أنا ادهم محمد عمري ١٦ سنه وشغال وبصرف على نفسي واختي ويساعد امي
مشكلتي ان انا بحس اني غير كل الناس بقيت بحس بالتوحد بسبب زمايلي مش مهتمين بعض الاوقات بوجودي وسطهم اتكلم بيقاطعو كلامي ف يحسسوني أن كلامي ملوش لازمه اصلا ولا انا ليا لازمه ف الحياة
بقيت ابعد عن الناس كلها واحب اني انزل لوحدي أخرج لوحدي دول حتى مش بيكلموني تليفون يسئلو عليا يتطمنو وكده واهو بقالي اكتر من شهرين تلاته مش بكلم حد ولا ببعت لحد عشان أنا دائما اللى ببدأ في المراسله مش هما فقولت أما شوف مين اللى هيسأل عليا ولو حتى مره وللاسف مفيش ومن بعدها حسين بسببهم اني خلاص مفتنع اني انسان ملوش لازمه وسط الناس وحتى وسط اهلي 😢😥
يا ادهم انت راجل وسط اطفال انت بمسئوليتك واصل لمرحله من النضج غيرهم خالص . متسميش اى حد صاحب الا لما يكون فعلا صحبه معاك فى شىء واحد مهم ومفيد المواقف بتعدى علينا مع الناس عشان نقيم علاقتنا بيهم ونتأكد اذا كان ينفع يفضلوا حوالينا ولا لا ....ونتعلم ازاى نتعامل افضل مع غيرهم مفيش علاقات هى نهاية الدنيا ...كلها مراحل ..حلوه او وحشة فهى ليها اثرها ....الحلوه تبقى ذكريات حلوه والوحشة تبقى درس اتعلمناه ويحسن من شخصيتنا قيمتك كمان مش بتتحدد باهتمام الاخرين بيك ...بتتحدد بالاثر اللى انت بتسيبه فى الدنيا وبالجهد اللى بتبذله وباخلاصك فى عملك وبالتزامك مع ربنا قبل اى حاجة تانيه فى الدنيا ايوه احتياجك للتقدير حاجة طبيعيه .,..بس ضرورى انت تقدر نفسك الاول من جواك وده اللى هيخلى اللى حواليك يحسوا بده وتلاقيهم بيقدروك اكتر
تم النشر الأربعاء، ٧ فبراير ٢٠٢٤
طيب مش عيب يا ادهم تكون مسؤول عن بيت وبتساعد نفسك واهلك، وف الاخر تقول على نفسك انك ملكش لازمة في الحياة! بكل اللي بتعمله ؟ وف الاخر تقول ع نفسك ملكش لازمة ... طيب اعقلها كده ازاي؟ انت محاط بشوية عيال .. وللاسف انت اللي مديهم قيمة عالية. اعرف قيمتك كويس، ومتخليش حد يحسسك انك قليل، لانك كبير عند نفسك وعند اسرتك. مش كل الناس يا ادهم هتبقى كويسة معاك، اتعلم متاخدش اي كلام من اي حد .. لازم الاول توزنه .. وتقتنع بيه، ويبقى فعلا صح. ف لما تلاقي اشخاص زي ديه، مش مدياك اهتمام، وانت اللي بتدي اهتمام وتسال خلاص افهم انكم مش ماشين على نفس النمط معاك. اعلى بتفكيرك انت .. وابدا شوف ناس عقليتها نفس المستوى ..
تم النشر الأربعاء، ٧ فبراير ٢٠٢٤
متهتمش بحد غير نفسك وساعتها الكل هيهتم بيك ركز ف كلامى كويس وانت لسه العمر قدامك ياما هتقابل ناس كتير وتفارقهم متخليش حاجه تشغلك غير نفسك
تم النشر الخميس، ٨ فبراير ٢٠٢٤
لما انت تكون مهتم بنفسك ومقدر نفسك صدقني كل الناس حواليك هتقدرك وهتحبك.. خليك دايما واثق من نفسك ومحدش فارق معاك.. يعني اللي يكلمك يكلمك.. واللي ميكلمكش ف داهيه خلاص.. وصدقني لو عيشت بمبدأ ان الصحاب بتروح وتيجي.. ومحدش بيكمل للاخر.. هتعيش مرتاح.. لان بعض الصحاب في حياتنا فترات والله مش اكتر.. ف خلي كل اللي فارقلك هو نفسك وبس.. وحاول تخلي من نفسك نسخه احسن.. اسعي في شغلك ودراستك واثبت لنفسك انك حد مهم.. وهما اللي خسروك والله م انت.. وكبر دماغك منهم ومن اي حد.. وروح وتعالي واخرج ومتبينش لحد مهما كان مين انو فارق معاك المهم ان انت وعيلتك بخير.. وعلاقتك مع ربنا كويسه.. و في وكل الحاجات الباقيه دي شكليات
تم النشر الاثنين، ١٢ فبراير ٢٠٢٤
فكر في مستقبلك وازاي تكون إنسان ناجح انت لسه العمر قدامك ياما هتقابل ناس وتتعامل مع ناس كتير بلاش تتعلق بحد زياده عن اللزوم ،،ماتزعلش يمكن بُعد أصحابك عنك كانت دعوه من والدتك ليك أن ربنا يبعد عنك اللي مش بيحبك ،،،،ربنا يحميك ويقرب منك كل اللي يتمنالك الخير والسعاده
تم النشر الجمعة، ٩ فبراير ٢٠٢٤
لعرض السؤال في فدني اضغط هنا