ماكنتش كدا بجد كنت بدرس كتير جدا فى اعدادى دخلت ثانوى اتشقلب حالى
تعبت بجد مش عايزة اذاكر خالص وبطلت ادرس وانا فى تالتة ثانوى وبكرة امتحان العربي ومش عارفة اعمل اى بجد تعبت واهلى تعبو معايا خالص بفكر ااجل السنة بس خايفة ماادرسش برضو لان اكيد نفسيتي هاتتعب لما اعيد السنة مرة تانية
ولكن انا مش حابة حد يشمت فيا او فى اهلى صراحة فى تفكير تانى انى امتحن واخر يوم فى الامتحانات انتحر علشان مش حابة اكون الم لاحد من عيلتى وخلاص انا بامانة تعبت جدا من كتر ما بحاول جربت كل شي علشان اكون متفوقة وبتنفع فالبداية وبعدين لا ، لو سمحتى انصحيني اعمل اى انا مش عارفة اقسي ع نفسي وادرس ولم بقسي بهرب مش بدرس خالص 😔💔 م
السلام عليكم ورحمه الله وبركاته بصي مبدئيا كده احنا مش هنبص تحت رجلين يعني ايه مش هنبص تحت رجلينا تخيلي كده وانت ماشيه في الشارع طويل جدا وانت طول ما انت ماشيه عينيكي في الارض بصه على خطوات رجليك بالظبط تفتكري كم مره ممكن تتخبطي تفتكري كم مره ممكن تيجي عربيه وانت ما تاخديش بالك ويحصل لا قدر الله حادث تفتكري كم مره ممكن تتكعبيلي رغم انك بصي على رجليك كتير جدا طب ليه طب بالعكس ده انا بركز مع رجلي عشان خاطر مفيش حاجه تكعبلني عشان خاطر مفيش حاجه رجلي تخبط فيها وانا مش شايفاها لكن ده مش حقيقي احنا مش محتاجين نبص تحت رجلينا احنا مش محتاجين نبص على انه اللحظه الحاليه دي هي اللي بعديها نهايه العالم مش محتاجين نفتكر انه الوقت ده وما بعد الطوفان مفيش الكلام ده ده كله بيبقى كلام غير واقعي وبيجي منين وبتيجي منين الفكره دي من كتر تركيزنا على اللي بيحصل دلوقتي وفكرتنا الغلط على انه هو ده اللي هيحدد مسار الطريق كله والكلام ده كلام غلط تماما فاحنا عايزين ننسف الفكره دي ننسفها ونرفع بقى راسنا كده ونبص على الطريق كله نشوف الطريق كله من قبل ما نتحرك ونشوف احنا محتاجين نعمل ايه اه انا خدت بالي ان الطريق فيه قدام شويه كده بعد ما اوصل لنص الشارع في منطقه فيها حفره فانا هحتاج لما اوصل هناك اقوم ماشيه ناحيه اليمين شويه مش همشي نص الشارع اه ده فيه كمان هنا عربيه مركونه فانا لما هوصل عند الحته دي هروح رايحه شمال شويه مش محتاجة أعمل اكتر من كده طب هل في احتماليه وانا ماشيه في الطريق ممكن الحاجات اللي انا شايفاها دي عقبال ما اوصل هناك تتغير اه ممكن تتغير طيب عامل حسابي عليه وانا ما فيش حسابي عليها استنى لما ابقى اروح هناك اصلا واشوف ايه اللي هيحصل هو ده اللي احنا جايين نعمله في الحياه دلوقتي كل اللي انت محتاجه تركزي عليه ايه ها ده بكره امتحان العربي طيب فين مراجعه العربي هقعد اراجع مراجعه العربي اهو ده حل شويه اسئله باجابتها واتاكد منها واتاكد ان انا عارفه احل صح وشكرا يعدي امتحان العربي شوفي اللي بعديه يعدي الامتحان ده يشوف اللي بعديه لما تخلص الامتحانات خالص اشوف الحياه ساعتها هتمشي فين لو بصيتي بشكل اوسع هتشوفي قصص لناس كانوا بيذاكروا طول السنه ولكن قدر اليهم ان ممكن في اليوم بتاع الامتحان ده يتعبوا ويحصل حدث عندهم في البيت لا قدر الله حاله وفاه او حد تعب فهم يتأثروا نفسيا بالحدث اللي حصل ده فيبقى كل المذاكره اللي ذاكروها اتاثرت وما عرفوش يسترجعوها في الامتحان فما يحلوش احسن حاجه ساعتها هنعمل ايه؟ ننهي الحياه لا طبعا من انهيهاش لانه الحياه مش متوقفه على نتيجه الامتحان ده وبس لا الحياه مكمله لما ابقى اوصل هناك ولما ابقى اشوف الامور هتوصل معايا لفين ساعتها اشوف ايه المتاح اللي انا ممكن اعمله. ولو انت بتتكلمي على الألم بتاع اهلك لو اهلك هيتالموا من درجه امتحان اكيد مش قد تالمهم من درجه الامتحان الكبير اللي هو امتحان الحياه لو لا قدر الله واحد ابنه او بنته انهو حياتهم هم عارفين ان هم كده فشلوا في الامتحان الكبير بتاع الحياه هيبقى طز في الامتحان الصغير اللي ما اتحضرش هيبقى طز في الامتحان الصغير اللي جبنا فيه نتيجه وحشه او حتى مانجحناش فيه اصلا الامتحان الصغير ده جزء من الامتحان الكبير فما تنسيش وما تبصيش تحت رجلك وفوقي خليكي في القطعه الصغيره اللي دلوقتي اخلصي منها وبعدين ابقي بصي على بقيه القطع.
تم النشر السبت، ٢١ يونيو ٢٠٢٥
وليه تاجلي او تنتحري بصي اولا انتي بنت يعني مش ملزمه تشتغلي بعدين دي حاجه بتاعتك فمش شرط تجيبي كليه عاليه عشان تلاقي شغلانه كويسه بعدين دي نقطه النقطه التانيه هو انك تسبيها على الله ومتحطيش في دماغك واعملي الي تقدري عليه ومتتوتريش وركزي بس في الامتحان وهتعدي وهتجيبي كليه كويسه وهتلاقي اصحاب كويسين هناك والدنيا هتبقى فل والله بس اهم حاجه نرضى بالي هنجيبه واهم حاجه في الموضوع متحطيش لنفسك سقف معين الي هو لازم طب لازم صيدله لازم هندسه لازم لازم لازم لان لو مجبتيش ده هتتعبي نفسك على الفاضي واتمنى تكوني كويسه وتبعدي من دماغك فكره الانتحار دي
تم النشر السبت، ٢١ يونيو ٢٠٢٥
لعرض السؤال في فدني اضغط هنا