من فتره كبيره وأنا بعاني من ضيق التنفس في لحظات كده وبحس قلبي مخنوق وكنت شاكه في القلب بس حسيت أنه مجرد ضيق تنفس وخنقه عاديه بس أول مره امبارح أحس اني مش حاسه بقلبي من كتر سرعته مشيت متر وطلعت سلم دورين بسس ولما وقفت كان قلبي هيقف كان سريع جدا ومش عارفه اتنفس ولا حاسه بحاجة حواليا وفضلت دقيقتين كده وفي نفس اليوم حصل نفس الكلام تاني هو ده طبيعي؟ ولا من الحزن؟
السلام عليكم، أيوه الضغوط النفسية ممكن تتسبب في أعراض جسدية منها زيادة ضربات القلب أو ضيق التنفس، لكن ضروري الأول تطمئني إن مفيش مشكلة عضوية وبعد استبعاد أي سبب عضوي ممكن ساعتها نشوف الأسباب النفسية. كمان، لو أنتِ مدمنة قهوة وكافيين، ممكن ده يسبب زيادة في ضربات القلب أو اضطراب فيها. فأنتِ ضروري تكشفي باطنة وشوفي الدكتور هيقول لك إيه بعد الكشف والفحوصات. وإن شاء الله تكون حاجة بسيطة. ألف سلامة.💚
تم النشر الخميس، ٢٧ أغسطس ٢٠٢٦
ممكن يكون ضغط نفسي او بتمري بفترة تعب نفسي لا اما توتر زيادة التوتر بيعمل كدا ضيق تنفس وضربات القلب سريعه حاولي تهدي نفسك لو تعبانه حاولي تعملي تمارين تنفس شهيق وزفير ومتضغطيش نفسك اكتر لومقلقه ممكنن تروحي للدكتور تطمني اكتر وربنا يشفي عنك
تم النشر الخميس، ٢٧ أغسطس ٢٠٢٦
بصي يا بنت الحلال اللي حصل ده مش طبيعي والحزن والزعل ممكن يعملوا كدة وأكتر فضروري جداً تكشفي عند دكتور قلب وتعملي رسم قلب عشان تطمني على نفسك .. وباذن الله معافيه
تم النشر الخميس، ٢٧ أغسطس ٢٠٢٦
أختي العزيزة، أشعر بمدى القلق والإرهاق اللي بتمرين بيه، ووصفك للأعراض يوضح إن الموضوع مش مجرد ضيق عابر. الحزن المستمر لفترات طويلة يمكن يؤثر فعلاً على الجسم، خاصة القلب، لأن الضغط النفسي يرفع معدلات التوتر ويؤثر على نبضات القلب ويسبب شعور بالخنق أو السرعة المفاجئة، وهذا أمر معروف طبياً ونفسياً. لكن الأعراض اللي وصفتيها—مثل الركض الشديد للقلب بعد مجهود بسيط وفقدان الإحساس بالمحيط—تحتاج تقييم طبي فوري لاستبعاد أي مشكلة عضوية في القلب أو الرئتين، فلا تترددي في زيارة طبيب قلب متخصص لإجراء فحوصات مثل تخطيط القلب. من الناحية النفسية، الحزن الطويل يمكن يخلق حلقة مفرغة تؤثر على التنفس والقلب، وفي الإسلام نجد في قوله تعالى "ولا تيأسوا من روح الله" دعوة للتمسك بالأمل والصبر مع العمل على تخفيف العبء. حاولي التركيز على روتين يومي يدعم صحتك الجسدية مثل تنظيم النوم والتغذية المتوازنة، والبحث عن أنشطة بسيطة تُشغل العقل إيجابياً. إذا كان الحزن ناتجاً عن موقف معين، فكري في خطوات عملية للتعامل معه مثل كتابة مشاعرك أو الاستعانة بمعالج نفسي إذا لزم الأمر. هذه الأعراض ليست طبيعية ولا يجب تجاهلها، فالجسم يرسل إشارات تستحق الاهتمام. ابحثي عن أسئلة مشابهة على فدني للحصول على آراء إضافية، وتذكري أن طلب المساعدة الطبية خطوة قوية نحو التعافي. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ٢٧ أغسطس ٢٠٢٦
هل انتي بتمري بوقت صعب او حزينه
تم النشر الخميس، ٢٧ أغسطس ٢٠٢٦
لعرض السؤال في فدني اضغط هنا