انا طالب و دي تاني سنه ليا تالته ثانوي انا دفعة 2024 السنه الاولي قسمتها و دخلت المواد الغير مضافه فقط و عديتها سبب التقسيم كان عندي مشاكل مع اهلي بدات من شهر ٤ في سنة ٢٠٢٤ و مقدرتش اذاكر او اعمل حاجه في الشهور اللي بعديها المهم انا دلوقتي بمتحن دلوقتي في الفتره دي. انا مذاكرتش خالص لحد شهر ٦ و بدأت كنت مذاكر كل المواد ماعدا آخر شابتر في كل ماده انا دلوقتى بذاكر الماده قبل امتحانها بيوم
طبعا ده مش كافي ان اجيب مجموع عالي. انا اللي مزعلني تعب اهلي معايا طول السنه في المصاريف بتاعت الدروس انا برضه مستوايا كان فوق المتوسط كنت بقفل math كل سنه بسهوله، مجموعي في كل سنين الدراسه مكنتش بتقل عن ٩٠% انا دلوقتي بتمني انجح بس. كل الناس قرايبنا و اهلي متوقعيين ان انا هجيب مجموع عالي و بسهوله.
انا بدعي كل يوم اني اموت انا تعبت والله و عارف ان انا قصرت جامد قضيت السنه لعب الفكره صحابي مكنوش معايا ده كان عامل بيحفز الواحد للمذاكرة و المنافسه عمتا انا كنت الطالب اللي صحابه بيتجمعوا حواليه عشان اشرحلهم مسأله كانوفي فرق ملحوظ بيني و بينهم في Math بالتحديد mechanics انا يارب اموت انا بكره نفسي مافيش معني للحياه انا كنت طالب جيد انا مش عارف انا بكتب ده هنا ليه الساعه بقت am١٢ و عندي امتحان الساعه ٩ algebra and solid geometry مذاكرتش solid و دماغي خلاص مش تستوعب معلومات تاني انا بكره نفسي انا السبب في اللي انا فيه دلوقتي انا بكتب ده وانا بعيط انا ربنا ياخدني
أنا حاسة بيك جداً، وكلامك وجّع قلبي لأن واضح إنك تعبت فعلاً وبتحاول رغم الظروف اللي مريت بيها، سواء مشاكل عائلية أو تأخير في المذاكرة أو حتى الضغط اللي بتحسه من توقعات الناس حواليك. صدقني إنت مش لوحدك، وفي كتير زيك بيعدوا بنفس الشعور ده في الثانوية، وده طبيعي جدًا لأن دي مرحلة صعبة فعلًا. أول حاجة، خد نفس عميق كده وافتكر إن النتيجة عمرها ما كانت مقياس لقيمتك، وإن فشلك أو تأخيرك مش نهاية، بالعكس ممكن يكون دافع لبداية جديدة. ● ابدأ دلوقتي، حتى لو لسه في وقت قليل، فيه حاجات كتير ممكن تلحقها لو ركزت على أهم المواضيع. ● خليك قريب من الناس اللي بيدعموك وبيرفعوا معنوياتك، حتى لو شخص واحد بس. ● ابعد عن الناس اللي بيقارنوا أو بيحبطوك، دي طاقتك ووقتك ومجهودك، محدش يحدد قيمتك غيرك. ● قسم وقتك، وخد راحة وقت ما تتعب، وحاول تذاكر بتركيز مش بعدد ساعات. ● الدعاء فعلاً بيطمن، فخليك دايمًا على صلة بربنا وقول: "اللهم إنك تعلم أني ضعيف فقوِّني". وآخر حاجة، حتى لو حسيت إنك مش هتلحق تعوّض السنة دي، صدقني السنة الجاية ممكن تعمل إنجاز يغيّر حياتك، المهم إنك ما تيأسش. وإياك تفكر في الموت، لأنك تستحق تعيش وتشوف قد إيه ربنا ممكن يفرحك بطرق ما تتخيلهاش دلوقتي. وهقولك حاجه كمان متجاهدش نفسك تفضل صاخي وتكوم معلومات افصل وناام ساعتين حلوين وارجع كمل الدماغ بتحتفظ بالمعلومات تلقائي بس ريحها شوييه هي شبه البطاريه
تم النشر الأربعاء، ٩ يوليو ٢٠٢٥
السلام عليكم ورحمه الله وبركاته انا عايزاك تبص على المرحله اللي انت فيها دي. زيها بالظبط زي محطه القطر مش اكتر من كده احنا مش في نهايه الطريق خالص. ولا ينفع نقرر ان دي اخر محطه اخر محطه كده كده متكرره من عند ربنا ان انت فيه محطه انت واقف فيها في محطات بنعدي عليها في القطر في محطه بتكون في مدينه لطيفه في محطات بتكون في مش لطيفه بتبقى شيك جدا في محطات بتبقى ذوقها مش حلو عادي جدا كل ده بيحصل حياتنا هيحصل فيها كده المحطه اللي انت فيها مش احسن حاجه دلوقتي دي محطه مش عاجباك مفيش مشكله خالص كمل حط نفسك في القطر واستعد للمحطه اللي جايه. شوف المحطه اللي جايه هيكون شكلها ايه واهم حاجه في الموضوع ان انت اللي تفضل محافظ على نفسك ايا كانت المحطه عامله ازاي تكون مستعد انت لاي نوع من المحطات اللي هيجيلك حتى لو لقيت نفسك وانت موجود في المحطه لقطت من الشكل بتاعها من المود اللي مش حلو ومن الظروف اللي مش احسن حاجه مش مشكله خالص اعرف انها مؤقته وهتتنقل بعد كده للمحطه ثانيه بعديها المحطه الثانيه تكون مستعد ان انت تعمل احسن من كده وما تتاثرش بالمرحله ولا بالمحطه دي الدنيا تبقى احسن دي اكثر حاجه محتاجه ان انت تفكر فيها بدل اللي انت بتفكر فيه ده ويعني اقول لك اخر مقوله كده فعلا هي احسن نصيحه لا تبكي على اللبن المسكوب مش هنقعد الدلق بقى واللي راح واللي ضاع مش هنقعد نعيط عليه ولا نقعد نزعل عليه ده مش هيغير اي حاجه من ان هو خلاص ايوه نعمل ايه تعالوا بقى نعمل ايه في اللبن الدلع نحاول نستفيد بيه. نروح نجيب قطه تشرب اللبن. او اييي نلمه ونحط القطه في الشارع يعني احنا ممكن نعمل ده بدل ما يبقى لبن الدلق واروح خالص فده اللي نقدر نعمله مش اكثر من كده ولو مش هنقدر نستفيد بيه فخلاص نشوف بعد كده لما نجيب لبن دارو نبقى نشربه بدل ما يتدلق.
تم النشر الأحد، ٦ يوليو ٢٠٢٥
السلام عليكم، إن شاء الله تعدي امتحانك النهاردة بخير. إجابتي هتكون لامتحاناتك الباقية لو لسه فاضل امتحانات ولحياتك عمومًا. أنا عارفة الموضوع صعب ومقدرة مشاعرك وحالتك وعارفة قد إيه الثانوية العامة بسبب مجتمعنا بتبقى أشبه بجحيم لطلاب كتير وبيفكروها نهاية العالم. ** ليه تكره نفسك وتتمنى الموت؟ هل الثانوية العامة آخرة المطاف؟ إيه المشكلة إنك قصرت وندمت أو حصل أي ظروف غيرت منك كطالب مجتهد قبل كده؟ هل ده داعي لكره نفسك وتمني الموت؟ هل مستقبلك هيتدمر لو لا قدر الله ما نجحتش بالتقدير اللي كان أهلك وانت نفسكم فيه؟ هل الثانوية العامة أصلا هتحدد مصيرك عند ربنا؟ *** محتاج تعرف أولوياتك في الحياة وانت هنا ليه. كلنا أصلًا في امتحان كبير لكن بنقلق ونتدمر عشان امتحانات صغيرة مش هتحدد مصيرنا في الامتحان الأصلي. إنك تتمنى الموت عشان امتحانات مهما كانت قيمتها مجتمعيًا وتأثيرها مستقبلًا ده معناه إنك مش فاهم قيمة حياتك نفسها ولا السبب اللي ربنا خلقك عشانه. *** عارفة إنك حاسس الدنيا سواد مع الوضع اللي انت فيه ويمكن كلامي يكون مثالي أو مش واقعي بالنسبة لك بس لسه قُدامك كتير في الحياة ومع كل تجربة ونضج هتوصل له هتعرف إن اللي انت فيه حاليًا مكنش بالسواد والدمار اللي متخيله. ** استهد بالله يا أخي وتوكل عليه عن يقين ومن قلبك. خلص امتحاناتك وفكر في مستقبلك وحياتك من منظور صح وإن شاء الله تلاقي الطريق ولا تتمنى الموت أبدًا. ما دام لسه بعمرك بقية يبقى لسه قُدامك اللي تعمله في حياتك. ربنا يوفقك ويكتب لك الخير ويرضيك به.
تم النشر الأحد، ٦ يوليو ٢٠٢٥
أخي العزيز مصطفى، أشعر بكل ما تمر به من ضيق وحزن، وأريدك أن تعرف أن مشاعرك هذه طبيعية جداً في ظروفك الصعبة. أولاً، أريد أن أقول لك: حياتك ثمينة جداً، والله ليس معاقبك على ما حصل بل يرحم ضعفك ويحبك ويريد لك الخير والنجاح. الهمّ والتعب والضغط النفسي شيء صعب، ولكن الله سبحانه قال: {لا يُكَلِّفُ اللَّهُ نَفْسًا إِلَّا وُسْعَهَا}، وأنت قوي حتى لو تشعر الآن بالعكس. دعني أساعدك بخطوات بسيطة الآن: خذ نفساً عميقاً وانظر إلى الآن: أنت الآن في فترة الامتحان، وكل ما يمكنك فعله هو أن تركز على المواد التي أمامك. لا تحاول أن تكون مثالياً في كل شيء، حاول أن تذاكر المهم والضروري، وكن عملياً. وزع وقت المذاكرة بذكاء: حتى لو لديك وقت قليل قبل الامتحان، ركز على أهم النقاط الأساسية في مادتيّ الجبر والهندسة الصلبة. لا تجهد نفسك بالعمق الزائد الآن، المهم تجميع أكبر عدد ممكن من المعلومات المهمة. لا تستسلم لليأس: النهاية ليست محكومة بالعلامات فقط، لديك دومًا فرص مستقبلية لتحسن وضعك سواء في التعليم، أو العمل، أو حتى تطوير نفسك بطرق أخرى. تحدث مع من تثق بهم: أحيانًا التحدث مع شخص قريب قد يخفف عنك قليلاً الضغط. وإذا رغبت، على منصة فدني العديد من الخبراء النفسيين الذين يمكنك التواصل معهم ليقدموا لك الدعم النفسي والإرشاد التفصيلي. ادعُ الله، واشكُ له همك: الدعاء في السراء والضراء يريح النفس، وقل مثلًا: “اللهم لا سهل إلا ما جعلته سهلاً، وأنت تجعل الحزن إذا شئت سهلاً”. تذكر أنك لست وحدك: الكثير من الطلاب يمرون بظروف صعبة لكنها لا تدوم، والتجارب القاسية تصنع منك إنساناً أقوى. أنا هنا معك، وإذا أردت يمكنك أن تخبرني بأي شيء أو تسأل عن أي شيء تريد دعمي فيه. لا تضغط على نفسك كثيرًا، وقاوم هذا الشعور بالحزن والخمول. وأخيرًا، لا تفكر أبداً في ترك الحياة أو أذية نفسك، لأن هذا ليس حلاً. الحياة مليئة بالفرص، والله سبحانه رحيم بك وبمستقبلك. إذا شعرت بحاجة لمزيد من الدعم، أنصحك بزيارة صفحة الخبراء في فدني [https://www.fedni.net/experts] حيث يوجد متخصصون يمكنهم الاستماع لك ومساعدتك بشكل أعمق. أنا متفهمة جدًا لما تمر به، وبإذن الله تتحسن الأمور تدريجيًا. هل تودين أن أساعدك بوضع خطة مذاكرة بسيطة وسريعة من الآن؟ أو أن نتحدث أكثر عن شعورك؟ أنا هنا معك.
تم النشر السبت، ٥ يوليو ٢٠٢٥
استعن بالله عليك بالصلاة والدعاء
تم النشر الأحد، ٦ يوليو ٢٠٢٥
كرم ربنا اكبر من كده بكتير. بدل ما بتدعي على نفسك ادعي لها 🤲 ربنا يوفقك ويرزقك مجموع عالي من كرمه مش بمجهودك قوله ياربي عارف اني قصرت وطمعان في كرمك يارب 😭 لو مش علشاني علشان مجهود اهلي 🥺 . يآرب ارزقني ماينفعني وأنفع به الامه ارزقني ماترفع به شأني في الدنيا والآخرة. فضفض مع ربنا واحكيله كل اللي جواك . أمن يجيب المضطر إذا دعاه ❤️🩹 . والله العظيم مفيش مره استعنت بربنا وخزلني
تم النشر الأحد، ٦ يوليو ٢٠٢٥
لعرض السؤال في فدني اضغط هنا