ماذا أفعل الآن؟

Question

السلام عليكم كنت فى تانيه ثانوي و كنت داخله فى جروب ملخصات و كده و مشترك شباب و بنات و الادمن كان أولى جامعه و كان بين لنا ملخصات و كده و ساعات كان بيفتح الجروب والبنات تتكلم بس هو مبتكلمش معاهم خالص في مره قولتلهم انا هطلع من الجروب لأن حرام اللى احنا بنعمله ده انتوا بتتكلموا اكتر ما بتبعتوا ملخصات و كل ما اطلع كانت صحبتى بتضيفني المهم طلعت خالص و قلت اللى هيضيفني هزعلو راح الادمن ده اسمه احمد دخلي خاص و قالي طلعتي ليه و معرفش ايه المهم احط حالات تليجرام يكون أول حد يشوفها و انا كمان كنت بشوف حالاته لحد ما دخلي قالي انا عايز اتكلم معاكي شويه ، عارفه أنه غلط انا ندمانه والله على كل ده المهم اتكلم معايا حكالي عن حياته و أن هو أهله مش مهتمين بيه و أنه وحيد جداً وحاجات كتير بس كان باين فعلاً أنه مش بيمثل فقعدت اواسيه لو مضايق يحكيلي كان مهتم بيا اوي الاهتمام ده علشان أنا فعلا حبيته للأسف وانا كل يوم ضمير بيوجعني و عايزه ابعد عنه مش عارفه اداني كل اكونتاته لأنى كنت بغير عليه جدا اعترف لي بحبه وانا كمان اعترفت و بدأ بقى انا هتقدملك انتى ليا و محدش يقدر ياخدك مني والكلام ده تتعلق بيا لدرجة أن ساعات بدخل ابعت رساله الاقيه قاعد فى الشات لو فى الشغل يرد عليا برضو قالي عايز اكلم امك اختك ايه حد بس انا رفضت لأن لو حد عرف اصلا انى بكلم ولد اهلي متشددين جداً حتى انا لبسى حجاب شرعى و برا مش بتكلم خالص يعني انا معاه هو غير مع ايه حد تاني المهم قال لأمه عليا واخته كلمتني و كانت مرحبه بيا اوي بس انا دلوقتي مش مرتاحه لأن علاقتنا أولها حرام فى حرام فسبتو من غير ما اقول ولا كلمه و بعدين لقتني بموت رجعتله تاني و اسيبو و ارجعله تاني لحد ما قالي انتى في كل مره بتوجعينى قبل اللى قبلها لدرجة أنه كلمني مره و قعد يعيط زي الطفل الصغير و يقولي متسبنيش انا مش عايز غيرك سبته بقالي شهرين من غير كلام و غيرت الخط بتاعي بس يراقبو باكونتات فيك و صعبان عليا اوي حاسه اني مش قادره ابعد اكتر من كده حالياً انا أولى جامعه للاسف قعدنا سنتين او اكتر انا بجد مش عارفه اعمل ايه مش عارفه حاسه اني مكسوره من جوايا

Accepted Answer

خذيها نصيحه من اخت ليكي انتي قلتي في كلامك علاقه حرام اهو انتي عارفه وقلتي بنفسك وهو لو في خير ربنا هيقربه ليكي فسيبيه ومترجعيش للحرام ومن ترك شيئا لله عوضه الله خيرا منه سيبيه وانتي لسه صغيره قدامك الوقت كتير بمعني ركزي في مذاكرتك لانك في اهم مراحل حياتك وممكن اللي انتي حاسه مش حب لانك في مرحله مراهقه فممكن مش عارفه اقولك اي بس ابعدي واوي كمان ولو هو خير هيستناكي لحد ما تخلصي اهم مرحله ويدخل البيت من بابه مش من التليجرام

Answer

المهم انك تبعدي تقفلي كل الأبواب اللي ممكن يكلمك منها وهما حاول انه يفتح كلام معاكي ترفضي رفض واضح وفهميه انك مبقتيش عايزه تتكلمي وحلي الغلطه تعلمك لبعدين ان متفتحيش أبراب لحد ولا لأي ولد أنكوا وتتكلموا ولا تصدقي اي حد اونلاين عموما لانك فعلا مش ضمناه

Answer

وعليكم السلام ورحمه الله وبركاته بصي يا اختي الكريمه اي حاجه بدايتها لا ترضى الله نهايتها لن ترضيكي. وزي ما انتى شايفه البدايه كانت لا ترضي الله والنهايه لا ترضيكي تتمنى لو يرجع الزمن ومكنتيش رديتي عليه ولو استمريتي في القصه دي النهايه هتكون اصعب عليكي وعليه. وبتقولي انو حكالك قصتوا الله اعلم كانت نيتو اي بس اللي انتى حاسه بيه ده اسمو شفقه مش حب مترجعيش تتكلمي تاني وانتي ربنا يحفظك قدرتي تمنعى الكلام معاه لمراضات الله ومتنسيش من ترك شيئا لله عوضه الله خيرا منه وكمان لا تتبعو خطوات الشيطان اسفا. ...وبعد كدا سوال .....وبعد كدا قصه.... وبعد كدا تعلق .... افضل شئ عملتيه انك نهيتي العلاقه دي المهم صلي صلاه استخارة لو انتى عايزه تكملي معاه حياتك. بس مش هترحعي تكلميه تاني وهو لو فيه خير ليكي ربنا هيجمعك بيه ولو مفهوش ربنا هيصرفو عنك. وملحوظه احنا في الأشهر الحرم يعني الذنب أعظم من اليوم العادي وجد والله اقفلى باب أن اي حد يكلمك مش بقلك انك ممكن تضعفى لا بقلك الشيطان له طرقه وعارف يدخلك من فين وزي ما شفتي الشب دخل سألك سوال بسيط شوفي بعدها وصلتي لفين وبعتذر على الإطالة 😊 وجد ربنا يحفظك

ماذا أفعل الآن؟

نفسية

اجتماعية

علاقات

سؤال من احد أعضاء فدني

تم النشر الاثنين، ٢٦ يناير ٢٠٢٦

4 إجابة

12 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك