انا دفعة ٢٦ ، بالنسبة لتجربتي ف العربي محمد صلاح كان مخليه بالنسبالي من أسهل و أمتع المواد كنت باخد معاه من إعدادية بتفرج على فيديوهات اليوتيوب بتاعته و كملت معاه ف ثانوي انا جبت ف العربي ٨٦٪ كنت معاه بجييب ف حدود ٨٠٪ - ٩٤٪ بفضل الله ، لكن حقيقةً مجربتش وليد محسن و جربت رضا الفاروق بس مكملتش معاه ، و بالنسبة الإنجليزي ف مجربتش اللي ذكرتهم ف سؤالك ، كنت باخد مع إنجلشاوي و كان بالنسبة لواحده مراكمة إنجليزي ف لميته في المراجعات كانت قوية جدا و كافية ، و الفيزياء اخدت مع عبد المعبود ، هو شاطر جدا بردو بس انا عشان كنت علمي رياضة ف كنت بفهمه بس في صحابي ف علمي علوم مكنوش بيفهموه و كانو بيقولو ان دماغه عالية و محتاج حد متأسس ف المادة كويس ياخد معاه ، و من رأيي الشخصي ف متعتمدش على آراء و جرب بنفسك لإن طريقة كل واحد مختلفة عن التاني و مش معنى إنهم نفعوا معايا إنك تفهم منهم بل بالعكس ممكن مترتحش لنظامهم و شرحهم فلذلك برشح إنك تجرب و متاخدش مع مُدرس تحت مسمى في كذا حد قفل عنده لإن ذي م في ناس قفلت عنده في ناس سقطت ف ده مش مقياس لإختيار المدرس الصح ، و بالتوفيق
أو لو حد جرب حسن النجار كمان
تم النشر الثلاثاء، ١ سبتمبر ٢٠٢٦
لو حد خد مع رضا الفاروق طول السنة أو شريف المصري يقولي مميزاتها وعيوبهم مقارنةً بمحمد صلاح وإنجلشاوي
تم النشر الثلاثاء، ١ سبتمبر ٢٠٢٦
جزاك الله خيرا ً
تم النشر الاثنين، ٣١ أغسطس ٢٠٢٦
الشكر لله ، انا جربت رضا الفاروق بس ف اولى ثانوي و مكنتش مرتاحه معاه ف كملت مع محمد صلاح ، مقدرش أحكم على رضا الفاروق هو استاذ ممتاز بردو ، و لكن بالنسبالي كان مناسب محمد صلاح اكتر ، و أنت كمان أنصحك تجرب بنفسك و تكمل مع اللي بترتاح لنظامه و شرحه ، سواء محمد صلاح او رضا الفاروق الإتنين شاطرين ، و الإنجليزي كنت بقول إن مجربتش المدرسين اللي قولتهم في سؤالك، اخدت مع انجلشاوي و في وقت المراجعات افادني جدااا و لميت معاه بشكل كويس و جبت ف الإنجليزي مجموع كويس بردو ، و كل اللي بقوله مع هو إلا رأي شخصي سواء أنا او غيري، و طريقة فهمنا اكيد مختلفة عنك عشان كده نصيحتي ليك تقرر بنفسك هتكمل مع مين فيهم و مين فيهم مرتاح لنظامه اكتر
تم النشر الأحد، ٣٠ أغسطس ٢٠٢٦
تمام شكراً بس أنا جربت محمد عبد المعبود وفهمتوا خصوصاً إني بنحب الرياضيات بس أنا مختار مسار طب وعلوم حياة واخترت فيزياء بس علي العلم إني عادي نختار رياضة بس أنا بنحب الفيزياء أيضاً أما العربي أنا بناخد مع محمد صلاح من أولي وبنحب طريقة شرحوا بس أنا سمعت إن رضا الفاروق بيدي معلومات أكتر بس خايف نسيب محمد صلاح خصوصاً إني ما بنعرف غير نكمل مع مدرس واحد إنتي جربتي رضا الفاروق كان رأيك إيه فيه ؟ وبالنسبة للانجليزي أنا ما فهمت شئ من إللي إنتي قولتيه ؟ كنتي بتاخدي مع إنجلشاوي ولا سنتر ما فهمت يعني إنتي جربت
تم النشر الخميس، ٢٧ أغسطس ٢٠٢٦
لعرض الإجابة في فدني اضغط هنا