عندي مشكله في اني كل ما ببدء في مشروع او كورس ازهق بسرعه واحس اني مش عارف اكمل فا اسيبه علطول و انا عندي ٣٢ سنه وحاسس ان عمري بيضيع
ارجو المساعدة
اعتقد لو انت بتحب ال بتعمله م هتمل ولا هتزهق ابداا بس حاول تعمل الحاجه ال بتحبها و. بتستمتع بيهاا ايا كانت ايه بالتوفيق ان شآء الله ♥
خليك عنيد !! الحل أنك تخلي عندك بعد نظر شوية وتشوف الفائدة المستقبلية اللي هاتعود عليك إن شاء الله من أي نشاط ولما تشوفها تفضل باصص عليها وتعند مع نفسك لحد ما تنجز المشروع أو الكورس .. وهي دي الرجولة ...
الاجابة في كلمتين اما ان تكون او لا تكون اما ان تكون متميز او لا تكون فهى اختيار ولكن قرارك وبالتالي اي نجاح يتطلب تضحية تضحية بالوقت مع اصدقاءك للتركيز علي هدفك تضحية بالخروج والفسح للتركيز علي هدفك ...
متياسش ياولدي كلنا بنتعرض لضغوط كتير ، المهم يكون عندك دافع يخليك تكمل وتستمر فلو عاوز مثلا وظيفة بمرتب كويس أو تترقي ومتوقف ده علي المعلومه خد كورس وهتكمله لأن عندك هدف لو نفسك تعيش مستوي معين وتتجوز...
اهلا ومرحبا بك. الالتزام والمسؤولية هما اللي بتقدر فيهم تعدي كل حاجه. يعني مثلا لو عندك امتحان .. بس انت مزاجك مش رايق أنك تذاكر، أو مش عايز تحت أي ظرف انت فيه. لكن فيه امتحان، وملزم أنك تذاكر .. والم...
لازم يكون عندك شغف او دافع يخليك تكمل في الكورس الي بتاخده دافع زي مثلا لو خدت كورس في مجال القيادة حينمي عندي مهارة القيادة وازاي اكون قائد حيفزك علي انك تدير مشروعات لوحدك بدون ما تكون تحت سلطة حد ب...
اسحل نفسك في اى شغلانه بتعرف تعملها اووى اكتر من انك تكون بتحبها و تكون مرتبها مرضي ليك .. سنه على الاقل ..و شوف بعد كده هيحصل ايه !! .. و اقرأ كتب كتير فتره ااشغل دى .. اوعدك دماغك هتتغير 180 درجه و ...
عشان تكمل لازم تكون حابب إلحاجه اللي انت بتعملها عشان تكملها للأخر وهو ده الأساس ...ولازم يكون في هدف قدام عينك وانت عاوز توصله عشان تحس ان في حاجه هي already موجوده بس محتاجه شويه مجهود منك عشان توصلها ..وان شاء ربنا يوفقك
و انا والله بس انا 18🙂🙂
محتاج الشغف لحاجه بتحبها ....دور ف نفسك وهواياتك
ممكن فلحظة حماس قررت انك هتنجز كميه كبيره لكن بعد كده لقيت نفسك محققتش اللى كنت محدده فده قفلك من الموضوع ..حط اهداف صغيره وأبدا اطلع سنه سنه
ممكن بتبدء غلط او بحماس شديد ودي حاجه مش كويسه لان كل ما الحماس والشغف زاد التلهف للنتايح اكبر وبالتالي لما النتايح بتبقي بطيئه بيبتدي الملل واليأس يتملك منك . جرب طريقه ال smart goals اللي هي تحط هدف قدامك ووقت المفروض يتحقق ويكون ف حدود معرفتك لامكانياتك والظروف اللي حوليك وتبتدي تمشي خطوه خطوه
حاول تحط الهدف الاخير قدامك و ممكن تعدد لنفسك عواقب عدم اكمال الامر بردو
بوص يا نجم انت بتسيب اي كورس او اي حاجة بتتعلمها علشان معندكش الحافز المناسبة تعلم الحاجة الي انت عاوزه حاول تشوف الحاجة الي تحفزك انك تكمل زاي هدف او مال او منصب ديما خالي الحافز في دماغك او قدام عينك او عندك ع موبيل شوفه طول الوقت وان شاء الله هتكمل
لعرض السؤال في فدني اضغط هنا