ربنا يعينك ي حبيبه قلبي دا بلاء من ربنا ليكي بيمتحنك فيه عاوز يشوف صبرك وكلنا عندنا ابتلاءات بس ب اشكال تانيه وانت بلاءك مع اهلك عاوزه اقولك ان فيه كتير امهات نرجسيين او زي منقول ام سامه ودي يمكن نتيجه عقد طفوله عندها او يمكن يكون مرض نفسي وفي الحاله دي منقدرش نعمل حاجه غير انك تستحمليها وتحاولي متقوللهاش اي سر عندك طالما هي مش امينه وهتعايرك بيه دا استنادا علي كلامك لكن انا معرفش الحقيقه واللي يمكن تكون من جانب تاني خالص وهقولك برضو تتكلمي معاها وتتفضفضي باللي جواكي نحيتها لوالدك او اي حد تاني مسئول عنك او ممكن برضو تقوللها انها قاسيه عليكي وتسأليها عن السبب دا في حال لو هي ام طبيعيه وبتحبك ويهمها زعلك ودا استبعدو عشان قولتي انها بوظت خطوبتك اللي لحد الان مش فاهمه اي اللي يخلي ام تعمل كدا وخصوصا انك بنتها ف ربنا يعينك بجد وحاولي تتجنبي اذاها قدر الامكان ومهما حصل متتجاوزيش الحدود معاها وصلي وادعي ربنا يهدهالك وربنا معاك🤎
هي مره من المرات قالتلي انتي الوحيده اللي بتستحملي زعلي وعصبيتي بس اخواتي الكبار كل معاملتها معاهم كويسه بس لو حد رفضلها طلب بتقلب عليه بس انا واختي اصغر اتنين اللي معاملتها معانا مش كويسه وانا زياده عن اختي بكتير
تم النشر الخميس، ٢٧ فبراير ٢٠٢٥
تفتكري اشمعنا بتعاملك انتي لوحدك كدا ولا هي كدا مع اخواتك التانيين تفتكري فيه سبب؟
تم النشر الأربعاء، ٢٦ فبراير ٢٠٢٥
هي فعلا من النوع السام المشكله انها خلت اخواتي كلهم يتجرأوا عليا ويهينوا فيا ويتدخلوا في حياتي وغير انها لما بتشوفني مبسوطه بحاجه بحسها بتزعل وتفضل تقولي كلام زي اني فاشله ومش فالحه في حاجه وتكسر مقاديفي حتى صحابي بتزعل لو لاقيت صاحبه قريبه مني وبتحبني وتحاول توضح ليا انهم بيحبوني علشان مصلحه وكاني شخص متحبش وعلشان قريبه من اختي اكبر مني دي حاجه مضايقاها مش عايزه تقربني من اي حاجه بحبها ودايما بتنكر اي حاجه حلوه عملتها معاها لدرجه ان حسيت اني شخص وحش متحبش انا اتكلمت معاها كتير اوي بس بلا جدوى انا خوفي كله من دعواتها عليا انا عمري ما فكرت اذيها او ادعي عليها بس هي تعبت نفسيتي وانا قاعده معاها ٢٤ ساعه عمرها ما قدرت اني بزعل ولا بتاثر ودايما بتيجي عليا ومش بيهمها سعادتي وانا والله ربنا يشهد مظلمتهاش بأي شيء انا بس بقيت ادي ردات فعل من خنقتي وقسوتها عليا في الاخر
تم النشر الأربعاء، ٢٦ فبراير ٢٠٢٥
لعرض الإجابة في فدني اضغط هنا