السلام عليكم ورحمه الله وبركاته. مبدئيا احنا ممكن عادي جدا ناخد قرار ونرجع فيه يعني احنا ممكن ناخد قرار جديد القرار ده بيقول ان احنا هنغير في قرارنا القديم تمام ده من حقنا وما فيهاش اي حاجه لكن خلينا ناخذ المثال بالذات بنتكلم هنا في السؤال انه انا قررت اسامح بس لقيت ان انا بيجيلي افكار او عندي حاجات بتدور جوايا بتقول ان انا كده ما سامحتش. فاعمل ايه المسامحه مش معناها انه الشعور اللي جواه هينتهي يعني انا مش هبطل اتضايق من الناس دي انا مش هبقى شايف إن هما كويسين انا مش هيتغير الإحساس تجاههم بالعكس هو انا قررت بند المسامحه ده علشان ببند المسامحه ده انا بقرر اني مش هدور على الجزء اللي انا شايف ان هو ترضية ليا مره ثانيه يعني انا مش هستنى انهم يراضوني انا مش هستنى ان هم يقولوا لي ما تزعلش على اللي احنا عملناه فيك انا مش هستنى ان يحصل حاجه في حياتهم تبقى نوعا ما عقاب لهم او رد للألم اللي هم سببوه لي هو ده معنى المسامحه إن أنا أكون خلاص من جوايا صافي من الاتجاه ده لكن انه تجيلي افكار ده عادي جدا ما فيهاش اي مشكله. ممكن بناء على الافكار دي غير قراري وممكن ما اغيرش قرار ولا اي حاجه وجود الافكار مش معناه انك سامحتش. لكن الافكار دي بتقول انه انا عندي مشكله تانيه محتاجه ان انا اتعامل معاها وهو انا ليه لسه بفكر في الناس دي هو ده السؤال بقى المهم انا ليه لسه بفكر في الناس دي رغم ان انا قررت ان انا اسامح.
لعرض الإجابة في فدني اضغط هنا