بصي يا حور الفلوس مهمه في حياتنا وطبعا انا لو معايا فلوس هحس براحه نفسيه مش هبقى شايله هم بكره فمش هحرم نفسي من حاجه هعيش مرتاحه كل ده حلو. لكن الفلوس ما بتشتريش الصحه الفلوس ما بتشتريش السعاده الفلوس ما بتشتريش راحه البال انا ممكن يبقى معايا فلوس قد كده وابقى عايشه حزينه وعندي اكتئاب وامراض نفسيه كتير معايا فلوس وعندي امراض جسديه بصرف فلوسي في الدكاتره والادويه معايا فلوس بس بالي مش مرتاح مش مطمنه عايشه على طول قلقانه. أنا اللي بعمل السعاده لنفسي احنا اللي في ايدينا نسعد نفسنا لا ننتظر السعاده من الاخرين ولا ننتظر ان يبقى معايا فلوس عشان ابسط نفسي انت لو معك 10 جنيه وانا عارفه 10 جنيه ديت في الظروف اللي احنا فيها دي دي ولا حاجه ونزلت اشتريتي كيس شيبسي. الطعم اللي انت بتحبيه ووقفت في البلكونه عملتي حاجه بتحبيها نزلت تمشيتي شويه في الشارع بتاعك او روحتي امال او خرجتي خروجه حلوه مع اصحابك من غير ما تصرفي فلوس كثير حاجات كثير تقدري تسعيدي بيها نفسك من غير ما تربطي سعادتك بالفلوس لو اجلتي السعاده لغايه لما يبقى. معك فلوس هتلاقي العمر فات بيكي وحتبصي وراكي تقولي ياه هو انا كبرت امتى؟ انا ما لحقتش اتهنى ما لحقتش استمتع بحياتي مش هعرف اعيش ولا اعوض اللي فات استمتع بكل لحظه في حياتك اسعيدي نفسك بنفسك معك ناس حواليك بتحبك يبقى دي انت في نعمه ما حاسه ان انت لوحدك وانت شايفه ان الفلوس اللي تسعدك لا انا اسعد نفسي بنفسي انا امتع نفسي انا اخلق الراحه لنفسي اقر واقرب من ربنا وافرض حسن الظن بالله دايما ويبقى عندي يقين ان اللي جاي احسن وادعي واسعه. واقول يا رب ارزقني كل ده حلو بس موقفش حياتي على فلوس الفلوس مش دايمه ما انت ممكن واحد يبقى معاه فلوس وفي لحظه يخسر كل حاجه وده وارد في حاجات في مشاريع ولا البورصه ولا حاجه وارد في حاجات كثير.
بالظبط حضرتك هو ده رأيي 🤍🤍🤍
تم النشر الثلاثاء، ٦ مايو ٢٠٢٥
لعرض الإجابة في فدني اضغط هنا