انا وشي بهتان وشفايفي بهتانه ومايله للابيض
ده غير ان ذاكرتي ضعيفه اوي وتركيزي ضايع
التزمت على الحديد لمدة ٣ شهور وكان ١٩ وبقا ٦٩ وبعدين حللت تاني من قريب لقيته ٦٢
وانا كنت عايزة ارفعه واخليه ١٠٠ مش عارفه ايه اللي حصل علشان ينزل كده
ومش عارفه اعمل ايه تاني علشان ارفعه
ورغم انه اترفع الا ان مفيش اي حاجة اتعالجت لا وشي ولا شفايفي ولا ذاكرتي وحتى شعري لسه بيقع زي ما هو
اعمل ايه بجد
السلام عليكم، أولا ألف سلامة عليكِ، شفاكِ الله وعفاك.💚 الأعراض ممكن تحصل من مشاكل تانية مش بس نقص الحديد، ممكن يكون فيه نقص فيتامينات وخاصة فيتامين د وفيتامين بي ١٢ ولو الدورة غزيرة ده ممكن يزود المشكلة ولو فيه مشاكل في التغذية والامتصاص. فهتحتاجي ترجعي لدكتور الباطنة عشان تعملي تحاليل تانية، زي صورة دم كاملة وفيتامينات وحديد في الدم وتحاليل الحديد الباقية (عشان التأكد من عدم وجود مشاكل في المخزون أو امتصاص الحديد) ووظائف غدة درقية. **** الشعر عادي ممكن التساقط يستمر لفترة ومش شرط يتحسن بعد رفع الحديد، الشعر بيحتاج وقت للتعافي بعد العلاج، فاهتمي بعلاجك وبالأكل الصحي المغذي للشعر وامشي على روتين صحي للعناية بالشعر، ولو مستمر التساقط بعد كده تابعي مع طبيبة جلدية. *** بلاش تاخدي أدوية أو فيتامينات من نفسك بدون إشراف الطبيب. ** ونصيحة أخيرة، اهتمي بحالتك النفسية عشان بتؤثر على حالتك الجسدية والصحية. وألف سلامة مرة تانية.💚
تم النشر الأحد، ١٣ سبتمبر ٢٠٢٦
أنا آسفة إنك بتمري بكل ده، وواضح إن الموضوع بيأثر على يومك وتركيزك وثقتك بنفسك. اللي بتصفيه (شحوب الوجه والشفايف، تساقط الشعر، ضعف الذاكرة والتركيز) أعراض كلاسيكية لنقص الحديد، وإن مستواك ارتفع من 19 لـ69 ثم نزل لـ62 ده يعني إن فيه حاجة بتأثر على الامتصاص أو الاستمرارية، زي النظام الغذائي أو الدورة الشهرية أو مشاكل في الأمعاء. أول خطوة عملية دلوقتي: روحي لدكتور دم أو باطنة عشان يعمل تحاليل إضافية (فيريتين، فيتامين B12، فيتامين D، وفحص لامتصاص الحديد). ممكن يكون فيه سبب خفي زي التهابات أو نزيف خفيف بيخلي المستوى يرجع ينزل رغم المكملات. متستنيش لحد ما الأعراض تتفاقم. في الوقت نفسه، ركزي على مصادر طبيعية للحديد مع فيتامين C عشان يساعد الامتصاص: لحوم حمراء، سبانخ، عدس، وبرتقال أو ليمون مع الوجبات. تجنبي الشاي أو القهوة مع الأكل مباشرة. ولو الدكتور وافق، ممكن يعدل الجرعة أو يغير نوع المكمل. بالنسبة للتركيز والذاكرة، جربي تقسيم المهام لفترات قصيرة مع فترات راحة قصيرة، وكتابة اللي عايزة تتذكريه. لو الأعراض مستمرة بعد رفع الحديد، ممكن يكون فيه عوامل تانية زي التوتر أو نقص عناصر أخرى، فالمتابعة الطبية هي الأهم. خدي خطوة دلوقتي وهتتحسني إن شاء الله. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر السبت، ١٢ سبتمبر ٢٠٢٦
النفسيه تأكل من الشعر مثل ما يأكل الشعر من غذاء جسمك. لازم توازني بين الاتنين دول
تم النشر الأحد، ١٣ سبتمبر ٢٠٢٦
هيا النفسيه مفيش غير كدا
تم النشر الأحد، ١٣ سبتمبر ٢٠٢٦
نفسيتك كويسة؟
تم النشر السبت، ١٢ سبتمبر ٢٠٢٦
لعرض السؤال في فدني اضغط هنا