السلام عليكم، مش عارفة كم عمرك بس لو لسه صغيرة فطبيعي تكوني لسه بتستكشفي نفسك ومجربتيش كتير عشان تعرفي بتحبي إيه وبتميلي لإيه عشان تطوريه لمهارات. وعامة مهما كان عمرك فالوقت مفاتش عشان تعرفي نفسك ومواهبك. ** اقعدي مع نفسك الاول واكتبي كل الحاجات اللي بتلاقي نفسك بتحبي تعمليها مهما كانت في نظرك تافهة. مش معقول مفيش حاجة واحدة مش بتميلي لها، ممكن بس عشان مركزة فمش منتبهة لده. ** ممكن زي ما اقترحت ذكية تعملي اختبار نمط الشخصية، ده هيساعدك شوية تتخصري قائمة المهارات اللي ممكن تبحثي فيها، كمان شوفي كتاب (اول عشرين ساعة: كيف تتعلم كل شيء بسرعة) أو فيديو ملخص له، هيساعدك تتعلمي مهارات كتير في اسرع وقت وتاخدي خبرة بسيطة عنها عشان تقرري إيه اللي يناسبك وإيه تقدري تركزي وتشتغلي عليه أكتر وتطوري نفسك فيه ** المهم، متخليش فيه ضغط على نفسك أو تحسي إنك في سباق والكل عنده مواهب ومهارات و بيعرضها على السوشيال ميديا وأنت لأ. ده هيأثر على رحلة تعلمك واكتسابك لمهاراتك. فخليك هادية واعملي خطة مرنة ومنظمة وواقعية واشتغلي على نفسك بهدوء وصبر. وبالتوفيق إن شاء الله.
لعرض الإجابة في فدني اضغط هنا