أنا كنت بحب شخص من عيلة والدتي كنا الأول صحاب و بعد كده هو اعترف لي لمده خمس سنين و احنا نعرف بعض و هو كان بيخلص كلية و كان مكلم امي علي انه هيجي يتقدم بعد ما يخلص جيش بس الي حصل عكس كده هو بدأ يبعد و اتفاجئت بعد أما خلص جيش انه خطب كمان المشكلة إن أنا كنت بحبه بجد مش عارفه اتخطى بقالي سنتين بحاول اتخطى مش عارفه الموضوع صعب وأنا حاليا في اهم فترة في حياتي الي هقدر من خلالها ابقا في كلية و اعلى مش عارفه اركز في مستقبلي لغيت كل حاجه بتجمعنا بس لسه مشغولة بيه أعمل ايه بجد
عارفه إن الموضوع صعب جداً ومش هعرف أعرف اقولك انسي بسهوله بس كل ما تفتكري إنك بتحبيه وقعدتوا طول الوقت ده سوا افتكري اللحظه اللي باعك فيها ومعملش حساب حاجة بينكم باعك يمكن عشان مستقبله وحياته برضو تفتكري يستاهل تضيعي مستقبلك عشانه طبعاً غلط العلاقه اللي منغير حاجه رسميه بس ربنا غفور رحيم وهيعوضك وهيجبر قلبك كمان بس انتي لازم تحاولي ومتبينيش الضعف ده قدامه هي فترة صعبه هتفوقي فيها وتدوسي علي نفسك شويه وكل ده هيعدي مش هتنسي بس مش هيفرقلك بعد كدا انشغلي بنفسك عشان انتي أقوي من إنك تقعي كدا
تم النشر الأربعاء، ١ أبريل ٢٠٢٦
بتحبي ولا متعلقة ، طب متعلقة بيه شخصياً و لا بإحساسك و مواقفك معاه ، طب الإحساس و المواقف دي لسه مفتقداها و بتبتسمي لما بتفتكريها ولا مش بتأثر عليكي ، طب هي بس المواقف اللي كانت معاه ولا عقلك اتخيل مواقف خيالية جديدة اتضافت على القديمة فعملت ميكس كومبو مواقف واقعية على خيالية ، حبيتي و اتغدر بيكي ، وهو عايش و انتي عايشه بس على اللي فات ، عكس الحب مش كره علشان حتى الكره معناه ان فيه مشاعر ، عكس الحب الولا حاجه ، لازم كل اللي فات و عدى و مريتي بيه يبقى بالنسبة لك ولا حاجه ، غير كده ، هتبقي بتتفرجي على حياتك و هي بتضيع من ايدك و بتروح منك ، و مشاعرك عماله تتسرق منك. و بتروح لمكان ما بيديش مقابل فمخزون مشاعرك عمال يفضى من غير ما يتملي فبتستهلكي و بتستنزفي بالبطئ ، و وحده وحده هتلاقي نفسك بقيتي جوفاء مطفيه ، مسحتي كل حاجه تخصه خارجياً ، لكن لسه كل حاجه موجوده جواكي ، لازم كل ده تحطيه في صندوق الولا حاجه ، وكل ما عقلك يجيب سيرته و يفتكره او يتخيلك معاه ، قوليله و بإبتسامه و نفس عميق طظظظ ، و بالتوفيق 😊
تم النشر الاثنين، ٣٠ مارس ٢٠٢٦
يا حبيبتي، أنا ذكية، وأنا هنا معاكِ قلباً وقالباً. أول حاجة، أنا فاهمة تماماً إحساسك ده… خمس سنين حب ووعود، وفجأة يختفي ويختار طريق تاني؟ ده مؤلم جداً، وطبيعي إن السنتين دول ما يكفوش عشان تتخطي، خاصة لو كان أول حب كبير. بس إنتِ قوية، وده مش نهاية العالم، ده بداية أحسن إن شاء الله. إيه الحل العملي دلوقتي؟ اقطعي الذكريات نهائي : عملتِ كويس إنكِ حذفتِ كل حاجة، بس لو في صور أو أماكن بتفتكركِ بيه، غيريها أو أخفيها مؤقتاً. اكتبي ورقة بكل اللي كان سيئ فيه (اللي باعد وما وقفش كلامه)، واقريها كل يوم عشان تفتكري الحقيقة. ركزي على دراستك زي هدف مقدس : إنتِ في أهم فترة، فاعملي جدول يومي صارم: ساعات دراسة ثابتة (مثلاً 4 ساعات يومياً مقسمة)، وكافئي نفسك بوجبة حلوة بعد كل جلسة. لو مش قادرة تركزي، ابدئي بـ10 دقايق بس وهتستمري. تذكري: نجاحك ده هيفتحلك أبواب أحسن من أي حب فاشل. من منظور إسلامي : صلي كل يوم، وادعي ربنا يريح قلبك ويبدلك خير. قولي "حسبي الله ونعم الوكيل" كل ما يجيلك الهم. وزي الحكمة ما بتقول "تفاءلوا بالخير تجدوه". ربنا عنده زوج صالح أفضل، مش هيضيعكِ. روتين يومي بسيط : مشي 30 دقيقة يومياً (مش رياضة ثقيلة)، اقري كتاب مفيد عن تطوير الذات (زي "لا تحزن" لعائض القرني)، ونامي باكراً عشان عقلك يرتاح. إنتِ هتتخطي، صدقيني، الوقت والعمل هيعملوا السحر. لو عايزة دعم أكتر، دوري في فدني على أسئلة مشابهة عن "التخطي العاطفي" هتلاقي إجابات كتير، أو شوفي الخبراء هنا: https://www.fedni.net/experts – في متخصصين نفسيين هيساعدوكِ. قوليلي إيه رأيك في الخطة دي، وهتقدري! 💪❤️
تم النشر الاثنين، ٣٠ مارس ٢٠٢٦
حزين جدا عل موقفك ولاكن المواعده كانت من بدايتها غلط وحرام وسكه الحرام اخرها وحشه فقال الله تعالى : "عَلِمَ اللَّهُ أَنَّكُمْ سَتَذْكُرُونَهُنَّ وَلَكِنْ لَا تُوَاعِدُوهُنَّ سِرًّا" ٢٣٥ البقرة ... وقال تعالى : "وَلَا مُتَّخِذَاتِ أَخْدَانٍ ۚ " ٢٥ النساء .... مش جاي اعاتب بس حابب افكرك ان دي نتيجه متوقعه وعايز اقولك انك اياكي توقعي في نفس الغلط نهائي لان كتير من الناس عشان قال يعني ينسو يغلطو نفس الغلطه .... صحيح ضاع ٥ سنين على حد كان بيتسلى بس حابب اقولك اتخطي ده بنيه التوبه هتكون اسهل عليكي من انك تفكري فيه لانك باختصار ناوي التخطي لاجل الله ... وركزي في دراستك وحطي هدفك قدامك كصوره عل التلفون تفكرك بهدفك ولو مفيش هدف لا ضروري تحطي هدف عشان تعرفي تكملي .... ولو رجعلك تاني و حد حب يكلمك تاني اياكي ثم اياكي ثم اياكي تكرري نفس الغلطه... استري نفسك يبنت الناس واحفظي نفسك واهلك وبيتك عشان يجيلك عريس محترم وصالح... فالصالح مش هيقبل الا بصالحه والصالحه مش هتقبل الا بصالح
تم النشر الاثنين، ٣٠ مارس ٢٠٢٦
هو مش المفروص متفق مع والدتك ؟ معقول خطب من غير ما يقولها مفيش نصيب حتى ؟ + عموما العلاقات اللى ملهاش أصل واضح أو ظاهرة عموما ف كلها علاقات مسمومة مؤذيه وكلام العضو اللى فوقى واضح فى الحتة ديه + أهم حاجه انتى دلوقتى نفسيتك و مستقبلك طب هتتخطى ازاى أول حاجه أى حاجه ليها علاقة بيه أو ممكن حتى تفكرك بيه تتمسح بلوكات واقع ومواقع تحاولى تتلاشى انك حتى تشوفيه صدفه كأن دا مات تماما حفظا على نفسيتك .... تحاولى ترجعى الثقة فى نفسك تهتمى ب نفسك لبسك شكلك و تهتمى ب دراستك وتشغلى نفسك كتير متسيبيش ل نفسك وقت أصلا انها تفكر فى حاجة .... لازم تصنعى شئ خاص بكى حاجة جديده يعنى هواية مثلا أو عادة معينه زى القرآءه مثلا دخلى نفسك فى عالم القرآءه هتحسى بفرق والله المهم أى حاجه خاصة وتكون شئ جديد على روتينك تلجأى ليها لما تزعلى + ... أهم حاجة اللى انتى فيه دا وساوس من وساوس الشيطان حافظى على الأذكار علشان تحفظى نفسك وقلبك وياه بقى لو تواظبى على قرآءة سورة البقرة يوميا اقسم بالله فيها مفعول السحر حرفيا ربنا يرزقك الزوج الصالح ويكتب لك اللى فيه الخير
تم النشر الثلاثاء، ٣١ مارس ٢٠٢٦
شكراً جداً
تم النشر الاثنين، ٣٠ مارس ٢٠٢٦
لعرض السؤال في فدني اضغط هنا