلوبين كويس يبقا تعملي تحليل دم للانيميا لنقص فيتامين د في الجسم انا لما عملت تحليل الهيموجلوبين وطلع طبيعي بس كتبولي في التحليل ان أعمل صوره دم للانيميا لنقص فيتامين د في الجسم وطلع فعلا عندى نقص في فيتامين د و بسبب كده كنت دايما همدانه و حرفيا مكنتش بقدر اتحرك من مكاني بسبب التعب الجسدى اللي ببقا فيه بسبب الانيميا الحاده بسبب نقص فيتامين د المهم انتي اعملي تحليل انيميا شوفيها كام في الجسم عشان الاعراض اللي بتقوليها دى ممكن تكون انيميا حتي لو انيميا خفيفه في الجسم او نفسيه مثلا او مضغوطه نفسيا او قلقانه او متوتره المهم اعملي تحليل انيميا لو طلعت كويسه في الجسم مثلا 11 او اكتر يبقا الانيميا كويسه اقل من كده يبقا عندك انيميا انا الانيما عندى كانت 7 يعنى حرفيا كانت تكه وانقل دم وحرفيا برضو بسبب الانيما الشديده دي في ولادتي الاولى جالي نزيف شديد بعد ولاده ابني علطول ونقلت 7 اكياس دم و 3 بلازما فا لو هي انيميا الحقيها من دلوقتى عشان صحتك تكون كويسه ولو هي نفسيه متزعليش نفسك صدقيني هيجي عليكى وقت وهتكتشفى ان محدش يستاهل تزعلي عشانه
تم النشر الجمعة، ٣ يوليو ٢٠٢٦
و علي فكره ساعات بتبقى نفسيه انا برضو قبل كده بطني فضلت بتوجعني جامد وكل ما اروح لدكتور يقولي السبب مش عضوى السبب نفسي كانت بطني بتوجعني وكل شويه اخش الحمام مع ترجيع وفي الاخر السبب طلع نفسي
تم النشر الخميس، ٢ يوليو ٢٠٢٦
ده انيميا و نقص الحديد في الجسم هو اللي بيعمل ده اعملي صوره دم لو ظهر انيميا او نقص فيتامين د انا برضو زيك كده ولما عملت صوره دم طلع نقص فيتامين د في الجسم كان في دوا باخده كان كويس جدا لنقص فيتامين د ممكن تروحي اي صيدليه وتقوليله عايزه دوا فيتامين د هو. بيبقا علبه صغيره انا اخر مره كنت جايباها ب 55 جنيه معرفش دلوقتى بكام بس ده لو انتي عندك نقص فيتامين د اما بقا لو انيميا انا برضو كنت متشخصه الاول انيميا حاده والدكتور كان مدينى حقن حديد و قالي لو مجبتش نتيجه هننقلك دم المهم انتي لزم تروحي المستشفى و تكشفي عشان لو عندك مشكله في صحتك تلحق تتحل بدرى بدرى
تم النشر الخميس، ٢ يوليو ٢٠٢٦
لعرض السؤال في فدني اضغط هنا