انا بعشق بنت خالتي بموت فيها بمعنى الكلمة وحاسس انها احتمال بسيط بتبادلني نفس الشعور بس انا مش عايز اعترف ليها عشان مش تربيتي ولا عادتي اني اكلم بنت في حب وهي دلوقتي هتمتحن ثانوية عامة وانا نازل مصر أخلص ورق وماشي ونفسي آخذ خطوة أكلم خالتي او جوز خلتي بس مكسوف اروح ليهم وانا معنديش فلوس ومتدين فلوس كمان عشان اعرف انزل مصر اخلص ورق تأشيرة للسعودية عشان اسافر اشتغل وابني نفسي
خايف اروح ليهم وانا كدا ويرفضوني ويكسفوني وعلى فكرة انا ٢٢ سنة وهي ١٧ وبفكر استنا لحد ما اكون نفسي وبعدها اتقدم ليها بس مرعوب تروح مني انا في حياتي كلها ما اعجبت في بنت بس هي سحرتني هي جمال مش قد كدا بس انا شايف انها ملكة جمال العالم وضحكتها بتوديني في عالم تاني
انا عمري كلو ما حسيت فيه بالمشاعر الي حسيت فيها لما شفتها اول مرة من ٦ اشهر ومش عايز اقول لأمي تكلم أختها عشان مش بحب حد من أهلي يساعدني في اي حاجة ومش عايز اعترف ليها بحبي ليها عشان ده مش اصول
السلام عليكم ورحمه الله وبركاته انت انسان محترم وربنا يزيدك احترام وخلق ده شيء جميل جدا حلو ان انت بتعتمد على نفسك وعاوز تقول انا شايل نفسي من الالف للياء ولكن دي اصول بما انك دلوقتي بتتكلم في الاصول عادي جدا انك تقول لوالدتك انا ناوي ان انا ارتبط بفلانه بنت خالتي وانا عاوزها لكن طبعا انت عارفه يا ماما انه حاليا الظروف مش مناسبه فانا عايزك بس انت تلمحي لخالتو ان انا ناوي ان انا لما اسافر واجهز نفسي اكون بجهز نفسي عشانها انا عايزك بس تلمحي لها ابدا وتشوفي رد الفعل ايه علشان انا مش حابب يعني احط كل املي عليها ويكون مثلا ممكن في رفض من خالتي او من جوزها او ايا كان يكونوا شايفيني مش مناسب عادي جدا ان انت تدخل في الموضوع بالشكل ده هي دي الاصول الاول في الاخر حتى لو انت هتبقى شايل نفسك من الالف للياء ولكن ده مش معناه انك اهلك مش هيكونوا هما اللي بيدعموك في الموقف ده وإن شاء الله لما تروح تتقدمها تكون تقول يلا يا ماما يلا يا بابا علشان نروح نتقدم فده شيء طبيعي جدا خليها بس تدي. الجزء الاولاني ده وانت عارف ان هي كده كده في دراساتها ما تقدرش تتكلم دلوقتي خالص في اي حاجه ولكن حبيت بس ان انت ايه تبدي نيتك مش اكثر وتشوف رد الفعل ايه تمام بعد كده انطلق انت في كل طريقك اللي انت عامله جهدك وطول الوقت ادعي لربنا انه ان شاء الله ان كان في خير لكم مع بعض ربنا يجمعكم في الحلال وان كان في شر من حد فيكم للتاني ربنا يبعدكم عن طريق بعض بس ده كافي جدا مش محتاجين نعمل اكثر من كده وان شاء الله ان شاء الله كان فيها خير ليك وكنت انت خير ليها ربنا يجمعكم في الحلال.
تم النشر الجمعة، ٣٠ مايو ٢٠٢٥
اشجعك ع اعترافك بمشاعرك و هدفك النبيل اللي نفسك توصله، صلي استخارة و شوف اذا كان الموضوع مناسبك إذا تروح تتقدم دلوقتي ولا تستنى شوية، كمان ادي فرصة لبنت خالتك تخلص امتحاناتها و تشوف مجموعها و الكلية اللي هتدخلها ف كل ده محتاج وقت و البنت ممكن متكونش مستعدة انها تاخد الخطوة دي دلوقتي في ظل الظروف اللي بتشوف بيها مستقبلها، الأفضل و الأحسن طبعا انك تكوّن نفسك الأول و تجهز نفسك و كل ده حلو بدافع برده انك تظهر قدام اهلها بشكل حلو و انت فخور بنفسك، الاستعجال مش هيكون في صالحك و ربنا مرتب الأمور و كل حاجة هتحصل في وقتها بس متستعجلش و هي كمان لسه قدامها وقت عقبال ما تستقر في المرحلة الجامعية الجديدة ف انت كمان خد وقتك
تم النشر الاثنين، ٢ يونيو ٢٠٢٥
مرحبًا أخي العزيز، أشعر تمامًا بكل المشاعر اللي بتعيشها حاليًا، وخاصة لما يكون الموضوع حساس زي حب بنت خالتك، ومع كل الظروف اللي حواليك. أقدر احترامك لتربيتك وقيمك، وهذا شيء جميل جدًا لأن هذا يرسخ شخصيتك ويجعل خطواتك محسوبة بعناية. خليني أساعدك أرتب أفكارك وخطواتك بشكل عملي ومتوازن: احترام التوقيت والظروف : من الرائع إنك فاهم إن بنت خالتك الآن في مرحلة مهمة وهي امتحانات الثانوية العامة، وهذا وقت لا يناسب الإزعاج أو الضغط عليها بأي شكل. كذلك أنت مش مرتاح إنك تعترف الآن وهذا تمامًا يدل على احترامك لها ولنفسك. الصبر والبناء الذاتي : تركز حاليًا على إنك تخلص أوراقك في مصر، وتنظم حياتك وتحاول تجهز نفسك عشان لما تيجي اللحظة المناسبة تكون أقوى ومستعد بشكل أفضل عاطفيًا وماديًا وروحيًا، وهذا قرار حكيم جدًا. التواصل مع العائلة بطريقة محترمة : إذا فكرت تتقدم لها، أفضل وسيلة هي عبر الأسرة. التواصل مع خالتك أو زوج خالتك بشكل محترم ومن غير ضغط، مجرد استعلام أو استشارة عن وضعها أو مناسبتك هو بداية جيدة. لا تشعر بالخجل، فهم دائمًا موجودين لخدمتك ودعمك، وفي النهاية هذه خطوة مسؤولة تُظهر احترامك لعائلتك وللظروف. لا تستعجل وخلي ثقتك في الله : ذكر نفسك دائمًا أنه لا يصرف عليك شيء في الدنيا إلا بإذن الله، وادعوه أن ييسر لك الخير ويجمع بينكم على خير. لا تقارن مشاعر الناس : حتى لو كانت مشاعرك قوية، لا تقف في انتظار رد فعلها بشكل مستعجل، وأعطِ لنفسك ولها مساحة لتتضح الأمور تدريجيًا. حافظ على احترام المبادئ والقيم : من الجميل جدًا إنك تحترم حدودك وأخلاقك، وهذا يحفظك ويعطيك شخصية قوية يستطيع الآخرون احترامها دائمًا. لو حبيت تستفيد أكثر من خبرات بعض المتخصصين في مثل هذه المواقف، أنصحك تزور صفحة الخبراء في فدني https://www.fedni.net/experts، ممكن تلقى مدربين حياة وعلماء نفسيين يساعدوك بخطوات عملية تناسب حالتك. وأيضًا، ممكن تبحث في موقع فدني عن أسئلة مشابهة، لأن التجارب المختلفة ممكن تفتح لك آفاق جديدة في التعامل مع قلبك وعقلك. أنا هنا دايمًا لو حبيت تتكلم أو تحتاج توجه معين، لا تتردد تسأل. ربنا يوفقك ويوفقها وييسرلكم الخير فيما يحب ويرضى ❤️
تم النشر الخميس، ٢٩ مايو ٢٠٢٥
اشتغل كويس اوى وفكك منها دلوقتى وانجح نجاح كويس وروح خد كورس aiهيكسبك فلوس كتير واتقدملها مستحيل ترفضك بس الاول اشتغل على نفسك
تم النشر السبت، ٣١ مايو ٢٠٢٥
نصيحة متروحش تتكلم وانت مش جاهز حتي لو هما قرايبك وبعدين انت لسه سنك صغير اصلا اشتغل ع نفسك وبعدين لو فيه نصيب هتلاقيها لسه مش مخطوبه وتروح تتقدم غير كده انت كل سنة والثانية تفكيرك بيختلف وممكن جدا لما تخلص ويبقي معاك فلوس وجهة نظرك تختلف ف سيب كل حاجه لوقتها ولو فيه نصيب هتتجوزها اكيد
تم النشر الأحد، ١ يونيو ٢٠٢٥
انا فاهمه قد اى انت بتحبها دى حاجه محدش يقدر يغيرها وانا مقدره مشاعرك جدا بس اللى بيحب حد مش بيبقا عاوز يخليه اكتر بنى ادم مبسوط ؟ بس انت للاسف مش معاك فلوس ومش هتعرف تخليها مبسوطه والحب مش كل حاجه نهائى لازم تبقا مسؤول اولا خد حد من اهلك مفيش حاجه اسمها مش عاوز اعتمد على اهلى دا عبط حقيقى خد حد وروح وقولهم انا هكون نفسى وهعمل كل حاجه اقدر عليها ولما ارجع نتخطب او نتجوز وخلى حبها دافع ليك انك تشتغل اقصى ما عندك خليك قد المسؤوليه عارفه انك شايف ان مفيش حد فاهمك بس حقيقى لازم تفوق لنفسك وتفهم طلاما بتحبها متخليش فى اى فرصه انها تبقا تعيسه بجد روح لأهلها وقولهم انك هتعمل اى حاجه علشان ترجع وتتجوزها واشتغل اى شغالانه تلاقيها وحتى لو رفضتك بعد كدا هتبقا كبير فى عين نفسك
تم النشر الأحد، ١ يونيو ٢٠٢٥
وموضوع ان حبها احياك ده خطر كبير عليك أشبه بالمدمن اللي في اي لحظة ممكن يفقد مادته الإدمانية ... الناس بتروح وتيجي تعلق بالله وابني بينك وبين الله علاقة
تم النشر الأحد، ١ يونيو ٢٠٢٥
يعم الله يكتبها لك بس حاول تلقط فكرة انك بتحبها عشان شعورك سعيد بها .. فممكن شعورك يكون سعيد برضو مع غيرها كثير ... فتقبل فكرة ان الموضوع قسمة ونصيب ومتتعلقش بشخص بعينه
تم النشر الأحد، ١ يونيو ٢٠٢٥
كلامك كله مبني ع اعجاب وانا فاهمة ده بس مفيش قرار ف حياتنا عموما بنحكم فيه قلبنا بس او مشاعرنا وانت لو اب لبنت وحد راح فاتحك ف موضوع زي ده برضو هتقوله سنك صغير واشتغل وتعالي اتقدم وبالاصح هتمشيه بطريقة شيك اصل هيقولك ايه انت مش رايح تحجزها...وزي ما قولتلك ٢٢ سنه لسه سنك صغير وتفكيرك بيتغير ف متتسرعش وسيب كل لحاجة لوقتها
تم النشر الأحد، ١ يونيو ٢٠٢٥
انا لو قعدت باقي عمري اكتب عنها مش هعرف اوصف ادبها ورقتها وجمالها
تم النشر الأحد، ١ يونيو ٢٠٢٥
ونفسي اتكلم معا اهلها عشان يكون عندي سبب اعيش عشانو عشان يكون عندي شغف اني ابني نفسي انا كنت مستني اموت ومش عايز اشتغل او اعمل اي حاجة بس بعد ما شفتها اتغير كل حاجة في ثانية
تم النشر الأحد، ١ يونيو ٢٠٢٥
صدقني مش هبقا ببالغ لو قلت لك اني كنت في الجحيم وخدتني الجنة
تم النشر الأحد، ١ يونيو ٢٠٢٥
مش عارف بس معتقدش اني ممكن اغير رايي في يوم في حياتي انا عمري كلو ما حبيت حد حتى امي ماعمري حسيت با اي حب اتجاها اول مرة احس اني حبيت معاها
تم النشر الأحد، ١ يونيو ٢٠٢٥
انا مهندس كمبيوتر وعندي لغتين غير العربي بس الدنيا جايا عليا
تم النشر السبت، ٣١ مايو ٢٠٢٥
ممكن الاول تفتح مامتك في الموضوع لان البنت قدام مامتك علطول مش قدامك بحكم سفرك وبعدين تكلم خالتك وبعدها جوز خالتك انك تحجزها وتخلص شغل وتجوزو وعليك بصلاه الاستخاره
تم النشر السبت، ٣١ مايو ٢٠٢٥
انا رأيي ان التعلق بشخص معين غلط .. فهو أولا مش مضمون في مليون سبب يخليها متكونش من نصيبك .. فهل هتعيش طول عمرك عالحلم ده ؟ ... ثانيا ممكن اصلا ده مجرد إعجاب طببيعي بين ذكر وأنثى يعني لو شفت ضحكة اي بنت تانية بالغلط ممكن تعجب نفس الإعجاب عادي جدا ... ثالثا ممكن هي تكون شر لك ايا كان السبب عندها مرض مثلا .. القصد من ده كله انك متثقش في رأيك ثقة عمياء ومتتعلقش بحد معين ... خلي الرأي لله وادعي الله يختار لك وغض البصر ... والله يكتبها لك ان كانت خير
تم النشر السبت، ٣١ مايو ٢٠٢٥
لعرض السؤال في فدني اضغط هنا