السلام عليكم طبعا هو الطلاق صعب بالنسبه للام للاب والاطفال هم الضحيه اللي بيدفعوا الثمن للاسف لكن س علشان خاطر مصلحه الولاد ساعات بيبقى فيه اوقات كتير الاب والام ما يقدروش يكملوا حياتهم مع بعض وبالتالي بيبقى الطلاق هو الحل طيب احنا دلوقتي في مشكله بالنسبه للاولاد يعني انا شايفه من كلام حضرتك انك ما شاء الله عليك اب يعني مهتم باولادك وبتراعيهم وعايز الصالح ليهم دايما ومهتم بصحتهم النفسيه. ودي فرصه كويسه لك ان انت تقرب منهم اولا الفكره الوقت اللي انت بالرؤيه اللي انت بتشوفهم فيها ممكن تسال حد قانوني وتستشيروا هل في امكانيه زياده اوقات الرؤيه لولادك لو ما حصلش استغل الوقت دوت كله ان انت تحاول تزرع فيهم اييي الحب اللقاء الصفاء الصدق ما تقولش اي كلمه وحشه على امهم ما تقولش على ما توصفش امهم بصفات مش كويسه ما تحكيش للولاد حاجه عن علاقتك بامهم خالص كل ال ال الفتره اللي انت بتزوره. او بتقابلهم فيها تبقى ليكوا انتوا يبقى اعملوا اا علاقه كبيره مع بعض تخليهم ان هم على طول عايزين يحكوا لك ويقربوا منك وطول ما انت مش موجود قدامهم هم بيحاولوا يطبقوا الكلام اللي انت بتقوله مهما كانت امهم زي ما حضرتك بتقول ممكن تكون صعبه شويه او بتتعمل بطريقه خاطئه عشان كده لازم انت تكون قدامهم حتى لو انت مش موجود ااا حاول تتكلم مع مامتهم لان في الاخر انا دايما بقول ان ال ان الاسره مش بس زوج وزوجه دور الزوج والزوجه ممكن يخلص لكن دور الاب والام عمره ما بيخلص لان عندنا اولادنا واولادنا دول امانه في رقبتنا الى يوم الدين فحاول تتكلم مع مامتهم حاول توصل. لتفاهم مع مامتهم ازاي ان هي تقرب منهم ازاي ان انتوا الاتنين تحتوي الولاد لان دول كمان صبيان فهيبقوا محتاجين مع الوقت هيبقوا محتاجينك انت اكثر من امهم لما يكبروا شويه فما تقطعش حبل ال ال مش الود بس العلاقه اللي بينك وبين الام ااا في اطار الاحترام اا وحاول تتواصل معاه ولادك حاول تحتويهم وتملي حياتهم لو في امكانيه ان انت تتواصل معاهم من خلال الواتساب او اي ابلكيشن يا ريت تبقى موجود معاهم على طول يحكوا لك يقربوا منك همم.اعات بيبقى الطلاق هو الحل الوحيد.
زي ما قلت لحضرتك لازم تكون متواجد على طول تكلمهم و تتابعهم تدخل حياتهم تفتح مواضيع المناقشه على اد سنهم خليهم يحسوا بالأمان و يكونوا واثقين انك موجود اي وقت حيحتاجولك و تدريجيا يعرفوا ان الحياه مش مجرد ماما و بابا عايشين مع بعض عزز ثقتهم في نفسهم دايما فهمهم أنكم فريق واحد بتعملوا بعض زي فريق الكره كلهم متفقين و بيحبوا بعض و دايما واثقين في بعض 1 0
تم النشر الخميس، ١٢ يونيو ٢٠٢٥
عليكم السلام ورحمة الله،، اهلا بحضرتك د.مروى، انا بالفعل بحاول اعمل زي م حضرتك بتقولي وأغلب كلامي معاهم بحاول أنه يكون عن تعريفهم بالدين والقيم والصح والغلط، وبسمعهم جدا .. كمان كلامي عن والدتهم خالي من اي اساءه ليها أو لمكانتها بالعكس دايما بقول أن ماما وبابا بيحبوكم وأنهم بيحبوا بعض وهكذا بوصيهم عليها كأم ليهم لازم يحترموها.. ودايما بحاول أوصلهم فكرة اننا كويسين لكن كل واحد عايش مع أهله. وطبعا بسبب أنهم بيلاقوا عكس الكلام ده من والدتهم تجاهي بقوا مضطربين ما بينا كأنهم تايهين مش فاهمين حاجه.. مشكلتي كمان في تصرفات، بدأت اكتشف أن تعلقهم بالاشياء المادية وقت الرؤيه أكثر من اهتمامهم بوجودي من عدمه، حتى أن وقت الرؤيه مفترض أنه ٣ ساعات .. للاسف بيوصلوني متأخر في اخر ساعه واحيانا اخر دقايق.. استأذن حضرتك لو تفيديني في سنهم ده ازاي اقدر اتعامل مع عقلهم من حيث تصليح مفاهيم كتير عارفينها بالغلط، وازاي اتعامل معاهم في الأمور الماديه بشكل لا يجعلهم ماديين.
تم النشر الأحد، ٨ يونيو ٢٠٢٥
لعرض الإجابة في فدني اضغط هنا