انا اعرف حد وبينا مشاعر وعلاقه طيبه وانا عارفه انه بيحبنى وهو باين عليه دا بس هو عنده مشكله انه حد مش عايز يحس بمسئوليه اتجاه حاجه يعنى مشاعره تجاهى بينكرها لنفسه علشان ميحسش ان ف حاجه بينا تلزمه ، كنا بنتكلم عن الجواز وكدا قالى انه مش حابب الحوار كله بسبب انه هيحس ان ف حاجه متحكمه فيه يعنى قصده ع الالتزامات وبيته وان هو حد مبيحبش حد يتعالى عليه او يعامله وحش فلو حصل مشكله ف الشغل هو معندوش مشكله يسيبه عادى لكن لو متجوز يعنى هيضطر يستحمل ويستنى ويضغط على نفسه وهو مش هيستحمل يبقى كدا
هو حد كويس مثقف ومجتهد ومسافر برا مصر وبيشتغل بالاكتر من ١٢ ساعه وصبور ومعتمد ع نفسه يعنى هو مش شاب طايش ولا تفكيره زيهم حتى بالعكس كبير وعاقل وفيه كل حاجه كويسه
هى دى مشكلته بس حتى بعد ما قربنا لبعض وظهر الاهتمام والمشاعر بينا فجأه قرر ان مكنش ينفع قربنا وان احنا مفيش حاجه بينا حتى كلامه معايا قل او مبقاش موجود خالص علشان ميعلقش نفسه بيا
انا بعدت عنه وسكت على سكوته بس محتاجه اعرف الشخص اللى زى كدا المفروض اتعامل معاه ازاى
مرحباً عزيزتي، شكراً على ثقتك في مشاركتي هذا الموقف، وأقدر صراحتك في وصف حالة هذا الشخص وتأثيرها عليكم. من خلال شرحك، واضح أن هذا الشخص يعاني من خوف كبير من تحمل المسؤولية العاطفية، وهذا لا يعني أنه شخص سيء، بل ربما لديه تجارب أو مخاوف عميقة تجعله يتجنب الالتزام العاطفي حتى لا يشعر بالضغط أو السيطرة أو الألم المحتمل. وهذا شيء شائع عند كثير من الناس، خاصة من يعاني ضغوطات كبيرة في حياته مثل عمل كثير ومسؤوليات أخرى. إليك بعض النقاط التي قد تساعدك في التعامل معه: افهمي مصدر خوفه بدون محاولة تغييره فجأة: حاولي فهم سبب خوفه من المسؤولية، ممكن يكون مرتبط بتجارب سابقة أو خوف من فقدان حريته. حددي لنفسك حدودك: من الضروري أنك تعرفي ماذا تريدين وما هي الخطوط الحمراء عندك. إذا استمر في الانسحاب ورفض الالتزام، أنتِ تستحقي علاقة تبني أمان وثقة بينكما. اعرفي متى تبتعدي للحفاظ على نفسك: من المهم مصلحتك النفسية والعاطفية. إذا كان رفضه لتحمل المسؤولية يؤذيك أو يجعلك تضيعين وقتك، فكرِي بجدية في مسافة أو فصل. اطلبي الدعم إذا احتجتِ: أحياناً قد يكون الحديث مع خبير نفسي أو مدرب حياة مفيد جداً لمساعدتك على فهم ديناميكيات العلاقة واتخاذ قرار مناسب. أختي العزيزة، أنتِ تتعاملين مع شخص عاقل وواعٍ لكن يحمل مخاوف داخلية كبيرة تمنعه من الالتزام. من الحكمة جداً أن تكوني صبورة مع نفسك وتستمعي لقلبك وعقلك معاً. لو حبيتِ، ممكن تراجعي أخصائيين في العلاقات على فدني من خلال قسم الخبراء هنا، هم سيكونون قادرين على تقديم استشارات خاصة تناسب حالتك. وفي النهاية، لا تنسي أن الله يرزق كل قلب صادق ويكتب الخير لمن صبر وعمل بخير. أنا هنا دائماً إذا حبيت تطرحي أجوبة أو أسئلة إضافية. دمتِ بخير وراحة نفس. 🌷 — ذكية
تم النشر الأحد، ٢٩ يونيو ٢٠٢٥
السلام عليكم توقفى عن ربط نفسك بهذا الشخص ..انسى خالص انك فاهماه وحاساه وتقدرى تقدميله فرصه الشخص ده عنده خوف من الارتباط وتحمل مسئولية غيره ...مفيش حاجة هتغيره الا لما هو يقرر يساعد نفسه لو ارتبطتى بالنوع ده من الاشخاص هتحترقى نفسيا ومش هتستفيدى حاجة ابدا بالعكس هتخسرى كتيير
تم النشر الأحد، ٢٩ يونيو ٢٠٢٥
ابعدى عنه واوعى تستنى انك تعرفى هو ليه بيعمل كده او هو ليه طريقته كده..، انتى ب كلامك االي بتقوليه دلوقتي ده شايفه ومصدقه انه ممكن ده شخص تكملي معاه حياتك مثلا ... مش عايزه اجلد ف ذاتك واقولك اللى عملتى غلط من الاول كلنا بنغلط اكيد بس مينفعش نكمل ف الغلط... وكلى امرك ل ربنا واالى فيه الخير ربنا يكتبه
تم النشر الأحد، ٢٩ يونيو ٢٠٢٥
اهربي الارتباط بالنوعيه دي مرهق جدا طول الوقت هتعيشي في توتر خايفه انه يسيبك وكل خلاف هتسمعي جمله "انا كنت مرتاح من كل ده انا عملت في نفسي كده ليه ده انا كنت وكنت وكنت" وبعد شويه هيبقي عليكي بشكل غير معلن مسئوليه الراجل هتحسي انك ست وراجل في نفس الوقت وكل ده عشان تحافظي علي استقرار البيت خصوصا لو في اطفال الجواز مسئولية كبيره اوووووى مش مخيفه بس كبيره ومفهاش هزار ولا تجربه عابرة لان الخروج منها مؤلم جدا جدا وناس كتير بيجلها عقد بعد الانفصال والنظرة للحياة بتختلف بعد الانفصال. يبقي من البدايه نختار صح راجل بما تحمله الكلمه من معني يبقي قد المسئوليه لان مسئوليه الجواز مش ماديه بس دي ماديه وعاطفيه و تضحيات كتيره من الطرفين ومراحل كتير وتقلبات الطرفين بيمروا بيها ده غير الحاجات الخارجيه الي بتأثر علي علاقتهم فلو هما مش ماسكين في بعض اوى وبيحاولوا هما الاتنين عمر ما العلاقه دي هتنجح حتي لو منفصلوش ممكن يعيشوا مع بعض منفصلين فكريا وعاطفيا وده الأسوأ مفيش علاقه بتنجح من طرف واحد ربنا يوفقك وتلاقي الراجل الي يراعي ربنا فيكي
تم النشر الأحد، ٢٩ يونيو ٢٠٢٥
مكانش المفروض تتعاملي معاه من الأصل ولا مع أي شخص بيكلمك من وراء أهلك ويقضي معاك وقت لطيف وخلاص!
تم النشر الأحد، ٢٩ يونيو ٢٠٢٥
هاد الانسان لعوب، بيتحمل مسؤولية شغلو ومسؤولية تعليمو ومسؤوليات كثير، بس لما اجت على اعراض بنات الناس صار بدوش يلتزم؟ صار بدوش يتقدم للزواج؟ وحتى بالمشاعر لعوب. باختصار شخص غير متزن، وحتى لو اجى شخص مثله من الباب الارتباط بهيك نوعية جدا صعبة ومرهقة.
تم النشر الأحد، ٢٩ يونيو ٢٠٢٥
عارفه ان دا غلط ومكنش ينفع بس الانسان مش معصوم من الغلط ومداخل الشيطان كتير والنفس اقوى وانا الحمدلله لحقت نفسى وبعدت خالص ، انا بس بسال من باب انى افهم الشخصيه وافهم المفروض اتعامل ازاى مع شخص كدا يعنى بكتسب خبره للتعامل ف المستقبل
تم النشر الأحد، ٢٩ يونيو ٢٠٢٥
لعرض السؤال في فدني اضغط هنا