السلام عليكم ..
انا بنت وعندي ١٧ سنه وفي تالته ثانوي ومتمرمطه بس الحمدلله يعني ،المهم انا بقالي اكتر منه سنه وانا مقدرش اتكلم مع حد وتلخبط في الكلام مع اني مكنتش كدا انا بالعكس جدااا كنت اجتماعيه وبخرج بس بقيت العكش تمام وبقيت مكسوفه بطريقه اوفر ولما حتا بيكون في تجمعات وكدا مبرتحش ولما بشوف بنت حلوه بدني اقارن نفسي بيها وبأي حد هوا دا ليه علاقه بالثقه في النفس.... ولو حد يعرف ازاي اخلي ثقتي في نفسي تزيد انصحوني لاني زهقت والله مبقتش مستحمله كل يوم قبل منام لازم افكر كتير واقول انا ليه عملت كدا وافكر بطريقه غبيههه ..
اه ونسيت اقول حاجه انا الحمد لله بصلي بس مش احسن حاجه بس الحمدلله ربنا يهدينا جميعا...
و عليكم السلام و رحمة الله و بركاته.....انتي ذكرتي انك بقيتي انطوائية و أن غالبا ده بسبب انك مش واثقة في نفسك و دي اول خطوة في بداية التغيير و هي الاعتراف بالمشكلة ثانيا لازم تعرفي انتي ليه مش واثقة في نفسك ذي مثلا انك بتسمعي كلام من اهلك او صحابك او بسبب المشاهير و الممثلين و معايير الجمال ١-لو السبب هو التنمر من الأهل: يبقى تجاهلي كلامهم او ردي عليهم بأسلوب يبين انك حابة نفسك مثلا تقولي " انا عاجبني نفسي كده" ٢-لو السبب هو تنمر الصحاب: يبقى ببساطة ابعدي عنهم لأن دول مش صحاب اصلا ٣-لو السبب هو المشاهير : لازم تعرفي و تدركي كويس ان مش كل حاجه بنشوفها على السوشيال ميديا بتبقى حقيقة و أن معايير الجمال دي كلام فارغ و أن كل انسان جميل بطريقته الخاصة و أن ربنا قال "و لقد خلقنا الإنسان في أحسن تقويم " ثالثا بقى اذاي تزودي ثقتك في نفسك؟ ١-ثقفي نفسك و خصوصا في علم النفس لأنه هيساعدك تفهمي نفسك و الناس الي حواليكي ٢-اهتمي بدراستك و مستواكي الدراسي و انك يكون عندك أهداف بتحركك ٣-اهتمي ببشرتك و لو فيها مشكلات عالجيها ٤- اهتمي بصحتك و جسمك ٥-البسي الي مريح بيحسسك بالثقة بالنفس و لازم يكون لبسك نضيف و مكوي ٦- "fake it till you make it" يعني اصطنعي ثقتك في نفسك لحد ما تلاقيكي واثقة من نفسك من غير مجهود ٧-هو انك تقوي علاقتك بربنا لأن من يحبه الله يحبه جميع مخلوقاته
تم النشر الثلاثاء، ١٦ يناير ٢٠٢٤
مساء الخير ، انا مش اخصائيه ولا حاجه ، بس هقولك اجابتي من وجه نظري بالنسبه للثقه حاول تقفي قدام المرايه وترددي بعض الجمل انا أتقبل شكلي انا احب شعري وبشرتي ومن الكلام اللطيف دا هو الموضوع مضحك شويه بس صدقيني هيخليكي تثقي ف نفسك ،واتعاملي عادي خالص فالمناسبات اضحكي وهزري لو معرفتيش تبقي واثقه ف نفسك بجد عالأقل تصنعي الثقه ،هتتعودي بقا انك تكوني واثقه ف نفسك بجد ، حاولي تتكلمي مع الناس بأسلوب لطيف وتصاحبيهم مع الوقت هتتعودي على كدا انتي مش وحشه ومتسمحيش لحد يحدد قيمتك بشكلك الخارجي اتقبلي شكلك العمر بيتعاش مره واحده بكره لما نعجز ونفتكر شكلنا زمان هنقول يااه قد ايه كنا جمال ومش حاسين ثانيآ بالنسبه لتلعثم الكلام ممكن تتابعي بودكاست وتقري كتب هيوعوكي بشكل وهيخلي لسانك طليق بأذن الله .
تم النشر الاثنين، ١٥ يناير ٢٠٢٤
التفكير الكتير هو السبب افكار متلاحقة وسيناريوهات كتير متلاحقة ...ازاى هيشوفونى وهيقولوا ايه وهيعملوا ايه وهكذا الافكار مش بتخليكى عارفه تقوى ايه ولا ايه فبيحصل التلعثم شوية ترتيب للافكار ...يعنى تطلعى كل اللى فى بالك الاول وتختارى حاجة واحده تقوليها للى قدامك ...هيبدأ الموضوع فى التحسن باذن الله بالنسبة للثقه ..ايه اللى حصل خلاكى تشوفى نفسك اقل من اى واحده تانيه بالشكل ده وتبقى دايما بتقارنى ؟.
تم النشر السبت، ٢٣ ديسمبر ٢٠٢٣
ياجدعان لوجه الله قربو من ربنا انا مش ملاك بس قربي من ربنا لما تقريب من ربنا هتعرفي انك قمر وان خلقنا الانسان في احسن تقويم وان ملهاش علاقه ان دي احلا مني نصيبك مكتوبلك من قبل ولدتك انما الانعزال دا طبيعي بيعدي ع حيات كل انسان ف كل فتره معينه ف حياتو بيبقا عاوز يبقا لوحدو ودي مراحل الكل بيعدي عليها بس مش الكل بيخرج منها بتبقا عاوزه واحد واثق ف ربه وقوبي بمعني اصح متسلمش نفسك لمخك عشان المخ والتفكير بيهلك صحبو لا انزلي واخرجي وافرحي بس صلي
تم النشر الأحد، ٧ يناير ٢٠٢٤
في البدايه راجعي امتي حصل معاكي كدا ... وليه حصل كدا من وجهة نظرك ... وهل كانت الثقه بالنفس عامل منهم ولا حسيتي بعدها ان ثقتك راحت ...
تم النشر الأحد، ٢٤ ديسمبر ٢٠٢٣
والله انا نفس المشكلة بالظبط نفسي الاقي حل بجد عشان انا كده بدمر وبذات اني ولد ولازم اكون اجتماعي عشان اعرف اشتغل
تم النشر الأحد، ٢٤ ديسمبر ٢٠٢٣
لعرض السؤال في فدني اضغط هنا