لو حد يعرف كلية تمريض ازاي اكمل بعدها وابقى حاجة حلوة
او ازاي أستفيد منها ؟؟
كل ال اعرفهم محدش مهتم بيها ولا يعرف عنها حاجة
ف لو حد يفيدني، وجزاكم الله خيرا.
اللي اعرفه ان التقديرات العاليه طوال سنين الدراسه ف الكليه دي هتتيح لك حاجات كويسه و مثلا منها انك تكوني مُعيده و عايزه اقولك بجد لو كان عندك وقت يعني انصحك تلقي نظره علي لغة الاشاره و تتعلميها اد م تقدري مش لازم توصلي لدرجة الاتقان يعني بس حساها هتفيدك مع المرضي يمكن الظروف تحطك و تشوفي ف يوم مرضي صم و بكم او كدا ف دا هيساعدك تفهميهم و هتكوني مميزه مش اي ممرضه و خلاص..معلش لو دا مكنش قصدك ف انك تطلعي من الكليه باكبر فايده بس د اللي جه ف بالي حاليا و بوت ذكيه قالت حاجات كويسه خديها ف الاعتبار برضو و هقولك حاجه كمان لو مثلا انك تتعلمي مهاره او لغة جمب الكليه دي هتكون من احلي الحاجات اللي هتبقي اكتسبتيها و هتطلعي من سنين الكليه أنتِ وخلاص شبه جاهزه لاي ظرف..اتمني اكون قلت حاجه لها لازمه بالنسبه لك لاني اصلا مش ف كلية حتي لكن عندي حد من معارفي ف تمريض عموما.
تم النشر الجمعة، ٤ سبتمبر ٢٠٢٦
السفر ثم السفر ثم السفر اكبر ميزة لخرجين كلية تمريض هي السفر العالم كله عاوز ممرضين واكتر دولة بيسافروا ليها خرجين تمريض هي المانيا وإجراءاتها سهلة جدا كل المطلوب أن يكون معاكي اللغة غير كده كله هين وامريكا كمان هناك التمريض ملوك خاصة لو متخصصين في حاجة زي جراحة المرتبات ممكن توصل ل 12الف دولار
تم النشر الاثنين، ٧ سبتمبر ٢٠٢٦
مجالات العمل الواسعة: العمل في المستشفيات الحكومية والخاصة بأقسامها المختلفة (زي العناية المركزة والطوارئ)، أو التمريض المنزلي (Home Care) الذي يوفر دخلاً ممتازاً، بالإضافة للفرص القوية للسفر للخارج (دول الخليج وأوروبا). التطوير الأكاديمي: استكمال الدراسات العليا للحصول على الماجستير والدبلومات المتخصصة (مثل مكافحة العدوى، العناية المركزة، أو إدارة المستشفيات). الكورسات والدورات التدريبية: الحصول على شهادات معتمدة ودورات دعم الحياة الأساسي والمتقدم (BLS و ACLS) لرفع الكفاءة المهنية. تطوير اللغة: تعلم اللغات (وخاصة الإنجليزية أو الألمانية) لأنها مفتاحك الأساسي للسفر والعمل في مستشفيات عالمية برواتب عالية.
تم النشر الأحد، ٦ سبتمبر ٢٠٢٦
السلام عليكِ يا عزيزتي، أولاً أحب أؤكد لكِ إن كلية التمريض من الكليات اللي فيها فرص كتير ومفيدة جداً، حتى لو الناس حواليكِ مش مهتمين بيها دلوقتي. التمريض مش بس مهنة، ده دور إنساني مهم بيساعد الناس في أصعب أوقاتهم، وده فيه أجر كبير عند ربنا. بعد التخرج، تقدري تكملي بطرق كتير عشان تبقي "حاجة حلوة" زي ما بتقولي. مثلاً، ممكن تعملي دبلوم أو ماجستير في تخصصات زي تمريض الأطفال، أو العناية المركزة، أو الصحة النفسية، أو إدارة التمريض. كمان فيه فرص للعمل في المستشفيات الحكومية أو الخاصة، أو التدريس في الكليات والمعاهد، أو حتى العمل في مجال البحث العلمي أو التدريب. لو عايزة تطوري نفسكِ أكتر، ممكن تفكري في شهادات دولية أو دورات في الإدارة الصحية عشان تفتحي أبواب أوسع. استفيدي من الكلية دلوقتي بإنكِ تركزي على اكتساب المهارات العملية زي التواصل مع المرضى، والعمل تحت الضغط، والدقة في التفاصيل. دول مهارات هتفيدكِ في أي مجال هتدخليه بعد كده. جربي تتواصلي مع خريجين ناجحين من الكلية عبر مجموعات أو منتديات على الإنترنت، وشوفي تجاربهم. كمان، لو حابة، ابحثي عن أسئلة مشابهة على فدني عشان تلاقي آراء متنوعة من ناس مرت بنفس التجربة. أنتِ قادرة تكوني ناجحة جداً في المجال ده لو ركزتِ على تطوير نفسكِ خطوة بخطوة. ربنا يوفقكِ ويفتح لكِ أبواب الخير، ولو عندكِ تفاصيل أكتر عن خططكِ قوليلي عشان أساعدكِ أكتر. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الجمعة، ٤ سبتمبر ٢٠٢٦
ممكن لو اتقنتي الانجلش تشوفي كورس الماني عشان فرص السفر تبقا كويسة
تم النشر الجمعة، ٤ سبتمبر ٢٠٢٦
حببتي تسلمي و اياكِ..بالمناسبه ممكن لغة الاشاره تجربيها ف البدايه ع اليوتيوب و هنصحك بقناة'هحببك ف الاشاره' كويسه لحد لسه مبتدئ و بعدها لو لقيتي نفسك لسه حباها و معندكيش مشكله ابقي خدي كورس فيها ..كمان متلخبطيش ف المصادر لان لغة الاشاره متفرعه كتير و كد و تاخدي بالك تتعلمي لغة الاشاره العربيه او حتي المصريه يعني..و ربنا يوفقك يــَ جميـله 🤍
تم النشر الجمعة، ٤ سبتمبر ٢٠٢٦
جزاكِ الله خير الجزاء بجد لفتّي نظري لحاجة مكنتش واخدة بالي منها ال هي لغة الاشارة بجد بارك الله فيكِ ونفع بكِ🌱 بالنسبة للغة ف انا الحمدلله مستمرة على كورس انجلش. شكرا.
تم النشر الجمعة، ٤ سبتمبر ٢٠٢٦
لعرض السؤال في فدني اضغط هنا