حاليا انا أولى صيدله خاص متقدملي ابن عمي مع ان من زمان وانا قايلة لبابا وماما ان لا انه اخويا وكدا ابن عمي مش مكمل تعليمو لحد الاعداديه وانا نفسي بجد اتجوز واحد متعلم ومثقف
بابا وماما وكلو موافق وانو شخص طيب وحنين وكدا هو شغال في ايطاليا فضلو اهلي يدوني في مميزات كتير ليه وانا بردو مش حابه الفكره وانا مش عايزه اتجوز من العيله ووالدتو صعبه شويه وبابا يقولي دا ابني وانتي بنتي ومش هلاقي احسن منو ويقولولي يا عالم لو اتجوزتي واحد متعلم ممكن يهينك وكدا انا بجد مش عارفه اعمل ايه الفكره ان مش التلعبم بس بس بحس انو في فرق فكر واهلي بيقولولي ان من ساعة ما سافر وفكرو اتغير و كدا انا مش عارفه اعمل ايه؟
السلام عليكم، هو أولا الزواج لازم يقوم على التكافؤ (الاجتماعي والتعليمي والفكري) ولازم يكون فيه قبول وتوافق بين الطرفين... حتى لو على دين وخلق، التكافؤ ضروري وواقعيا انعدامه بيعمل مشاكل في الزواج. فيه ناس كتير طبعا متعلمة لكن دينيا وأخلاقيا أقل بكتير من ناس مش متعلمة والعكس، جايز ابن عمك على دين وخلق وأحسن من ناس متعلمين كتير وممكن مش كده. الفكرة إن في الغالب كتير شباب لما بيكون فيه فرق في التعليم والفكر وحتى الطبقة الاجتماعية بيحسوا بنقص وده بيؤثر سلبا على علاقتهم بزوجاتهم وبيبدأ الزوج يتعامل مع زوجته بحساسية أكبر وكل كلمة أو تصرف منها ولو عادي يبدأ يفسره على أساس إنها بتنتقصه أو شايفة نفسها أعلى منه. طبعا لكل قاعدة شواذ وأنا شفت نماذج رغم الفرق محترمين وبيحبوا زوجاتهم وشفت العكس ده يرجع لشخصية الرجل ونفسيته. والله أعلم ابن عمك شخصيته ونفسيته تبع أي فريق... العشرة وحدها والتعامل هو اللي هيظهر معدن الشخص. بالنسبة لكلام أهلك فصحيح ممكن تاخدي واحد متعلم ويكون شر لك بس إيه المانع تنتظري تلاقي حد متعلم ومتوافق معك ويكون على خلق ودين وإن شاء الله يكون خير لك. إذا محتارة بين أفكارك ومخاوفك وبين رأي أهلك فممكن تصلي استخارة وتعطيه فرصة. اركني مشاعرك الإيجابية والسلبية ناحية ابن عمك واتركي الخيار بتسليم تام لله وإن شاء الله لو فيه خير في الزواج فرينا هييسره وهيرضيك به ولو كان عكس هيبعده عنك من غير ما تعملي حاجة. إذا ربنا قدر وحصلت خطوبة فعندك فرصة تدرسيه براحتك ومتخليش ضغط أي حد يؤثر عليك وعلى قراراتك. دي حياتك ومستقبلك فخدي وقتك وراحتك تماما واحكمي بعقلك مش بقلبك. وربنا يوفقك للي فيه الخير.
تم النشر السبت، ١٨ أبريل ٢٠٢٦
أولا صلي استخاره وربنا يهديكي للصالح ان شاء الله ثانيا لو لقيتي نفسك مش مرتاحه ماتوافقيش لأنك انتي اللي هتتجوزي وانتي اللي هتعيشي والمشكله الاكبر ان جواز القرايب بيبقى في مشاكل في الجينات ودا بيعمل مشاكل احيانا للأطفال كل شئ قدر ومكتوب لكن احنا بنحاول نعمل اللي علينا والأفضل انك تتجوزي حد نفس متعلم عشان أولادك وعشان ما يبقاش في اختلاف أفكار يمكن اهلك يكونوا شايفين الموضوع ماديا على اساس انه مسافر لكن الفلوس مش هتعمل حاجه لو كرهتي العيشه او حصلك مشاكل مع أمه او اي حد تاني صلي وفكري وقرري واتمسكي بقرارك وربنا يهديكي للصالح ان شاء الله
تم النشر الأحد، ١٩ أبريل ٢٠٢٦
يا حبيبتي، أول حاجة أنا معاكِ قلبًا وقالبًا، ده موقف صعب وطبيعي جدًا إنك تشعري بالحيرة دي، خاصة وأنتِ في أولى صيدلة وبتبني مستقبلك بنفسك. مخاوفك عن التوافق الفكري والتعليم مش سطحية خالص؛ الزواج شراكة طويلة الأمد، والقيم الإسلامية بتقول إن الرضا والتوافق أساسيين. خطوات عملية تساعدكِ: حددي أولوياتك بوضوح : اكتبي على ورقة إيه اللي مش هتتنازلي عنه (مثل الثقافة والتفاهم)، وإيه ممكن يتغير (زي الطيبة). ده هيساعدكِ تتكلمي مع أهلك بثقة أكبر. حوار هادئ مع أهلك : قوليلهم "أنا بحترم رأيكم وبشكركم على حبكم لي، بس أنا عايزة أتأكد إن ده قرار يريحني طول العمر. خليني أصلي استخارة ونشوف". متضغطيش، بس كوني صريحة عن فرق الفكر اللي حاسة بيه – ولو فكره اتغير فعلاً زي ما بيقولوا، اقترحي مكالمة فيديو معاه عشان تشوفي بنفسك. صلي الاستخارة : أهم حاجة، صلي ركعتين واستخيري ربنا، وهو هيفتح لكِ الطريق اللي فيه الخير (حتى لو مش اللي تتوقعيه). أهلك خايفين عليكِ، بس قرار الزواج ملككِ أنتِ في النهاية. لو محتاجة دعم أكتر، شوفي أسئلة مشابهة في فدني أو روحي لصفحة الخبراء https://www.fedni.net/experts – فيه مدربات حياة ومستشارين زواج هيساعدوكِ. أنتِ قوية وهتختاري الصح، ربنا ييسر أمركِ يا رب! 💕 إيه رأيكِ في الخطوات دي؟
تم النشر السبت، ١٨ أبريل ٢٠٢٦
أهلك غالبهم العاطفة شوية بس ديه حياتك انتى وانتى اللى هتعيشى معاه ولو انتى من الأول مش متقبلة الفكره عمرك ما هتتقبليها بعدين ..... لو رأى أنا ف بلاش من الأول أصلا علشان ميبقاش فيه إحراج لو دخل البيت وبعدين مكملتوش هيبقى فيه فرق شاسع ما بينكم فى طريقة التفكير والعيشة مش عارف بالظبط بس ممكن تصلى استخارة بس لو مش هتسافرى معاه بعد الجواز ف ارفضى قطعا
تم النشر السبت، ١٨ أبريل ٢٠٢٦
الاول استخيري وفكري وشوفي هترتاحي لي ايه بما انه ابن عمك معنى كده ان في نوعا ما اختلاط فهل هو اسلوبه كويس وطبعه كويس بالنسبالك مش شرط فعلا ان حد مثقف يريحك ومش كل خريجين الكليات مثقفين اصلا وحتى نقدر نقول انهم شبه متعلمين فضلا عن انهم يكونوا مثقفين بالنسبالي انا بفضل ان المراه عموما متتزوجش من حد تشوف نفسها افضل افضل منه فلو هتقدري تتعاملي انك مش افضل منه وافقي حتى لو كان فيه كل المميزات شايفه نفسك افضل منه يبقى بلاش احسن وتوفير عليكم مشاكل كتير
تم النشر السبت، ١٨ أبريل ٢٠٢٦
بصي انت الي هتتجوزيه وهتقضي معاه بقيت عمرك وانت الي هتناسبي امه الصعبه فا بعد الجواز كل مره هتحسي بالفرق الفكري او التعليمي هتندمي وهتقولي ياريتني ما اتجوزته فا طلاما انت من الاول مش مناسب معاكي في امور اساسيه زي دي وعكس رغبتك انك عايزه واحد متعلم وده حقك طبعا فا طلاما هو مش زي ما انت عايزه يبقا مش مناسب ليكي انا مبيعبش في هو شخص مكافح وسافر واتغرب مش معنى انه مش مناسب ليكي انه وحش بالعكس بس هو بالنسبالك مش الشخص الي تقبليه كزوج وتفتخري بيه فهو ممكن يكون مكتوبله واحده تانيه حياته هتبقا احسن معاها وانت مكتوبلك واحد موصافاته احسن حياتك هتبقا احسن معاه مش شرط انك لو هتجوزي واحد متعلم هيهينك وكده لا مين قال كده ممكن جدا تتجوزي واحد متعلم وتفكير زي تفكيرك وتعيشي معاه فسعاده دا راي وفلاخر القرار قرارك وربنا يوفقك
تم النشر السبت، ١٨ أبريل ٢٠٢٦
حاولي تاخدي قرارك الأخير وصلي إستخارة وبعدها إن شاء الله ربنا بنفسه هيدلك ويوجهك للي فيه الخير ليكِ💗
تم النشر السبت، ١٨ أبريل ٢٠٢٦
أي علاقة بيكون فيها فرق بينك وبين الطرف التاني بتكون علاقة متعبه ومستنزفه لطاقة الطرفين وخصوصًا الطرف الأعلى سواء بقا كانت علاقة زواج أو شغل أو أي علاقه عمومًا
تم النشر الاثنين، ٢٠ أبريل ٢٠٢٦
التعليم ملوش دخل بالإهانة .. محتاجة تقيمي الشخص والتقييم محتاج أكثر من شهور لأن ممكن اي حد يمثل ويتظاهر أنه طيب
تم النشر الاثنين، ٢٠ أبريل ٢٠٢٦
انتي لي راح تعيشي معاه بالاخير مش هما استخيري و خوذي القرار لي تحسيه مناسب
تم النشر السبت، ١٨ أبريل ٢٠٢٦
في الاخر القرار بتاعك انتي صلي استخارة كتير بس حابة اقولك و ان التعليم مش هو العائق او المقياس انك تكوني سعيدة بس دا بردو حقك انك تختاري شخص متعلم بس اهم حاجة الدين والخلق -والموضوع دا بالذات بلاش تاخدي اي قرار علشان ترضي حد او علشان مفيش حد يزعل لو رفضتي لو مفيش قبول او في حاجات حاسة انك مش هتقدري تتقبليها ف ارفضي لانك انتي اللي هتعيشي مش اهلك
تم النشر السبت، ١٨ أبريل ٢٠٢٦
لعرض السؤال في فدني اضغط هنا