ازاي اتجاوز الصدمات
بتعملوا ايه عشان تستوعبوا خبر معين؟؟ يعني بتعملوا ايه لما حد بيرفض وجودكم جنبه وبيقرر فجاه ف يوم وليلة انه عايز يبعد وخلاص مع اني فنفس الوقت كنت بفكر ازاي اخلي الشخص ده سعيد بس فنفس الوقت الشخص كان بيفكر بطريقه حلوة عشان يطلعني من حياته..
بتتخطوا ازاي حد كنتوا راسمين حياتكم معاه؟ مش عارفه انام كويس ولا ابطل عياط ولا اكل كويس..
بقيت حاسه اني عايشه وميته في نفس الوقت واكني بغرق ومش قادره انقذ نفسي وكل حاجه حلوة جوايا ضاعت وكاني خسرت نفسي، قلبي كل يوم واجعني مش عارفه اتبسط بأي حاجه ولا حاسه باحساس فرحة جوايا والموضوع بقاله فترة،
بقيت بنام على عياط وبصحي علي عياط مش مستوعبة ان اكتر انسان انا حبيته قدر يتخلي عني بمنتهى السهولة برغم اني كنت بحكيله عن بابا وقد ايه اتخذلت منه ومش مستعدة يحصل فيا تاني
بصي بقى يا بنت الناس ومن غير كلام كتير أول حاجة اتملي بلوك ومسح لرقمه وحساباته وماتراقبيهوش نهائي عشان ترتاحي وتاني حاجة ارمي أي حاجة تفكرك بيه من صور وهدايا وشاتات عشان ماتقعديش تتأملي فيها وتزيد أوجاعك وثالث حاجة اشغلي يومك كله شغل أو جيم أو انزلي تمشي واعملي مجهود يخليكي تنامي من التعب بدل ما تقضي الليل تعيطي ورابع حاجة لما تفتكريه افتكري إنه هو اللي اختار يمشى ويبيع بالسهولة دي يعنى هو ما يلزمهوش وجودك أساساً وخامس حاجة أهتمي بأكلك ونومك وصحتك بالإجبار لحد ما السحابة دي تعدي وتفتكري الأيام دي وتضحكي عليها...بجد والله انا بقولك كدا لاني مريت بنفس الشيء ويمكن أقسى من كدا بس الحمد لله عدت ومن فتره قريبه .. اللي قلته لك تجربتي الشخصيه
تم النشر الثلاثاء، ٢٩ سبتمبر ٢٠٢٦
أنا آسفة جدًا للي بتمرّي بيه، وأقدر إن الصدمة دي مش بس رفض عابر، لكنها بتفتح جروح قديمة من اللي حصل مع باباكِ، وده بيخلي الوجع أعمق وأصعب. الشعور بالغرق والعيش والموت في نفس الوقت طبيعي جدًا بعد صدمة زي دي، خاصة لما كنتِ راسمة حياتكِ مع الشخص ده وهو كان بيخطط للخروج منها. أنتِ مش ضعيفة، ومش "ميتة جوا"، لكنكِ في مرحلة إعادة بناء بعد خسارة كبيرة. عشان تتجاوزي الصدمة دي عمليًا، ابدئي بخطوات صغيرة وثابتة: حاولي تعيدي روتين يومي بسيط حتى لو مش بتشعري بالرغبة، زي الاستيقاظ في وقت محدد وتناول وجبات خفيفة منتظمة، وخصصي وقتًا كل يوم للكتابة عن مشاعركِ بدون فلترة عشان تخرجي اللي جواكِ. في الجانب الروحي، الصلاة والدعاء والقرآن بيساعدوا كتير في تهدئة القلب وتذكيركِ إن الله أرحم بيكِ من أي حد، وإن اللي بيحصل ده مش نهاية قصتكِ، بل بداية لشيء أفضل إن شاء الله. ركزي على إعادة اكتشاف نفسكِ من جديد: اكتبي قائمة بالأشياء اللي كنتِ بتحبيها قبل العلاقة دي، وابدئي تعملي حاجة صغيرة منها كل يوم عشان ترجعي تشعري بقيمتكِ الذاتية بعيدًا عن أي حد. الموضوع هياخد وقت، ومش هتختفي الآلام فجأة، لكن مع الاستمرار هتقدري تنامي أحسن وتبطلي العياط تدريجيًا. لو حسيتِ إن الوجع مستمر ومأثر على حياتكِ اليومية، ابحثي عن أسئلة مشابهة على فدني عشان تشوفي تجارب الآخرين، ولو احتجتِ دعم متخصص، فيه خبراء على التطبيق ممكن يساعدوكِ. أنتِ أقوى مما تتخيلي، وهتتخطي ده خطوة بخطوة.
تم النشر الاثنين، ٢٨ سبتمبر ٢٠٢٦
ونصيحة بلاش لما تدخلي علاقة وأنا بتكلم على العلاقات في إطار الشرع أصدقاء بنات جدد او مثلًا خطوبة أو أو الخ بلاش تتكملي عن خذلان حد من أهلك أعتقد مفيش حد هيكون أحن عليكِ من أهلك وهتفهمي دا مع الوقت والدك أعظم رجُل في العالم لأ يقارن بحد بلاش تدوري على حنية برة بيتك وأهلك، بلاش تعرفي ناس غريبة طبع أهلك عشان دا بيقلل منك أنتِ غيرك هيشوفك ضعيفة وبتدوري على الحنية والحب عشان أهلك كانوا مقصرين، لأ أهلك أفضل أهل على وجه الأرض خليكِ ديمًا شايفة كداا
تم النشر الثلاثاء، ٢٩ سبتمبر ٢٠٢٦
بنعمل إيه؟ بنختار نفسنا ونتعلم من أخطائنا ونبدأ بداية جديدة تليق بينا ونعلق قلوبنا بالله عشان الـ بيعلق قلبه ببشر ضعيف، أختاري نفسك ومتكبيش على حد أيًا كان هو مين والله ما في حاجة تستاهل إنك تبكي عليها إلا( علاقتك بالله) لو خسرتيها لكن بتبكي على دنيا فانية أصلًا وعلاقات سامة وحاجات أصلًا محتاجة منك إعادة تفكير قبل ما توجعي قلبك بيها! فكري في نفسك وأعملي لنفسك مليون قيمة، وسيبك من دور الضحية والحزن أستعيني بالله واللي راح مش من نصيبك أصلًا ولا ليكِ، 🤍
تم النشر الثلاثاء، ٢٩ سبتمبر ٢٠٢٦
لعرض السؤال في فدني اضغط هنا