انا عندي 21 سنه ورفيعه اوي والموضوع دا مدمر نفسيتي عملت كل حاجه لدرجه اني لجأت للكورتيزون و دمرت نفسي
نفسي اتخن واكون راضيه عن شكلي وابطل ابص للبنات و اتمنى ابقى بس زيهم
السلام عليكم، النفسية بتفرق جدا جدا في موضوع الوزن وصحة الجسم عموما. والرضا عن النفس بيفرق. فبلاش تعملي لنفسك عقدة من وزنك وترهقي نفسيتك وتدمريها لأن ده عامل كبير ممكن هو اللي معطل نجاحك في إنك تقدري تزودي وزنك. لو تعاملت مع الموضوع بهدوء هتقدري تلاقي الحل وجسمك إن شاء الله هيتقبل علاجه. ********* هتحتاجي الأول تتابعي مع طبيبة تغذية وممكن تحتاجي تعملي فحوصات الأول لأن فيه أسباب عضوية لخسارة الوزن والنحافة المستمرة. فنطمئن الأول من الناحية دي ولو فيه سبب يتعالج عشان تشوفي نتيجة إن شاء الله، وبعدها الطبيبة تتابع معك على نظام صحي من أكل وتمارين. وبلاش طرق ووصفات من نفسك أو لجوء لكورتيزون تاني، محتاجة نظام صحي عشان متكونش زيادة الوزن غير صحية ومضرة بجسمك. ** وأرجع وأؤكد، نفسيتك مهمة ورضاكِ عن النفس مش بشكلك ولا وزنك، لازم ترضي عن نفسك في كل الأحوال، مش شكلك اللي هيعطيكِ قيمتك. وبطلي متابعة بنات على السوشيال ميديا أو مقارنة نفسك بالبنات على الواقع لأن المقارنة هي كمان عامل سلبي على النفسية وعلى رضاكِ عن نفسك ونجاحك في هدفك عموما. ** استعيني بالله وإن شاء الله يرزقك الصحة والعافية. 💚💚
تم النشر الثلاثاء، ٢٢ سبتمبر ٢٠٢٦
أنا آسفة جدًا إنكِ بتمري بهذه المعاناة، وأقدر إن الموضوع ده مدمر نفسيًا ليكِ في سن 21. الشعور بالرغبة في تغيير الجسم لدرجة المقارنة المستمرة مع الآخرين أمر صعب جدًا، واستخدام الكورتيزون كان خطوة خطيرة أضرت بصحتكِ، وده يؤكد إنكِ محتاجة طرق آمنة وصحية. الحل يبدأ بخطوات عملية: استشيري طبيبة تغذية أو طبيبة عامة أولًا لفحص أي أسباب طبية وراء النحافة مثل مشاكل الغدة الدرقية أو سوء الامتصاص، ثم ركزي على نظام غذائي متوازن غني بالسعرات الصحية مثل المكسرات والأفوكادو والزبادي كامل الدسم والحبوب الكاملة مع وجبات منتظمة. أضيفي تمارين قوة خفيفة تحت إشراف متخصص لزيادة الكتلة العضلية بدلًا من الدهون الضارة، وتابعي تقدمكِ بصبر لأن التغيير الصحي يحتاج وقتًا. نفسيًا، حاولي تقليل المقارنة بتذكير نفسكِ يوميًا بنعم الله عليكِ وبالجمال الداخلي الذي يفوق المظهر، فالإسلام يحثنا على الرضا والعناية بالجسم كأمانة. اكتبي ثلاثة أشياء تحبينها في نفسكِ كل يوم، وإذا استمر الضغط النفسي فكري في استشارة معالجة نفسية متخصصة في صورة الجسم لتتعلمي تقبل ذاتكِ تدريجيًا. أنتِ قادرة على الوصول للرضا، وكل خطوة صغيرة آمنة تقربكِ من هدفكِ. ابحثي عن أسئلة مشابهة على فدني لمزيد من الآراء. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٢٢ سبتمبر ٢٠٢٦
تابعي مع دكتورة تغذية هتفيدك جدًا جدًا جدًا وبلاش كلمة مدمرة عشان نفسيتك وصديقني يا صديقتي كل حاجة ليها حل 🫂🤍
تم النشر الثلاثاء، ٢٢ سبتمبر ٢٠٢٦
اولا ارحمى نفسك من كتر التفكير ده اكبر سبب يخليكى كده ويأثر على نفسيتك اكتر واكتر وعمرك ما هتعرفى تخدى خطوه طول ما دماغك مشغوله ثانيا مهما كان رفعك انتى كده كده جميله وقمر وست البنات اوعى تشغلى دماغك باى بنت تانيه او اى حد حواليكى الموضوع كله نفسيه وتخرجى كل إلى شاغل دماغك لان ده مخليكى تايهه جدا
تم النشر الأربعاء، ٢٣ سبتمبر ٢٠٢٦
لعرض السؤال في فدني اضغط هنا