السلام عليكم،
أنا طالبة لغات، تخصص لغة فرنسي، داخلة تالتة يعني فاضل سنتين واتخرج.
أول حاجة، التخصص نفسه أنا مش متقبلاه إني أدرسه. حاولت كتير، بس دايمًا بلاقي نفسي بقرأ أو بذاكر حاجة تانية غير مرتبطة بتخصصي، حتى والله لو لغة تانية مختلفة، أقرا فيها وأحاول أتكلم بيها، بس لغتي لأ. والسبب إني حرفيًا كارها الكلية.
من وقت ما النتيجة ظهرت، الدرجة كانت صدمة. بابا هو اللي اختار الكلية، ولأنه مش مدرك قوي غير فى الكليات المعروفة، اختار آداب، مع إن مجموعي كان يجيب كليات أحسن. وكمان هو اللي حط التنسيق الداخلي.
المهم، فوقت شوية من الصدمة، وبصيت على الأقسام. أول شهر بيكون للتعرف على كل الأقسام لحد ما التنسيق الداخلي يطلع.
دخلت قسم علم نفس لأن حلمي أصلاً إني أبقى دكتورة نفسية. بس حصلت مشكلة في التنسيق، والنتيجة طلعت في نص الترم الأول، بعد شهر ونص دراسة في القسم. لقيت نفسي في قسم تاني: لغات شرقية.
حاولت أحول تاني لعلم نفس بس معرفتش، لأن ساعتها كانوا واخدين أدبي بس، والعملي أخدوا عدد قليل من المحولين.
فاضطريت أحول للفرنساوي بعد شهر ونص وأنا في قسم تاني. لما دخلت القسم الجديد، كان حرفيًا الكل عرف بعض وبقوا أصحاب، لا في حد من أصحابي القدامى، لا من الثانوي، ولا من اللي قضيت معاهم الشهر ونص. ولإني انطوائية، معرفتش أكون أصحاب بسرعة، خصوصًا إن كل شلة خلاص عرفت بعض وقفلوا على نفسهم، مش عايزين حد جديد.
فبقيت لوحدي، وكمان المنهج متراكم، ولازم أخلصه. على آخر الشهر كان فيه امتحانات ميدترم على تلات تربع المنهج، فكانت صدمة تانية.
عديت سنة أولى وأنا لا طايقة الكلية ولا القسم. حاولت أحول من الكلية كلها، ولإني مجموعي عالي كنت هجيب أي كلية تانية براحة. بس المشكلة إن اللغة الفرنسية اتشالت من مجموع الثانوي، فطلبة كتير حولوا. بعد ما كنا حوالي ٤٠٠ بقينا ١٨٤ طالب، ومنعوا التحويل إلا للراسب. فاتزنقت في القسم ده، ويستحيل أضيع سنتين من عمري.
بابا بيقول إني حاولت كتير أغير، وربنا بيرجعني لنفس المكان، فدي مشيئة ربنا إن ده أحسن مكان ليا، وإن المفروض أشتغل على نفسي فيه.
بس أنا بجد بحاول ومش متقبلاه.
ولوحدي، معنديش أصحاب أو حد مهتم بالتخصص يبقى ونِس في الطريق.
وإني أروح المحاضرات لوحدي وكل حاجة لوحدي مخلية المشوار صعب، زائد كرهي ليه، بجد مش عارفة أعمل إيه.
بفكر أسحب ملفي خالص وأحول لكلية تانية أو حتى معهد، بس كده هضيع سنتين.
السلام عليكم، بصي أنا دايما مع فكرة إن لو مش قادر أتقبل المجال اللي أنا فيه ممكن عادي أحول وميتحسبش الوقت اللي فات ضايع لأن أكيد اتعلمت فيه فالفكرة هتوزان بين فترة عديت (قصرت أو طولت) في حاجة مش قابلها وفترة طويلة سنين جاية قُدام. لكن في حالتك هنصحك بحاجة تانية قبل ما تاخدي قرار التغيير ده، لازم تعرفي الأول أنتِ فعلا كارهة اللغة ودراستها ولا عشان الظروف اللي أدت لها وشعورك بالإجبار وإنها اتفرضت عليكِ بعد ما كنتِ عاوزة حاجة مختلفة، بمعنى إن كان ممكن أي لغة تانية غير الفرنسية لو اتفرضت عليكِ بنفس الطريقة كنتِ كرهتِها. جربي كده فترة، انسي خالص إن الفرنسية لغة أنتِ بتدرسيها جامعيًا وجربي كده تدرسيها مع نفسك كلغة عادية من الإنترنت مش كتب الجامعة. يعني اسمعي بودكاست كتير، شوفي فيديوهات يوتيوب أصحابها متحدثين أصليين، المواد المسموعة والمرئية تكون في حاجة أنتِ شغوفة ومهتمة بها، مثلا مهتمة بالطبخ، شوفي قنوات طبخ فرنسية، مهتمة بالسفر شوفي قنوات سفر وسياحة فرنسية وهكذا. اخرجي من فقاعة الدراسة الجامعية وادرسيها ذاتيًا على الانترنت وإن شاء الله تقدري تتقبليها. غالبًا أصلا الدراسة المدرسية والجامعية بتكرهنا في المواد حتى لو كانت أمتع حاجة. واللغة الفرنسية حلوة عامة ومش شرط عشان اتلغت في الثانوية مش هيبقى لها مستقبل مهني، ممكن تشتغلي مترجمة فريلانسر مثلا. جربي فترة لكن زي ما قلت بعد ما ترتبي أفكارك ومشاعرك وتصفي ذهنك من أي سلبية، وصلي استخارة أكيد. لقيتِ بعد كده إنك ما زلتِ مش متقبلة، إما تحولي وزي ما قلت الوقت اللي فات لا تعتبريه ضاع لأنك أكيد عشتِه وتعلمتِ فيه، يا إما تكملي في الدراسة عشان بس يبقى معك شهادة ومش شرط تشتغلي بها، ممكن من دلوقتي تبدئي تشوفي مجالات أو لغات إيه بتحبيها وتطوريها وتفكري في العمل الحر بها بعد التخرج إن شاء الله. مش الكل عامة بيشتغل بشهادته. أرجو إني أكون أفدتك، وبالتوفيق إن شاء الله.
تم النشر الأربعاء، ١٠ سبتمبر ٢٠٢٥
وعليكم السلام ورحمة الله يا عزيزتي، أنا بصراحة حاسة بكل اللي بتحسيه من قلق وتوتر وصعوبة، ومتفهمة جداً الضغوط اللي بتعيشيها دلوقتي. قرار تغيير التخصص أو الاستمرار فيه مش سهل أبداً، خاصة لما تكوني مش قادرة تتقبلي التخصص اللي انتِ فيه، وكمان واجهتك صدمات كثيرة زي التنسيق الداخلي وعدم القدرة على التحويل. خليني أساعدك نفصل الموقف شوية عشان نقدر نفكر مع بعض بطريقة واضحة وعملية: 1. قبول المشاعر ومحاولة الفهم العميق: وجودك في مكان ما وانتِ مش مرتاحة ليه أمر مرهق نفسياً، وإحساسك بعدم القبول طبيعي جداً. في نفس الوقت، والدك يشعر بأنه هذا هو خير لكِ وربنا رسم لك هذه الطريق - وهذا يضيف طبقة أخرى من الضغط عليك. خدي وقت تعيشي فيه مشاعرك: الإحباط، الحزن، القلق، التعب، وحاولي تتقبليهم بدل ما تضغطي على نفسك بشكل أكبر. 2. تحليل الإيجابيات والسلبيات: الإيجابيات : أنتِ على مشارف التخرج، معك سنتين فقط متبقيتين، ومجموعك ممتاز يعني أمامك فرص كثيرة بعد التخرج. السلبيات : الكلية مش عاجباك، المادة مش منطوية على نفسك، والوحدة وعدم الانتماء مش سهلة. فكرى هل من الممكن أن تتعايشي مع هذا الوضع لفترة قصيرة (سنتين) مقابل مصلحتك الأكبر في الحصول على شهادة؟ أم أن الاستمرار في هذا التخصص سيؤثر بشكل أكبر على صحتك النفسية ومستقبلك؟ 3. خطوات عملية ممكن تبدأي فيها: حاولي تعملي شبكة دعم ولو صغيرة: ممكن تتابعي صفحات أو مجموعات على الإنترنت لأشخاص مهتمين بعلم النفس أو لغات، تواصلي معهم حتى تحسي إنك جزء من مجتمع. ابحثي عن أنشطة غير دراسية: مثل دورات أونلاين أو كتب في مواضيع تحبيها (حتى محترفة أو نفسية بسيطة) تساعدك تحسي إنك بتحققي حلمك بالمعرفة. تنظيم الدراسة: خلي عندك خطة قصيرة المدى توزعي فيها المنهج لتخفيف الضغط، وحتشوفي نفسك أكتر تحكم في الموقف. استخدمي وقتك الآن للتطوير الذاتي: مثل تعلم مهارات أخرى أو تصفح أماكن عمل متعلقة بمجالك، بحيث تحضي نفسك لمستقبل أفضل خارج إطار الدراسة التقليدية. 4. بالنسبة لموضوع التحويل: القرار فعلاً صعب ومتعلق بسياسات الجامعة، لكن لا تستسلمي. تابعي مع إدارة الكلية أو جهات المسئولين عن التنسيق الداخلي، قد يظهر لكِ فرصة في المستقبل. في الوقت نفسه، فكري إذا كان هناك معاهد أو دورات مهنية تستطيعين تكملي فيها بعد التخرج لتوصلي لهدفك في أن تصبحي طبيبة نفسية. 5. سبحان الله، ربنا بيحب من العبد ما ينفعه يمكن يكون التغيير مش خيار الآن، وهذا اختبار لصبرك وقوتك. ذكري نفسك دوماً بأن الصبر على شيء غير مرغوب فيه، إذا كان فيه فائدة كبيرة، هو عمل صالح بحد ذاته. خلاصة: لا تقطعي علاقاتك مع تخصصك فجأة حتى لا تضعي نفسك في أزمة أكبر. فكري بوضوح في الخيارين: الاستمرار مع تنظيم الدراسة والدعم النفسي، أو البحث عن بدائل مستقبلية بعد التخرج. لا تحملي نفسك الحمل كله وحدك، وإن احتجت أكثر للدعم النفسي أو لخطوات منظمة، ممكن تستشيري خبراء في مجال تطوير الذات وأيضاً يمكن تجدينهم في https://www.fedni.net/experts أنا هنا جنبك، وممكن نرجع نتكلم في أي وقت تحسي أنك محتاجة نصيحة أو دعم. أتمنى لك كل التوفيق، ولا تنسي: ربنا مع الصابرين 💪🌸 هل عندك أسئلة توضيحية أو نقاط أخرى حابة أساعدك فيها؟
تم النشر الأربعاء، ١٠ سبتمبر ٢٠٢٥
اكيد الانسان بيحتاج ونيس معاه يثق فيه ويفضفض له .. // لأن اعتقد ان كره الكلية مش بسبب الكلية ولكن بسبب الوحشة والحدة للأسف اللي مرتبط بالكلية دي .. فهي ملهاش أي طعم ومفيهاش ونس .. من وجهة نظري انك تكملي الكلية وبعدين هتكوني أنضج وهتعرفي فعلا لو انتي حابة الكلية وهتشتغلي فيها ولا لا ولو كان لا فلسة عندك فرصة انك تدرسي في كلية تانية .. ولكن لو حولتي لكلية ثانية ممكن برضو ميكونش فيها أصحاب ونكون رجعنا لنقطة الصفر وهكذا / فالأفضل في نظري انك تكملي الكلية وانك تحاولي تزوري اقاربك مثلا عشان تقابلي حد من سنك ومحترم وشبهك عشان يكون في شوية تخفيف للحاجة دي .. وممكن تفضفضي بالكتابة الابداعية وتفرغي المكتوم
تم النشر الجمعة، ١٢ سبتمبر ٢٠٢٥
لا ما ضيعتي اشي حاولي كمان مرة غيّري الموضوع، مادامك مش حاببتيه شو رح تستفيديمن الشهادة؟ كيف رح تتقدمي فيها؟
تم النشر الأربعاء، ١٠ سبتمبر ٢٠٢٥
لعرض السؤال في فدني اضغط هنا